খুঙ্গং চাউখৎ-থৌরাং মন্ত্রালয়
প্রধান মন্ত্রীনা হয়েং ‘নাগ্রিক অমত্তা হুন্দোক্তুনা থনমদবা’ হায়রিবা বজেৎ মতুংগী ৱেবিনারদা ৱা ঙাংগনি
শ্রী ফগগান সিংহ কুলাস্তেনা ব্রেকআউত সেসন – ৫ – ‘এন্দ তু এন্দ দিজিতাইজেসনগী খুত্থাংদা লেন্দ গবর্নেন্স লায়হনবা’ অসিবু লুচিংগনি
Posted On:
22 FEB 2022 8:36PM by PIB Imphal
মনুং চনবা হীরমশিং
য়ুনিক লেন্দ পার্সেল আইদেন্তিফিকেসন নম্বর (য়ু.এল.পি.আই.এন.)না আই.তি.দা য়ুম্ফম ওইদুনা রেকোর্দশিংবু শেন্নবদা তেংবাংগনি
‘ৱান-নেসন ৱান-রেজিস্ত্রেসন সোফৱেয়র’গা লোয়নবা এন.জি.আর.দি.এস.না চে-চাং রেজিস্তর তৌবগীদমক্তা মথৌ তাবা অচঙবা শেনফম, মতম অমসুং চৎপগী মশিং হন্থহনগনি
রাজ্য/য়ু.তি. খুদিংদা সেদ্যুল ৮গী লোলশিংদা লেন্দ রেকোর্দ ত্রান্সলিতরেসন তৌবা হৌরগনি
সর্ভে ওফ ভিলেজ অবাদি এন্দ মেপ্পিং ৱিথ ইম্প্রোভাইজ্দ তেক্নোলোজী ইন ভিলেজ এরিয়া (এস.ভি.এ.এম.আই.তি.ভি.এ./স্বমিত্বা)
কেন্দ্রগী বজেৎ ২০২২-২৩দা লাউথোকখিবা খোঙথাংশিং খন্ন-নৈননবগীদমক্তা ২৩/২/২০২২দা ৱেবিনার অমা শীন লাঙলি। ৱেবিনার অসিগী হৌদোকপগী সেসন অসিদা প্রধান মন্ত্রীনা ৱা ঙাংগনি। ৱেবিনার অসিদা ব্রেকআউত সেসন তরুক লৈগনি। মসিগী মনুংদা বজেত্তা লাউথোকখিবা লেন্দ রেকোর্দ মেনেজমেন্তকা মরী লৈনবা খোঙথাংশিংগী মতাংদা খন্ন-নৈনবসু য়াওগনি। ৱেবিনার অসিগী ৫শুবা ব্রেকআউত সেসনগী হীরমদি এন্দ তু এন্দ দিজিতাইজেসনগী খুত্থাংদা লেন্দ গবর্নেন্স লায়হনবা হায়বসিনি।
ব্রেকআউত সেসন অসিবু শ্রী ফগগান সিংহ কুলাস্তে, স্তীল অমসুং রুরেল দিভেলপমেন্তকী রাজ্য মন্ত্রীনা লুচিংগনি। দি.ও.এল.আর.গী সেক্রেতরী, শ্রী অজয় তির্কেনা মোদরেতর অমসুং এম.ও.পি.আর.গী সেক্রেতরী, শ্রী সুনিল কুমারনা কো-মোদরেতর ওইগনি। দি.ও.এল.আর.গী এদিস্নেল সেক্রেতরী, শ্রী ঐচ.এস. মীনা; এন.এস.দি.আই.গী সি.ই., শ্রী পি.এস. অচার্য়া; সি.-দি.এ.সি.গী শ্রী অজয় কুমার; মেপ মাই ইন্দিয়াগী সি.ই.ও., শ্রী রোহন ভর্মা; হান্নগী সর্ভেয়র জেনেরেল ওফ ইন্দিয়া ওইরম্বা লেফতেনেন্ত জেনেরেল (রিতাইয়র্দ) গিরিশ কুমারনা ৱেবিনার অসিদা ৱা ঙাংগদবা অখঙ-অহৈশিং ওইগনি।
ৱেবিনার অসিদা মখাগী সব-থীমশিং অসিদা খন্ন-নৈনগনি।
য়ুনিক লেন্দ পার্সেল আইদেন্তিফিকেসন নম্বর (য়ু.এল.পি.আই.এন.)
লেন্দ পার্সেলগী য়ুনিক লেন্দ পার্সেল আইদেন্তিফিকেসন নম্বর (য়ু.এল.পি.আই.এন.) হায়বসি মীওই অমগী আধারগা মান্নবা পোৎলম অমনি। য়ু.এল.পি.আই.এন. অসি দিজিতেল ইন্দিয়া লেন্দ রেকোর্দ্স মোদর্নাইজেসন প্রোগ্রামগী মখাদা হৌদোকখিবনি। য়ু.এল.পি.আই.এন. হায়বসি পার্সেল অমগী ভর্তিসশিংগী জিরিফরেন্স কোওর্দিনেত্তা য়ুম্ফম ওইবা লৈবাক অমগী লমগী প্লোৎ খুদিংগী দিজিত ১৪গী তোপ-তোপ্পা আই.দি. অমনি। মসিনা লেন্দ পার্সেল অমগী লোঙ্গিচুদ অমসুং লেতিচুদ কোওর্দিনেত্তা য়ুম্ফম ওইবনি অমসুং মসিনা সর্ভে অমসুং কেদেস্ত্রেল মেপকী মখা পোল্লি। মসিদি মালেমগী থাক্তা শকখঙনবা স্তেন্দর্দ অমনি অমসুং ইলেক্ত্রোনিক কম্মর্স কোদ মেনেজমেন্ত এসোসিএসন স্তেন্দর্দ অমসুং ওপন জিওস্পাতিএল কন্সোর্তিয়ম স্তেন্দর্দকী কাঙলোন ইল্লি। রাজ্য খুদিংনা মসিবু লায়না চৎনহনবা ঙম্নবগীদমক্তা অমগা অমগা চান্নহল্লি।
য়ু.এল.পি.আই.এন.গী কান্নবা অসি মশিং য়াম্মি। ই-পাউগী সোর্স অমখক্না লমগী মপু মশক খঙদোকপা য়াহল্লি অমসুং মসিনা লমগী মপুগা মরী লৈনবা শিংনবশিং লোইশিনবদা তেংবাংই। মসিনা সরকারদা লমশিংবু মশক লায়না খঙদোকহল্লি অমসুং কাঙলোন লান্না লম খোপচিনবগী থৌওংদগী ঙাক শেনবা ঙমহল্লি। য়ু.এল.পি.আই.এন.না লেন্দ রেকোর্দশিংবু বিভাগ, শেল-থুমগী ইন্সতিত্যুসন অমসুং স্তেকহোলদর খুদিংগী মরক্তা পীথোক পীশিন তৌবা য়াহল্লি।
হৌজিক ফাওবগী ওইনা, মসিবু রাজ্য ১৩দা শিজিন্নবা হৌখ্রে অমসুং অতোপ্পা রাজ্য ৬তা চাংয়েং তৌখ্রে। শেনবা চহি (এফ.ৱাই. ২০২২-২৩) অসিগী অরোইবা ফাওবদা লৈবাক শিনবা থুংবগী লেন্দ পার্সেলশিংগী য়ুনিক আই.দি. পীবগী থৌওং লোইশিন্নবা বিভাগ অসিনা ৱারেপ লৌখ্রে।
নেস্নেল জেনেরিক দোক্যুমেন্ত রেজিস্ত্রেসন সীস্তেম (এন.জি.আর.দি.এস.) শেমগৎপা
এন.জি.আর.দি.এস. হায়বসি এন.আই.সি. শাবা রেজিস্তর তৌনবা পথাপকী থাক ৱাংবা ইন-হাউস সোফৱেয়র অমনি। সোফৱেয়র অসি লৈবাক্কী রাজ্য অমগী অখন্নবা অপাম্বগী মতুং ইন্না স্কেলেবল, ফ্লেক্সিবল, কনফ্যুগরেবল অমসুং কম্পেতিবল ওই। মসিনা চে-চাং রেজিস্তর তৌরিবা মীওইশিংদা রেজিস্তর তৌবদা মথৌ তাবা অচঙবা শেনফম, মতম অমসুং চৎপগী মশিং হন্থহন্দুনা নুং-পান ফাওনা উবা অমসুং একাউন্তেবিলিতী হেনগৎহল্লি। হৌজিক ফাওবগী ওইনা রাজ্য/য়ু.তি. ১২না মসিবু শিজিন্নদুনা হায়রিবা মফমশিং অসিগী মীওই করোর ২২ হেনববু কোল্লি অমসুং হৌজিক ফাওবদা (১০/২/২০২২ ফাওবা) চে-চাং লাখ ২৯.৯১ হেন্না রেজিস্তর তৌখ্রে। শম্লপ্না হায়রবদা, মসিনা সরকারগী ওইনা ‘কারবার তৌবদা লায়হনবা’ অমসুং নাগ্রিকশিংগীনা ‘হিংবদা লায়হনবা’ হায়বা ৱাখল্লোন অসিবু থবক্তা ওন্থোক্লি।
রেজিস্তর তৌবগীদমক্তা মীওই অমনা হান্নগী মতমদা তোঙান-তোঙানবা ওফিস্তা ৮দগী ৯লক হেন্না চৎনরম্বা অদু হৌজিক্তি মীওইদুনা অমুক্লক নত্ত্রগা অনিরক্তগী হেন্না চৎপগী মথৌ তানদ্রে। রেজিস্ত্রেসন দীদ লোইশিনবদা তঙাই ফদবা চে-চাং পীগদবা ওফিস্কা রেজিস্তর তৌবগী ওফিস্কা পুন্সিনবগী থৌওংদসু হৌজিক মিৎয়েং চঙলি। ম্যুতেসনগী ই-পাউ অসি দীদ রেজিস্তর তৌরবা মতুংদা মরী লৈনবা বিভাগতা মথন্নতা থারে। ইং ২০২০দা রেজিস্তর তৌবগী থবকশিংবু দিজিতাইজ তৌনবা হোৎনবগীদমক্তা বিভাগ অসিদা দিজিতেল ইন্দিয়া এৱার্দ-২০২০সু পীখ্রবনি।
লেন্দ রেকোর্দশিং দিজিতাইজ তৌবনা লম অমগী মপু ওইবগী শেমদোকপা য়াদ্রবা শাখি পীরগনি।
মলতিলিঙ্গুএল লেন্দ রেকোর্দ – লেন্দ রেকোর্দতা লোলগী পল লৈবশিং লৌথোকপা
হৌজিক্কী ওইনা, রাজ্য অমসুং য়ুনিয়ন তেরিতোরী খুদিংগী রেকোর্দ ওফ রাইৎস অসি লম-লমগী লোলদা (লোকেল লেংগ্বেজ) থম্মি। লোলগী পল লৈবনা ই-পাউ নীংথিনা খঙবা অমসুং শিজিন্নবদা য়াম্না চাউবা শিংনবা অমা ওইরি।
লৈবাক্কী লেন্দ গবর্নেন্স তৌবদা থেংনরিবা অসিগুম্বা লোলগী পল অসিগী ৱারোইশিন পুরক্নবগীদমক্তা, লেন্দ রিসোর্স বিভাগনা পুনেগী সেন্তর ফোর দিভেলপমেন্ত ওফ এদভান্স কম্প্যুতিং (সি-দেক)গী তেক্নিকেল তেংবাংগা লোয়ননা ইলেক্ত্রোনিক্স অমসুং ইনফোর্মেসন মন্ত্রালয় (মৈতী)গী মখাদা রেকোর্দ ওফ রাইৎসপু ত্রানলিতরেৎ তৌনবা খোঙথাং অমা লৌখৎলে অমসুং সংবিধান্না শকখঙবা লোল ২২গী লোকেলগী লোলদা ফংলে। পাইলোত তেস্ত (রাজ্য ৭তা- বিহার, মহারাস্ত্রা, গুজরাত, পুদুচেরী, য়ু.পি., তমিল নাদু অমসুং ত্রিপুরা) অসি হৌজিক পাংথোক্লি অমসুং এপ্রিল ২০২২ ফাওবগী মনুংদা পেন-ইন্দিয়াদা হৌদোক্নবা পান্দম থম্লি।
মসিগী খোঙথাং অসিনা কেন্দ্র অমসুং রাজ্য সরকারদা মখাগী থবকশিং পাংথোকপা য়াহনগনিঃ
- নাগ্রিক অমসুং লৌমীগী কান্নবা পীনবগীদমক্তা নীংথিরবা খন্নরবা পোলিসীগী ৱারেপ লৌবা য়াবা,
- নাগ্রিক অমসুং স্তেকহোলদর, মরু ওইনা মতিক লৈবা স্তার্ত-অপ, ইনভেস্তর, ইন্দস্ত্রীনচিংবদা ওপন নেস্নেল ইকোনোমীগী কান্নববু মশাগী খুদোংচাবা মওংদা লৌবা য়াবা
- মতিক লৈবা মীওই অমমমদা মশাগী লম অমসুং লোলদা ই-পাউ ফংহনবা
সর্ভে ওফ ভিলেজ অবাদি এন্দ মেপ্পিং ৱিথ ইম্প্রোভাইজ্দ তেক্নোলোজী ইন ভিলেজ এরিয়া (এস.ভি.এ.এম.আই.তি.ভি.এ./স্বমিত্বা)
প্রধান মন্ত্রীনা এপ্রিল ২০, ২০২০গী লৈবাক্কী পঞ্চায়তী রাজ নুমিত্তা স্বমিত্বা স্কিম হৌদোকখি। স্বমিত্বানা মী লৈনবা লম (অবাদি) দিমার্কেত তৌনবা অমসুং দ্রোন তেক্নোলোজীনা সর্ভে তৌবগী খুত্থাংদা খুঙ্গংগী মফমশিংদা রেকোর্দ ওফ রাইৎস/প্রোপর্তী কার্দ পীবগী পান্দম থম্লি। মসিদি পঞ্চায়তী রাজ মন্ত্রালয়, স্তেত রেভেন্যু দিপার্তমেন্ত, স্তেত পঞ্চায়তী রাজ দিপার্তমেন্ত অমসুং সর্ভে ওফ ইন্দিয়ানা পুন্না পায়খৎমিন্নবা খোঙথাং অমনি। স্কিম অসিনা তোঙানবা হীরমশিং, মিং ওইনা পল্লবদা, লন-থুমগী মনিতাইজ তৌবা য়াহনবা অমসুং বেঙ্ক লোন ফংহনবা; লন-থুমগা মরী লৈনবা খৎনবগী থৌওং হন্থহনবা অমসুং খুঙ্গংগী থাক্তা পাক শন্না থৌরাং য়াৎপা য়াহনবগী কান্নবা কয়া পীরি। স্কিম অসিগী পাইলোৎ ফেজ অসি ইং ২০২০দা রাজ্য ৯দা হৌদোকখি। হৌজিক্কী ওইনা, স্কিম অসি রাজ্য/য়ু.তি. ২৯দা থবক পাংথোক্লি অমসুং ইং ২০২৫ ফাওবদা খুঙ্গং খুদিংমক্তা য়ৌনবা পান্দম থম্লি।
স্কিম অসিগী মায় পাকপশিং
দ্রোন পাইবগী থৌওং অসি ফেব্রুৱারী ২২, ২০২২ ফাওবদা রাজ্য/য়ু.তি. ২৮গী খুঙ্গং ১১০,৪৬৯দা লোইশিনখ্রে। দ্রোন পাইবগী থৌওং অসি উত্তর প্রদেশ, হরিয়ানা, মধ্য প্রদেশ, মহারাস্ত্রা, দদ্রা অমসুং নগর হবেলী অমদি দামন অমসুং দ্যু, অরুনাচল প্রদেশ, জম্মু অমসুং কশ্মির অমসুং ছতিসগরগী খুঙ্গং ১০১ শিনবা থুংবগী মপুং ফানা লোইশিনখ্রে।
দ্রোন পাইবগী থৌওং অসি হরিয়ানা অমদি দদ্রা অমসুং নগর হবেলী অমদি দামন অমসুং দ্যুগী খুঙ্গং খুদিংগী লোইশিনখ্রে। চাউরাকপা খুঙ্গং ৩১,৩১৬কী প্রোপর্তী কার্দ চাউরাক্না লাখ ৪১ শেম-শাখ্রে অমসুং খুঙ্গং ২৮,০৭২গী প্রোপর্তী কার্দ চাউরাক্না লাখ ৩৬ য়েন্থোকখ্রে।
শেন্মিৎলোন্দা কান্নবা পীবগী মতিক লৈবা
স্বামিত্বা স্কিম্না লৈবাক অসিগী দ্রোন মেন্যুফেকচরর, দ্রোন পাইলোত অমসুং ত্রেনিং ইন্সতিত্যুৎ, আউতসোর্সিং তৌনবগীদমক্তা দ্রোনবু সর্ভিসিং কম্পেনী ওইনা শিজিন্নবগী খুত্থাংদা লৈবাক্কী দ্রোন ইকোসীস্তেম্বু খুমাং চাউশিনহল্লি। এম.এস.এম.ই. অমসুং স্তার্ত-অপশিং শিজিন্নদুনা মসিনা ইকোসীস্তেম শিনবা থুংবগী স্কিল লৈরবা মীওইশিংদা থবক্কী খুদোংচাবা কয়াসু পীরি। স্বামিত্বা স্কিমগী মখাদা রিজোল্যুসন চাউবা দিজিতাইজ তৌরবা মেপ ফংহনবা অসিনা জি.আই.এস.কী লমদা ইন্নোভেসন তৌবগী মখা তাবা লম্বী য়াৎকনি।
*****
(Release ID: 1800469)
Visitor Counter : 117