ভারতকী অহানবা লমদম অসিদা পুথোকচবা, বায়োলোজিকেল ই. লিমিতেদনা পুথোকপা কোর্বিভেক্স তি.এম., কোবিদ-১৯গীদমক্তা  রিসেপ্তর বাইন্দিং দোমেন (আর.বি.দি.) প্রোতীন সব-য়ুনিৎ ভেক্সিন, অসি চহি ১২-১৮গী কাংলুপকীদমক্তা দ্রগ কন্ত্রোলর জেনরেল ওফ ইন্দিয়া (দি.সি.জি.আই.)দগী ইমর্জেন্সী য়ুস ওথোরাইজেশন (ই.য়ু.এ.)গীদমক্তা দি.সি.জি.আই অয়াবা ফংখ্রে। অঙাং অমসুং অহলশিং য়াওনা চহি ১২ অমসুং মসিগী মথক্তা লৈবা মীওইশিশিংদা কাপ্নবগী অয়াবা ফংখ্রে

দ দিপার্তমেন্ত ওফ বায়োতেক্নোলোজী (দি.বি.তি.) অমসুং মসিগী পব্লিক সেক্তর অন্দরতেকিং (পি.এস.য়ু.), বায়োতেক্নোলোজী ইন্দস্ত্রী রিসর্চ এসিস্তেন্স কাউন্সিল (বি.আই.আর.এ.সি.)না, প্রি-ক্লিনিকেল স্তেজদগীনা ফেজ III ক্লিনিকেল স্তদীশিংদা ফাওবা বায়োলোজিকেল ই.গী ভেক্সিন কেন্দিদেতপু সপোর্ত তৌখি। ভেক্সিন কেন্দিদেত অসিবু প্রি-ক্লিনিকেল স্তদীশিং অমসুং ফেজ  I/II ক্লিনিকেল ত্রায়েলশিংগীদমক্তা, নেস্নেল বায়োফার্মা মিসনগী খুত্থাংদা কোবিদ-১৯ রিসর্চ কন্সোর্তিয়মগী মখাদা শেলগী ওইবা মতেং পীখি। মখাতানা ক্লিনিকেলগী ওইবা দেবেলপমেন্ত তৌনবগীদমক্তা মিসন কোবিদ সুরক্সাগী খুত্থাংদা অহেনবা মতেংসু পীখি। কোর্বিভেক্স তি.এম. অসি ইন্ত্রামস্কুলরদা ওইনা কাপ্পা দোজ-২গী ভেক্সিননি অমসুং মসি ২º সেলসিয়সতগীনা 8ºসেলসিয়স ফাওবা স্তোর তৌবা য়াগনি।

ভাইরল সর্ফেসতা লৈরিবা স্পাইক প্রোতীনগী রিসেপ্তর বাইন্দিং দোমেন (আর.বি.দি.)দগী দেবেলপ তৌখিবা রিকম্বিনেন্ত প্রোতীন সব-য়ুনিৎ ভেক্সিন অসি সি.পি.জি. ১০১৮ অমসুং এলমনা আদজুভেন্ত ওইখি। দ দ্রগ কন্ত্রোলর জেনরেল ওফ ইন্দিয়ানা ২০২১গী দিসম্বর ২৮দা অহলশিংগী মরক্তা ইমর্জেন্সী ওইবা ফিভমদা খক্তমক অকক্ননা শিজিন্নবগীদমক্তা কোর্বিভেক্স তি.এম. অসিবু হান্নদগী অয়াবা পীখ্রে। হৌজিক চত্থরিবা ফেজ II/IIIগী ক্লিনিকেল স্তদীগী ইন্তেরিম রিজল্তশিংদা য়ুমফম ওইরগা, বায়োলোজিকেল ই অসি চহি ১২দগীনা ১৮ ফাওবগী কাংলুপকী ইনখৎলক্লিবা নহাশিংদা ইমর্জেন্সী ওইবা ফিভমদা অকক্ননা শিজিন্নবগী অয়াবা ফংখ্রে। হৌজিকচত্থরিবা ফেজ II/IIIগী ক্লিনিকেল স্তদীগী লৈরিবা সেফ্তী অমসুং ইম্যুনোজেনিসিতীগী রিজল্তশিং অসিনা ভেক্সিন অসিবু সেফ অমসুং ইম্যুনোজেনিক ওই হায়বা তাক্লি। দি.বি.তি.গী ওতোনোমস ইন্সতিত্যুত অমা ওইরিবা, দ ত্রান্সলেস্নেল হেল্থ সাইন্স অমসুং তেক্নোলোজী ইনস্তিত্যুত (তি.ঐচ.এস.তি.আই.)না, II/IIIগী স্তদীশিংগী ইম্যুনোগেনিসিতী দেতা পীখি।  

দিপার্তমেন্ত ওফ বায়োতেক্নোলোজীগী সেক্রেতরী অমসুং ভারত সরকারগী মখাদা লৈবা বি.আই.আর.এ.সি.গী চিয়রপার্সনসু ওইরিবা দা. রাজেশ গোখলেনা, হীরম অসিগী মতাংদা ঙাংলদুনা মহাক্না হায়খি মদুদি “বি.আই.আর.এ.সি.না পাইখৎলকপা আত্মানির্ভর ভারত পেকেজ ৩.০গী মখাদা মিসন কোবিদ সুরক্সাগী খুত্থাংদা দিপার্তমেন্ত অসিনা লোঞ্চ তৌখিবা, অসিনা সেফ অমসুং এফিকেসিয়স ওইবা কোবিদ-১৯ ভেক্সিনশিং পুথোক্নবগীদমক্তা লেংদনা লেপ্লি। মসি চহি ১২-১৮গি কাংলুপকীদমক্তা ই.য়ু.এ. ফংখ্রবা মিসন অসিগী মখাদা মতেং ফংখ্রবা ২শুবা ভেক্সিননি। কোর্বিভেক্স অসি মতম্না চাংয়েং তৌরবা প্লেতফোর্মদা য়ুমফম ওই অমসুং ভারত অমসুং মালেমগী ওইনা য়াম্না মরু ওইবা ভেক্সিন অমা ওইগনি। মসি ইন্দস্ত্রী-একাদেমিয়া পার্তনরশিপকী মাইপাকপগী খুদম অমনি।”

বায়োলোজিকেল ই. লিমিতেদকী মেনেজিং দাইরেক্তর, মিস. মাহিমা দত্লানা হায়খি, “ ঐখোয়গী কোর্বিভেক্স তি.এম.বু চহি ১২-১৮ কাংলুপকীদমক্তা ঐখোয়গী কোবিদ-১৯ ইম্যুনাইজেশন ইনিসিয়েতিব অসিবু অনৌবা থাক অমা য়ৌহনবদা মতেং পাংলিবা অসিগুম্বা য়াম্না মরু ওইবা দেবেলপমেন্ত অসিগীদমক্তা ঐখোয়না য়াম্না নুংঙাইবা ফাওই। মসিগী অয়াবা অসি ফংবগা লোইননা ঐখোয়না কোবিদ-১৯ লাইচৎ অসিগী মায়োক্তা মালেমগী ওইনা লান্থেংনরিবা অসিবু লোইশিনবদা হেন্না নকশিনহল্লে। ঐখোয়না ভারত সরকারগী দিপার্তমেন্ত ওফ বায়োতেক্নোলোজী (দি.বি.তি.), বাবোতেক্নোলোজী রিসর্চ এসিস্তেন্স কাউন্সিল (বি.আই.আর.এ.সি.), ত্রান্সলেস্নেল হেল্থ সাইন্স এন্দ তেক্নোলোজী ইন্সতিত্যুত (তি.ঐচ.এস.তি.আই.), ক্লিনিকেল ত্রায়েলশিং অমসুং হৌখিবা থা খরা অসিগী মনুংদা মতেং পাংলকখিবা প্রিন্সিপাল ইনভেস্তিগেতরশিং অমসুং  ক্লিনিকেল সাইত স্তাফপু থাগৎপা ফোংদোক্লি।”

 

দি.বি.তি.গী মতাংদা

সাইন্স অমসুং তেক্নোলোজী মন্ত্রালয়গী মখাদা লৈবা, দ দিপার্তমেন্ত ওফ বায়োতেক্নলোজী (দি.বি.তি.)না এগ্রিকলচর, হেল্থকিয়র, এনিমল সাইন্সেস, এনভাইরনমেন্ত অমসুং ইন্দস্ত্রী য়াওনা ভারত্তা বায়োতেক্নোলোজীগী দেবেলপমেন্ত প্রোমোত তৌরি অমসুং এসেলরেত তৌরি।

 

বি.আই.আর.এ.সি.গী মতাংদা

বায়োতেক্নোলোজী ইন্দস্ত্রী রিসর্চ এসিস্তেন্স কাউন্সিল (বি.আই.আর.এ.সি.) অসি নোত-ফোর-প্রোফিত সেক্সন ৮, সেদুল বি., পব্লিক সেক্তর এন্ত্রপ্রাইজ, ভারত সরকারগী দিপার্তমেন্ত ওফ বায়োতেক্নোলোজী (দি.বি.তি.)না, স্ত্রেতেজিক ওইবা রিসর্চ অমসুং ইন্নোভেশনগী থবক পাইখৎনবা, লৈবাক্কী থাক্তা তঙাইফদবা মরু ওইবা পোৎলমশিং পুথোক্নবগী মতাংদা য়েংশিন্নবা নৌনা থোরক্লিবা বায়োতেক এন্তর্প্রাইজপু মপাঙ্গল কনখৎহন্নবা অমসুং শক্তি লৈহন্নবা িন্ত্রফেস এজেন্সী অমা ওইনা লিংখৎখি।

 

বায়োলোজিকেল ই. লিমিতেদকী মতাংদা

১৯৫৩দা লিংখৎখিবা, হাইদ্রবাদতা লৈবা ফার্মস্যুতিকেলস অমসুং বায়োলোজিক্স কমপনী অসি ভারত্তা খ্বাইদগী অহানবা প্রাইভেত সেক্তর বায়োলোজিকেল প্রোদক্তস কমপনীনি অমসুং খা ভারত্তা খ্বাইদগী অহানবা ফার্মস্যুতিকেল কমপনীনি। বি.ই.না ভেক্সিনশিং অমসুং থেরাপেতিকশিং দেবেলপ তৌই, মেন্যুফেক্চর অমসুং সপ্লাইশিং তৌই। বি.ই.না মখোয়গী ভেক্সিনশিং অদু লৈবাক ১০০ হেন্না সপ্লাই তৌরি অমসুং মখোয়গী থেরাপেতিক প্রোদক্তশিং অদুনা ভারত অমসুং য়ু.এস.এ.দা  য়োল্লি। বি.ই.গী ওইনা হৌজিক মখোয়গী পোর্তফোলিয়োদা দবল্যু.ঐচ.ও.-প্রিক্বালিফাইদ ভেক্সিন ৮ লৈ।

হন্দক্কী চহি খরা অসিদা, বি.ই.না ওর্গানিস্নেল এক্সপান্সনগীদমক্তা অনৌবা ইনিসিয়েতিবশিংদা খোং থাং২জিল্লি খুদম ওইনা রেগুলেতেদ মার্কেতশিংগীদমক্তা জেনেরিক ইঞ্জেক্তিবল প্রোদক্তশিং দেবেলপ তৌবা, এ.পি.আই.শিংবু সস্তেন্নেবল ওইবা মওংদা মেন্যুফেক্চর তৌনবগী পাম্বৈ অমা ওইনা সীন্থেতিক অমসুং মেতাবোলিক ইঞ্জিনীয়রিং এক্সপ্লোর তৌবা অমসুং গ্লোবল মার্কেতকীদমক্তা নোভেল ভেক্সিনশিং পুথোকপা।

*****

(Release ID: 1801034) Visitor Counter : 217