نئی دہلی، 25 فروری 2022:

موجودہ دور میں وبا کی وجہ سے بھارت میں آف لائن سے آن لائن کام کرنے، لین دین کرنے اور بلا روک ٹوک خدمات کی فراہمی میں بڑے پیمانے پر تبدیلی دیکھنے میں آئی ہے۔ بی ایف ایس آئی جیسے شعبوں میں جدید ترین ٹیکنالوجی کو اپنانے میں ایک بڑی تبدیلی دیکھی گئی ہے خاص طور پر ڈیجیٹل لین دین کے لئے رہائشیوں اور صارفین کے لئے آن لائن توثیق اور تصدیق سے متعلق۔ مالی خدمات تک رسائی کے لئے صارفین جس طرح اپنی شناخت کرتے ہیں اس میں نمایاں طور پر تبدیلی آئی ہے۔

یونیک آئیڈینٹی فکیشن اتھارٹی آف انڈیا (یو آئی ڈی اے آئی) اور ریزرو بینک انوویشن ہب مشترکہ طور پر آتم نربھر بھارت کے جذبے سے تقویت پاکر وزیر اعظم کے وژن کی جستجو اور 'آزادی کا امرت مہوتسو' کے جاری جشن کی اپنی پیش رفت میں 24 فروری 2022 کو بنگلور، کرناٹک میں "شناخت اور اختراع: بھارت کے مالیاتی شعبے کے انقلاب کی کلید" کے عنوان سے یک روزہ کانفرنس کا انعقاد کیا۔

اس تقریب میں ریزرو بینک آف انڈیا کے ڈپٹی گورنر جناب ٹی ربی سنکر، یو آئی ڈی اے آئی کے سی ای او ڈاکٹر سوربھ گرگ، آر بی آئی ایچ کے چیئرپرسن جناب کرس گوپال کرشنن، ریزرو بینک انوویشن ہب (آر بی آئی ایچ) کے سی ای او جناب راجیش بنسل نے صنعت کے رہنماؤں اور اعلی فنٹیک کمپنیوں اور بینکوں کے نمائندوں کے ساتھ شرکت کی۔

آر بی آئی کے ڈپٹی گورنر جناب ٹی ربی سنکر نے اپنے کلیدی خطاب میں کہا کہ ادائیگیوں کی جگہ میں تکنیکی حل کے لحاظ سے ہندوستان ایک عالمی رہنما کے طور پر ابھرا ہے۔ آر بی آئی ہمیشہ مالیاتی شعبے میں ترقی کو منظم کرنے کے اقدامات کرتا رہا ہے خاص طور پر (مالیاتی) ٹیکنالوجی کے شعبے میں۔ آر بی آئی کے قیام کا مقصد ٹیکنالوجی اور بینکاری کے شعبے میں جدت طرازی کو آسان بنانا تھا۔ شمولیت کے موضوع پر بھارت میں آبادی کا بڑا حصہ اب بھی فیچر فون کا استعمال کرتا ہے۔ فن ٹیک لاگت کو کم کرکے، کسٹمر سروس کو بہتر بنا کر اور مالیاتی خدمات کی رسائی کو بڑھا کر ثالثی کی کارکردگی کو بہتر بنا سکتا ہے۔ سی بی ڈی سی کے موضوع پر انہوں نے کہا کہ ایک بڑا فائدہ غیر ملکوں سے ادائیگیاں ہیں۔ اگر تمام ممالک اپنے سی بی ڈی سی تیار کرتے ہیں تو غیر ملکی لین دین فوری طور پر اور بہت کم لاگت پر کرنا ممکن ہوگا۔

یو آئی ڈی اے آئی کے سی ای او ڈاکٹر سوربھ گرگ نے کہا کہ آدھار نے لاکھوں لوگوں کی زندگیوں میں بنیادی فرق پیدا کیا ہے خاص طور پر وہ لوگ جو پرامڈ کے نچلے حصے میں ہیں۔ اس سے حکومتی پروگراموں کے انتظام کے طریقے میں نمایاں فرق پڑا ہے۔ آدھار 2.0 کے بارے میں بات کرتے ہوئے انہوں نے بتایا کہ یو آئی ڈی اے آئی کی جانب سے بڑی اصلاحات اور سرکاری اسکیموں میں بائیو میٹرک توثیق کے ساتھ ڈیجیٹل شناختی بنیادی ڈھانچے کی رسائی کا تجزیہ کرنا اور ہمہ گیر شمولیت کے حصول کے لئے ڈیجیٹل شناخت کے مختلف مستقبل کے پہلوؤں پر بھی غور کرنا ایک خود شناسی اور تحقیقی کوشش ہے۔

آر بی آئی ایچ کے چیئرپرسن جناب کرس گوپال کرشنن نے 130 کروڑ بھارتیوں کے لئے اختراع کو بروئے کار لانے کے بارے میں اپنا وژن شیئر کرتے ہوئے تجویز پیش کی کہ ایک عوامی اشیا کا پلیٹ فارم تشکیل دیا جائے جو نجی اختراعات پر مبنی ہوسکتی ہیں۔ پلیٹ فارم کو آزاد اور منصفانہ ہونے کے لئے ضروری ہے کہ اسے حکومت یا غیر منافع بخش ادارے کے ذریعے چلایا جائے۔ تفاوت، رسائی، انصاف پسندی کے مسئلے سے نمٹنے کے لئے صرف ٹیکنالوجی ہی حل تلاش کر سکتی ہے اور اس طرح لاکھوں لوگوں کی زندگیوں میں تبدیلی پیدا ہوسکتی ہے۔

آر بی آئی ایچ کے سی ای او جناب راجیش بنسل نے اپنے خطاب میں کہا کہ آر بی آئی ایچ کا منشور اختراع، شمولیت، اثر وژن پر مبنی ہے اور اس کا مقصد مالی شمولیت کے ذریعے معاشی مواقع کو بہتر بنانے کے لئے نئی ٹیکنالوجیز سے فائدہ اٹھانا ہے۔  آر بی آئی ایچ تمام مالیاتی ماحولیاتی نظام کے اسٹیک ہولڈرز کے درمیان مشترکہ وژن کو مستحکم کرنے کے لئے پلیٹ فارم فراہم کرتا ہے۔

یہ بات وسیع پیمانے پر تسلیم شدہ ہے کہ روایتی بینک وراثتی افعال، حکمرانی کے بہت بڑے ڈھانچے ہے اور اس کے متوازی بہت سی حکمت، اعداد و شمار اور بڑے صارفین اور لین دین کے ساتھ ان کے وسیع تجربات کے حامل ہیں۔ جائز ریگولیٹری امبریلا کے تحت نئے دور کے فنٹیک کے ساتھ شراکت داری کرنے والے بینک ہی ترقی کریں گے اور بینکوں اور دیگر مالیاتی اداروں کو ان کو اہل اور شراکت دار سمجھا جانا چاہئے۔

پینل اسپیکرز اور شرکا نے چہرے کی شناخت، سمارٹ فون پر مبنی توثیق، مالیاتی شعبے میں بلاک چین کے استعمال اور ایسے طریقوں کی تلاش پر غور کیا جن میں ای کے وائی سی اور معلومات کے اشتراک جیسے عمل کو عوام کے لئے آسان اور سستا بنایا جاسکے۔

اوپن ڈیجیٹل پبلک انفراسٹرکچر، آدھار 2.0 کے حصے کے طور پر مستقبل کی ٹیکنالوجی کا اپ گریڈ، مالیاتی شعبے کے لئے آدھار پر مبنی خدمات میں بہتری پر بھی تبادلہ خیال کیا گیا۔ اعلی بھارتی فنٹیک اداروں، شناخت کی تصدیق اور ادائیگیوں کی جگہ میں اسٹارٹ اپ اور روایتی بینک نمائندوں نے آدھار 2.0 کے لئے اپنی امنگوں کا اظہار کیا۔ کانفرنس میں ڈیٹا پرائیویسی بل فار انڈیا کے تناظر میں رازداری اور ڈیٹا کی ملکیت کے بارے میں بھی بات چیت ہوئی۔ کم خدمات حاصل کرنے والے یا مالی خدمات سے خارج رہائشیوں کو اپنی پسند کے کسی بھی مقام اور چینل سے ڈیجیٹل طور پر شناخت کرنے کے لئے ایک سستا، آسان طریقہ فراہم کرنے کے قابل ہونا ملک کے لئے اہم پیش رفت ہوگی۔

کانفرنس کا اختتام مالیاتی خدمات کے اندر ڈیجیٹل شناخت کو اپنانے سے متعلق خیالات کے بھرپور تبادلے اور ڈیجیٹل معیشت کی مجموعی ترقی کے لئے اسمارٹ گورننس اور فنانشل اسپیس میں ہمہ گیر رابطے اور خدمات کے دور کی راہ ہموار کرنے کے ساتھ ہوا۔

<><><><><>

 

ش ح-ع ا-ج

U.No. : 2000

 

(ریلیز آئی ڈی: 1801132) وزیٹر کاؤنٹر : 221