প্রধান মন্ত্রী, শ্রী নরেন্দ্র মোদীনা এজুকেসন অমসুং স্কিল সেক্তরদা কেন্দ্রগী বজেৎ ২০২২না পীবা অফবা শাফুগী মতাংদা পাংথোকপা ৱেবিনারদা মহাক্কী ৱারোল থমখ্রে। এজুকেসন, স্কিল দিভেলপমেন্ত, সাইন্স অমসুং তেক্নোলোজী অমসুং রিসর্চকা মরী লৈনবা কেন্দ্রগী মন্ত্রীশিং, স্তেকহোল্দরশিংনা থৌরম অসিদা শরুক য়াখি।

লৈবাক শেম্বগী থৌওংদা হৌগৎলক্লিবা মীরোনগী মরু ওইবা থৌদাংদা অখন্নবা মিৎয়েং চঙলদুনা প্রধান মন্ত্রীনা ৱেবিনার অসিবু হৌদোকখি। মহাক্না অসুম্না হায়খি, “তুংলমচৎতা লৈবাকপু শেমগদৌরিবা নহাশিংবু মপাঙ্গল হাপ্পা অসিনা ভারতকী তুংলমচৎপু মপাঙ্গল লৈহনবনি”।

প্রধান মন্ত্রীনা বজেৎ ২০২২দা মরু ওইনা পনখিবা হীরম মঙাগী মতাংদা শন্দোক্না নৈনখি। অহানবা, ক্বলিতী এজুকেসন য়ুনিভর্সেলাইজ তৌবগী মতাংদা মরু ওইবা ৱারেপ খরা লৌখি। ৱারেপশিং অসিদি ক্বালিতীদা হেন্না ফগৎহনবগা লোয়ননা এজুকেসন সেক্তরগী তৌবা ঙম্বা অদু হেনগৎহন্দুনা এজুকেসনবু পাকথোক চাউথোকহনবনি। অনিশুবা, স্কিল দিভেলপমেন্তদা অহেনবা মিৎয়েং চঙখি। ইন্দস্ত্রীগী অপাম্বগী মতুং ইন্না দিজিতেল স্কিল ইকোসিস্তেম, স্কিল দিভেলপমেন্ত শেম্বগা লোয়ননা ইন্দস্ত্রীগা হেন্না ফবা মরী লৈনহনবদা অহেনবা মিৎয়েং চঙলি। অহুমশুবা, অর্বান প্লান্নিং অমসুং দিজাইনগী মতাংদা লৈরিবা ভারতকী অরিবা লৌশিং অমসুং এক্সপরিয়েন্সপু এজুকেসনগী মনুং চলহনবা অসি য়াম্না মরু ওইবনি। মরিশুবা, মালেমগী থাক্তা লৈহনবগী থৌওং অসিদসু অহেনবা মিৎয়েং চঙখি। থৌওং অসিগী মনুংদা, মালেমগী থাক্তা লৈবা মীরমগী য়ুনিভর্সিতী য়ৌরকপা অমসুং ফিন্তেক্কা মরী লৈনবা ইন্সতিত্যুৎ ফংলিবা গিফৎ সিতীগী ইন্সতিত্যুসনশিংবু পুক্নিং থৌগৎপগী থৌওং য়াওরি। মঙাশুবা, থবক পীবা ঙম্বগী অচৌবা মতিক লৈবা অমসুং অচৌবা মালেমগী মার্কেত লৈবা এনিমেসন ভিজুএল ইফেক্ত গেমিং কোমিক (এ.ভি.জি.ভি.) অসিদা অহেনবা মিৎয়েং চঙবা। “মসিগী বজেৎ অসিনা নেস্নেল এজুকেসন পোলিসীগী পান্দম ফংহনবদা য়াম্না মতেং পাংগনিঃ, হায়না মহাক্না মখা তাখি।

প্রধান মন্ত্রীনা মহাক্কী ৱারোল লোইশিল্লকপদা, বজেৎকী থৌওংশিংদা হন্দক্তা অহোংবা কয়া পুরক্লিবা অসিনা বজেৎপু অহোংবা পুরকপগী খুৎলায় অমা মতৌ করম্না ওইরক্লি হায়বা শন্দোক্না তাকখি। মহাক্না স্তেকহোলদরশিংনা বজেত্তা য়াওরিবা হীরমশিংবু পরিং নাইনা থবক পাংথোক্নবা খঙহনখি। ইকুই কুইদ্রিবা মতমশিংদা বজেৎপু থা অমা ঙনখৎহনখ্রিবা অসিগী মরমদি, মসিগী থবক-থৌরমশিং অসিবু এপ্রিলগী অহানবদগী পাংথোকপা হৌবা মতমদা তঙাই ফদবা শেম-শাবা অমসুং খন্ন-নৈনবশিংবু হান্নদগী লোইদুনা লৈনবা শীনবনি হায়না মহাক্না ফোংদোকখি। বজেত্তা য়াওরিবা খুদোংচাবশিং অসিগী মতিক চাবা মহৈ লৈহন্নবা স্তেকহোলদর খুদিংনা হোৎননবা মহাক্না হায়খি। “নীংতম্বগী অমৃত মহোৎসব অমসুং নেস্নেল এজুকেসন পোলিসীবু য়েংলুরগদি, মসিনা ঐখোয়গী অহানবা বজেৎনি, অমসুং ঐখোয়না মসিবু অমৃত কালগী ফম্বাক অমা শেম্নবগীদমক্তা অথুবা মতমদা মথৌ তৌহন্নীংই”, হায়না মহাক্না মখা তাখি। “বজেৎ হায়বসি স্তেতিস্তিক্সকী ৱারোলখক্তমক নত্তে, মসিবু নীংথিনা থবক্তা পাংথোক্লবদি, অকক্নবা রিসোর্স লৈরবা ফাওবদা, মশক থোকপা অহোংবা পুরকপা ঙমগনি”, হায়রদুনা মহাক্কী ৱারোল লোইশিনখি।

এজুকেসন অমসুং স্কিল সেক্তরদা কেন্দ্রগী বজেৎ ২০২২না পীবা অফবা শাফুগী মতাংদা পাংথোকপা ৱেবিনারদা পি.এম.না ৱা ঙাংখিবগী মপুং ফাবা ৱারোল অদু পানবগীদমক লিঙজক অসিদা নম্বীয়ু: https://pib.gov.in/PressReleasePage.aspx?PRID=1800024

ৱেবিনার অসি বজেৎকী মমাং অমসুং মতুংদা স্তেকহোল্দরশিংগা লোয়ননা খন্ন-নৈনবা অমদি দাইলোগ তৌনবগী অনৌবা থৌওংগী শরুকনি। মসিগী পান্দমদি পব্লিক অমসুং প্রাইবেৎ সেক্তরশিং, একাদেমিয়া অমসুং ইন্দস্ত্রীদগী অখং-অহৈশিংগা লোয়ননা ব্রেনস্তোর্ম তৌবা অমসুং তোঙান-তোঙানবা সেক্তরশিংগী মখাদা সমস্যা কয়ামরুম ইমপ্লিমেন্ত তৌনবা মাইকৈদা মাংদা করম্না চংশিনগদগে হায়বাগী লালোংশিং মশক খঙদোকপনি। ৱেবিনার অসিদা মরী লৈনবা তোঙান-তোঙানবা থিমশিংগী সেসনশিং পাংথোকখি অমসুং তোঙান-তোঙানবা মন্ত্রালয়শিং অমসুং রাজ্য সরকারশিংগী সরকারগী ওফিসিএলশিং, ইন্দস্ত্রীগী মীহুৎশিং, স্কিল দিভেলপমেন্ত ওর্গনাইজেসনশিং, এজুকেসনিস্তশিং, মহৈরোয়শিং অমসুং অতোপ্পা অখং-অহৈশিংনা শরুক য়াবা উবা ফংখি।

ৱেবিনারগীদমক মশক খঙদোকখ্রবা থিমশিং অদুদি:

১. দিজিতেল য়ুনিভর্সিতী: মীপুম খুদিংমক্তা মালেমগী থাক্কী হায়র এজুকেসন এক্সেসিবল ওইহনবা।

সেসন অসি হায়র এজুকেসনগী সেক্রেতরী শ্রী কে. সঞ্জয় মুর্থী অমসুং তেলিকোম বিভাগকী সেক্রেতরী, শ্রী কে. রাজারমননা কো-চিয়র তৌখি। কেন্দ্রগী বজেৎ ২০২২দা লাউথোকখিবা দিজিতেল য়ুনিভর্সিতী অমা লিংখৎনবগী হীরমশিংগী মতাংদা পাকশন্না খন্নখি। মসিদা পি.পি.পি. মোদতা কমপ্রিহেন্সিব এজুতেক ইকোসিস্তেম অমা শেম্বা, দিজিতেল প্লেৎফোর্ম, কন্তেন্ত ক্রিএসন, অফবা দিজিতেল পেদাগোজী, অচৌবা ফেকলতী ত্রেনিং, ভর্চুএল লেবশিং অমসুং দিজিতেল তীচিং-লর্নিংগী এসেসমেন্ত য়াওরি।

পেনেলিস্তশিংনা মলতি-লিঙ্গুএল ওইবগী মথৌ তাবা, এক্সেসিবল ওইবা লর্নিং মেনেজমেন্ত সিস্তেম, ইঙ্গেজিং, ইম্মর্সিব ওইবা লর্নিং এক্সপরিয়েন্সশিং ফংহনবা, মপাঙ্গল কনবা লর্নিং কম্ম্যুনিতীশিং শেম্নবা পীয়র লর্নরশিং লিঙ্ক তৌবা, অমসুং ওনলাইন এজুকেসনগা ফিজিকেল মোদ (ফি-জিতেল) ব্লেন্দ তৌদুনা সিনক্রোনাইজ তৌবা অমদি এক্সপেরিএন্সিএল লর্নিং ফংহনবা অসিদা মীৎয়েং থমখি।

দিজিতেল য়ুনিভর্সিতীনা ক্বালিতী লৈবা হাবর এজুকেসন এক্সেস তৌবা হেনগৎহনগনি হায়রিবা অসিনা মরু ওইনা খুঙ্গং/মনুং হঞ্জিনবা/ত্রাইবেলনা খুন্দাবা মফমশিংদা কান্নবা পীরগনি। য়ুনিভর্সিতী অসিনা ফেকলতী দিভেলপমেন্ত, এস.ই.দি.জি.শিংদা এনরোলমেন্ত তৌবা, স্কিলশিং হেনগৎহল্লিবা এমপ্লোয়েবিলিতী, রিজনেলগী লোলশিংদা ক্বালিতী লর্নিং মেতরিএল পীবা, ফোর্মেল অমসুং নন-ফোর্মেল (রিকগনাইজিং প্রায়র লর্নিং) অসিনচিংবদা লৈরিবা অহোবশিং অসি মেনখৎপা ঙমগনি।

২. দিজিতেল তীচর: ইনক্লুসিবিতী, হেন্না ফবা লর্নিং আউতকমশিং অমসুং স্কিলিংগীদমক ক্বালিতী লৈবা ই-কন্তেন্ত অমসুং ভর্চুএল লেবশিং শেম্বা।

এম.ই.আই.তি.ৱাই.গী সেক্রেতরী, শ্রী এ.পি. সোনে অমসুং দি.ও.এস.ই.এল.গী সেক্রেতরী শ্রী অনিতা করৱালনা ৱেবিনার সেসন অসি কো-চিয়র তৌখি। য়ুনিসেফকী মিস্তর তেরী দুরননিয়ন অমসুং ৱর্ল্দ বেঙ্ককী শবনম সিনহানা পেনেলিস্তশিং ওইদুনা কোবিদকী মতম অসিদা হৌজিক ওইরিবা ফীভমগী লর্নিং আউতকমশিংগী মতাংদা কুপ্না খন্নখি, অমসুং দিজিতেল তীচরশিং, ক্বালিতী কন্তেন্ত ক্রিএসনদগী দিজিতেল তুলশিং শীজিন্নদুনা ওজাশিং এম্পাৱর তৌবা য়াওনা দিজিতেল এজুকেসনগী হীরম কয়ামরুক কবর তৌখি। মখোয়না শীংনবশিং কোকহন্নবা অমসুং প্রাইওতাইজ নীংথিনা তৌনবা অমসুং মীপুম খুদিংমক্তা এজুকেসন ইম্পার্ত তৌনবা  নেস্নেল প্রাইওরিতীশিং ইমপ্লিমেন্ত তৌনবা ‘দিজিতেল তীচর্স’ শীজিন্নবগী মওংশিং অদু সজেস্ত তৌখি।

৩. ৱান ক্লাস ৱান চেনেল য়ৌবা হেনগৎহনবা: খ্বাইদগী মনুং হঞ্জিন্না লৈবা মফমদা ক্বালিতী লৈবা দিজিতেল এজুকেসন য়ৌহনবা

সেসন অসি ভি.সি., ইগনো, চিয়রপর্সন প্রোফেসর নাগেশ্বর রাও অমসুং দি.জি.-বি.আই.এস.এ.জি.-এন, দা. তি.পি. সিংহনা কো-চিয়র তৌখি। দা. তি.পি. সিংহনা এজুকেস্নেল চেনেল ২০০ লিংখৎপগী মথৌ তাবা তেক্নিকেল সেৎ-অপকী হৌজিক ফাওবদা শেম-শারিবশিং অসিগী শম্লপ্পা ৱারোল অমা প্রজেন্ত তৌখি। পেদাগোজীদা লৈরিবা ওইথোকপা য়াবা ইন্নোভেসনশিং, হেন্না ইনক্লুজন ফংবা অমসুং মিসন অসিগী তেক্নো-মেনেজরিএলগী হীরমশিং য়াওনা ৱান ক্লাস –ৱান চেনেল য়ৌহনবা হেনগৎহনবদা থেংনরিবা তোঙান-তোঙানবা শীংনবশিং অমসুং খুদোংচাবশিং অদু খন্নখি। সেসন অসিদা ভন্দে গুজরাত চেনেলশিং অমসুং মসিনা মথৌ তৌবগী মওংগী মতাংদা কেস স্তদী অমসু প্রজেন্ত তৌখি।

৪. অর্বান প্লান্নিং অমসুং দিজাইনগী মতাংদা ভারতকী ওইবা অখন্নবা লৌশিং

সেসন অসি হাউজিং এন্দ অর্বান এফিয়র্স মন্ত্রালয়গী সেক্রেতরী শ্রী মনোজ জোশিনা চিয়র লৌখি। সেসন অসিনা অর্বান প্লান্নিং অমসুং দিজাইনগী মতাংদা ভারতকী ওইবা অখন্নবা লৌশিং ইন্তগ্রেৎ তৌবদা মীৎয়েং চংবগা লোয়ননা অর্বান প্লান্নিংদা লৈরিবা অনৌবা ত্রেন কয়ামরুম অসি পুথোকখি। অখং-অহৈশিংনা অর্বান প্লান্নিংগী খুত্থাংদা তেক্নোলোজীগী অচৌবা থৌদাং অমসুং সোসিও-ইকনোমিক্কী পান্দমশিং মাইপাকপা ঙম্নবা শাহৌ হেনগৎহনবগা লোয়ননা লৈবাক অসিদা লৈরিবা প্লান্নিং কোর্সশিংগী করিকুলম অসি শেমদোকপা মথৌ তাই হায়না ফোঙদোকখি। স্পীকরশিংনসু অফবা প্রেক্তিসশিংগী রিপোজিতরী শেম্বা অমসুং কেপাসিতী বিল্দিং অমদি স্কিল দিভেলপমেন্তদা মীৎয়েং চংবা হেনগৎনবা সজেস্ত তৌখি।

৫. মপাঙ্গল কনবা ইন্দস্ত্রী-স্কিল লিঙ্কেজ শেমগৎনবা মাইকৈদা

সেসন অসি এম.ও.এস.দি.ই.গী সেক্রেতরী শ্রী রাজেশ অগরৱাল, তুরিজমগী দি.জি. শ্রী জি. কমলা ভর্ধানা রাও অমসুং দি.পি.আই.আই.তি.গী সেক্রেতরী শ্রী অনুরাগ জেননা কো-চিয়র তৌখি। এম.এস.দি.ই.গী সেক্রেতরীনা নহারোল অমদি ইন্দস্ত্রীগীদমক সোফ স্কিলশিং অমসুং ওন্তপ্রিনোরিএলগী ওইবা ৱাখল্লোন অসিগী মরু ওইবা অদু থমখি অমসুং স্কুল এজুকেসন, হায়র এজুকেসন, অমসুং স্কিলিং ইকোসিস্তেমগী মরক্তা চাউনা সিনর্জী লৈবগী মথৌ তাই হায়খি দি.পি.আই.আই.তি.গী সেক্রেতরীনা দাইনামিক স্কিলিং এনভাইরনমেন্ত, ইন্দস্ত্রীগী মথৌ তাবশিংগী এক্সপোজর অমসুং ইন্দস্ত্রীগী তঙাই ফদবশিংগা এন.এস.ক্যু.এফ.কা এলাইনমেন্ত তৌবগী মথৌ তাবা অদুদা মীৎয়েং চংখি। তুরিজমগী দি.জি.না এমপ্লোইমেন্তগী প্রোস্পেক্তশিং অসি হেনগৎহন্নবা স্কিল দিভেলপমেন্ত মথৌ তারিবা সেক্তর অসিদা লৈরিবা অনৌবা খুদোংচাবশিং অদু শিয়র তৌখি।

৬. জি.আই.এফ.তি. সিতীদা এজুকেস্নেল ইন্সতিত্যুসনশিং দিভেলপ তৌবা

সেসন অসি ইন্তরনেস্নেল ফাইনান্সিএল সর্ভিসেস সেন্তর ওথোরিতী (আই.এফ.এস.সি.এ.)গী চিয়রমেন শ্রী ইঞ্জেতি শ্রীনিবাসনা চিয়র লৌখি অমসুং জি.আই.এফ.তি. সিতীগী চিয়রমেন শ্রী সুধির মনকদনা কো-চিয়র তৌখি।

খন্ন-নৈনবা অসিনা জি.আই.এফ.তি. সিতীদা মপালগী ইন্সতিত্যুসনশিং লিংখৎপগী ক্রাইতেরিয়া, থবক-থৌওং, গভর্নান্স অমসুং আইনগী ওইবা হীরমশিং অসিগুম্বা লম কয়াগী মতাংদা নৈনখি। পেনেলনা সমস্যাসিং নৈনখি অমদি মসি মাংদা চংশিলহন্নবা এক্সন প্লান অমসুং লালোংশিংগী মতাংদা প্রপোজ তৌখি। মসিনা ফ্যুচরিস্তিক ওইবা এজুকেসন মোদেল অসিগী লোং তর্ম সস্তেনেবিলিতীগীদমক মপাঙ্গল কনবা লিগেল অমসুং গভর্নান্স ফ্রেমৱার্ক অমা মথৌ তাই হায়না ফোঙদোকখি।

৭. এ.ভি.জি.সি.দা ইন্দস্ত্রী-স্কিল লিঙ্কেজ মপাঙ্গল কনখৎহনবা

সেসন অসি ইনফোর্মেসন এন্দ ব্রোদকাস্তিং মন্ত্রালয়গী সেক্রেতরী শ্রী অপুর্বা চন্দ্র অমসুং স্কিল দিভেলপমেন্ত এন্দ ওন্তপ্রিনোরশিপকী এদিস্নেল সেক্রেতরী শ্রী অতুল তিৱারীনা কো-চিয়র তৌখি।

মহাক্কী হৌদোকপগী ৱারোলদা শ্রী অপুর্বা চন্দ্রনা এ.ভি.জি.সি. তাস্ক ফোর্সকী মতাংদা বজেৎ স্পীচতা লাউথোকখিবা অসি মরু ওইবা থৌরম অমনি মসিনা এ.ভি.জি.সি. সেক্তরগী মরু ওইবা অমসুং মসিনা লৈবাক অসিদা থবক পীবদা লৌরিবা থৌদাং অদু মশক খঙবিখি হায়খ্রে। শ্রী অতুল তিৱারীনা পি.এম. কৌশল বিকাস য়োজনা য়াওনা আই.তি.শিং অমসুং পি.এম. কৌশল কেন্দ্র সেন্তরশিংগী মখাদা পীরিবা শোর্ত অমদি লোং তর্ম ত্রেনিং অনিমক য়াওনা স্কিল মন্ত্রালয়না পাইখৎখিবা থবক-থৌরমশিংগী শম্লপ্পা ৱারোল অমা থমখি। শ্রী তিৱারীনা সেক্তর অসিদা স্কিলিং তৌবগী মথৌ তারকপদা মতেং অমা হেক্তা পীগনি হায়না ভাবোক্তা থাজবা পীখি।

সেক্তর অসিদগী অখং-অহৈশিংনা এ.ভি.জি.সি. সেক্তরগী এজুকেসন অমসুং স্কিলিংগী মতাংদা মখোয়গী ৱাখল্লোনশিং থমখি। স্কুলশিংগী অঙনবা চহিদা, ফ্যুচর গ্রোথতা সেক্তর অসিগী স্কিলশিংগী মথৌ তাবা অমসুং থবক পীবগী পোতেন্সিএল অমসুং সেক্তর অসিদা লৈরিবা কেরিয়র ওপ্সনশিংগী মতাংদসু খন্নখি।

ৱেবিনারগী সেসন অসি লৌশিনবা থমখিবা মহাক্কী ৱারোলশিংদা এজুকেসনগী রাজ্য মন্ত্রী দা. সুভাস সরকারনা সব থিম তরেৎ অসিগী প্রসেন্তেসন পুম্নমক থাগৎখি। মহাক্না হায়খি ৱেবিনার অসিনা তোঙান-তোঙানবা বজেৎতা লাউথোকখিবশিং অদু ইমপ্লিমেন্ত তৌনবা কম্প্রিহেন্সিব ওইবা লালোং অমা দিভেলপ তৌনবা পান্দম থম্মি। নাকল অমরোমদা মসিনা সেক্তর অসিদা হৌজিক পাইখৎলিবা রিফোর্মশিং অমসুং দিভেলপমেন্তশিংগী স্তোক-তেকিং অমা য়াহল্লি, অমরোমদা মসিনা খ্বাইদগী ফবা অমসুং কান্নবা মাংদা চংশিন্নবা লম্বীগী মতাংদা স্তেকহোল্দরগী কাংলুপ কয়ানা মখোয়গী ৱাখল্লোন থমখি। মহাক্না মখা তারদুনা হায়খি ৱেবিনারগী খুত্থাংদা ঐওয়না স্তেকহোল্দরশিংগী মরক্তা সীনর্জী মথৌ তারিবা প্রাইওরিতী অমদি লমশিং খঙদোকখি অমসুং তুংলমচৎকীদমক খ্বাইদগী ফবা এক্সন প্লান শেমখি। মহাক্না মসিদা শরুক য়ারিবা মীওইশিং অমসু অখং-অহৈশিংবু থাগৎপা ফোঙদোকখি।

মহাক্কী ৱাখল্লোন ফোঙদোক্লদুনা স্কিল দিভেলপমেন্ত এন্দ ওন্তপ্রিনোরশিপকী আজ্য মন্ত্রী শ্রী রাজীব চন্দ্রসেখরনা স্কিল ইন্দিয়াগী মখাদা পাইখৎলিবা খোঙথাং অসি এজুকেসনগা ইন্তিগ্রেৎ তৌবা মথৌ তাই মসিনা মহৈরোয়শিংনা স্কিল ইকোসিস্তেম লায়না এক্সেস তৌবা ঙমহনগনি হায়না ফোঙদোকখি। থবক পীবা অমসুং ওন্তপ্রিনোরশিপকী আউকমশিং হেনগৎহনবা হায়বা অসি লোকেল অমসুং গ্লোবেল- খোঙজেল য়াংনা হোংলক্লিবা ইন্দস্ত্রীশিংগী দাইনামিক দিমান্দশিং অসিগা লোয়ননা ঐখোয়গী স্কিলগী থৌরাংশিং অসি সীনর্জাইজ তৌবগী বাই-প্রদক্ত ওইহনবা মথৌ তাই হায়না মহাক্না ফোঙদোকখি। মহাক্না মখা তারদুনা হায়খি ঐখোয়না ভারতপু মালেমগী থাক্কী তেক্নোলোজীগী লুচিংবা অমা ওইহনবা ঙঞদুনা দি.ই.এস.ঐচ. স্তেক ই-পোর্তেল লোঞ্চ তৌবগা লোয়ননা স্কিল দিভেলপমেন্ত ফ্রেমৱার্ক শাহৌ পীবা ঙম্বা তাই।

*****

(Release ID: 1800265) Visitor Counter : 165