کوئلے کی وزارت نے آج یہاں نجی  شعبے کے ساتھ کول انڈیا لمیٹڈ سی آئی ایل کی بند پڑی  کانوں کے لئے  محصول حصہ داری ماڈل سے متعلق  شراکت داروں کے ساتھ  صلاح ومشورہ کیا۔

صلاح ومشورہ میں ایسل مائننگ، اڈانی، ٹاٹا، جے ایس ڈبلیو، جے ایس پی ایل  وغیرہ جیسے  پرائیویٹ  شعبے  کی   بڑی  حصہ داری دیکھنے کو ملی اور   تجاویز  کو  ان کی طرف سے کافی مثبت رد عمل ملا۔ حکومت  بند پڑی کوئلہ کانوں سے  کوئلہ  نکالنے کے لئے  محصول  ساجھیداری ماڈل سے متعلق نجی  سیکٹر  کی  حصہ داری پر غور کر رہی ہے۔ ایسی بہت سی کانیں ہیں، جو  بہت سی وجوہات کی وجہ سے کول انڈیا لمیٹڈ کی جانب سے ماضی میں بند کردی گئی تھیں، تاہم ان کانوں کو  پرائیویٹ  سیکٹر  کی شراکت داری کے ساتھ  کوئلہ نکالنے  کے علاوہ   انہیں دبارہ کھولا جاسکتا ہے۔

کوئلے کی وزارت کو اس بات کی کافی امید ہے کہ  پرائیویٹ سیکٹر  کے اشتراک سے کوئلے کی پیداوار میں اضافہ ہوگا  اور صلاحیت  بڑھے گی۔ اس کے علاوہ  ملک کی ترقی کے لئے  ضروری  فاضل کوئلہ نکالا جاسکے گا۔ کول انڈیا لمیٹڈ سی آئی ایل  وقت کی مناسبت سے محصول حصہ داری بنیاد پر پرائیویٹ سیکٹر کو  اس طرح کی 100  سے زیادہ کوئلہ کانیں  دینے  پر  غور کر رہا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح-ح ا- ق ر)

U-1981