শ্রীমতি য়োবিনা লিন্দো মার্শিলোং অসি মেগালয়গী ৱেস্ত খাশি হিল্সকী জাখোং খুঙ্গংদা লৈবা মীওই অমনি৷ য়াম্না মনুং হঞ্জিনবা মফম অমদগী লাকপনা, মহাক্না মহাক্কী লৌউ-শিংউগী পোত্থোকশিং অদু য়োনবগী থৌনা ৱাৎলমখি৷ মসিনা মরম ওইদুনা মাই পাক্লবা ওল্তরপ্রিনর অমা ওইনবা মহাক্না মংজরিবা মংলান অদু মংলান খক্তমক ওইরমখি৷ ২০০১ চহি ফাওবদা, নোর্থ ইস্তর্ন রিজন কম্ম্যুনিতী রিজন রিসোর্স মেনেজমেন্ত প্রোজেক্ত(এন.ই.আর.সি.ও.আর.এম.পি.)কী খুৎথাংদা ভারত সরকারগী থবক-থৌরমশিং অসি মহাক্কী খুঙ্গংদা লৈক্ত্রিবা ফাওবা মহাক্কী মংলান অসি মংলান খক্তমক ওইদুনা লৈরমখি৷

এন.ই.আর.সি.ও.আর.এম.পি. অসি ভারত সরকারগী নোর্থ ইস্তর্ন কাউন্সিল, নোর্থ ইস্তর্ন রিজন কম্ম্যুনিতী রিসোর্স মেনেজমেন্ত সোসাইতী(এন.ই.আর.সি.আর.এম.এস.)না পুন্না খুৎশম্নরিবা ইন্তরনেস্নেল ফন্দ ফোর এগ্রীকল্চরেল দিবেলপমেন্ত(আই.এফ.এ.দি.)গী লিবলিহুদ ইনিসিয়েতিব অমা ওইখি; মসিগী হেদক্বাতর রোমদা লৈরি৷

প্রোজেক্ত অসিগী মখাদা, শ্রীমতি য়োবিনানা সেল্ফ হেল্প গ্রুপ(এস.ঐচ.জি.) ‘কা বুইত কা লোং কা বোর’ (লৌশিংনা শক্তিনি)কী মেম্বর অমা ওইখি৷এস.ঐচ.জি. অসি ২০০২গী এগ্রীল ১৬তা শেমখি৷ ইকুই কুইদনা, মহাক্না মহাক্কী লিদরশিপ ক্বালিতীশিং অমদি মেনেজরিএল স্কিলশিং অসিনা মরম ওইদুনা গ্রুপ অসিগী চিয়রমেন ওইখি৷

এন.ই.আর.সি.ও.আর.এম.পি.না খুঙ্গং পুম্বদা কান্নবা পীখ্রে৷ ওপন দিফিকেসনগী ইসুশিং অসি থেংননবগীদমক, প্রোজেক্ত অসিগী মখাদা অফবা তোইলেত ফেসিলিতীশিং শেমগৎনবা এন্ত্রী পোইন্ত ইনিসিয়েতিব হৌদোকখি৷ ইনিসিয়েতিব অসি খুঞ্জাশিংনা তরাম্না ওকখি অমদি মসিগী মতুং ইন্না মখোয়না লুবা-নানবা অমদি মশা-মউ ফনা লৈহনবগী মতাংদা খঙজিনখি৷

প্রোজেক্ত অসিনা সপোর্ত তৌখিবা অতোপ্পা ইনিসিয়েতিব অদুদি এস.ঐচ.জি.শিংদা পীরিবা রিবোলবিং ফন্দ অসিনা ওইখি৷ অহানবদা, এস.ঐচ.জি.না লুপা ১,০০,০০০(লাখ অমা)গী অপুনবা ফন্দ অমা ফংখি৷ য়োবিনানা এস.ঐচ.জি. অসিদগী লুপা ১৪০০০/- (লিশিং তরামরি)গী লোন অমা লৌখি অমদি খুঙ্গং মনুং অসিদা গ্রোসরীগী ওইবা দুকান অমা শেমগৎখি৷ প্রোজেক্ত অসিগী মখাদগী ফংখিবা কেপাসিতী বিল্দিং সপোর্ত অদুদগী, মহাক্না মহাক্কী ওল্তরপ্রিন্যুরিএল স্কিলশিং অসি হেন্না লৈহনখি অমদি মখাতানা মহাক্কী করবার চাওথোককি৷ তপ্ন-তপ্ন, মহাক্না খুঙ্গং অদুমক্তদা অতোপ্পা গ্রোসরী দুকান অমগসু হাংদোকখি৷

খুঙ্গং অদুদা গ্রোসরী দুকান অনি মাই পাক্না হাংদোক্লবা মতুংদা, মহাক্না মহাক্কী পোত্থোকশিং অসি শহরগী মফমশিং খুদম ওইনা মাইরং অমসুং শিল্লোংগুম্বদা য়োন্নবসু চৎখি৷ মসিনা মরম ওইদুনা মহাক মশামক অসি মাই-পাক্লবা ওল্তরপ্রিনর অমদা ওন্থোকখিবনি৷

শ্রীমতি য়োবিনানা এস.ঐচ.জি.গী অতোপ্পা মেম্বরশিংগা লোইননা মখোয়গী পোৎলমশিং অদু মাইরং অমসুং শিল্লোংদা য়োল্লি৷ গ্রুপ অসিনা মখোয়গী পোৎলমশিং অদু শহরগী মফমশিংদা য়োবনা, মখোয়না হৌজিক্তি নোংমদা লুপা ১০,০০০দগী লুপা ১৫,০০০ ফাওবা য়োল্লি৷ মহাক্না অতোপ্পশিংবুসু থৌনা হাপখি অমদি অনৌবা এস.ঐচ.জি.শিং শেমখি৷ মসিদা মেম্বর ৭০মুক্কী চাংদা লৈরে৷

এন.ই.আর.সি.ও.আর.এম.পি.না মহাক্কী পুন্সিদা অমদি অতোপ্পা এস.ঐচ.জি. মেম্বরশিংগী পুন্সিদা অহোংবা অমা পুরকখি৷ মখোয়গী অপুনবা লিবিং স্তেন্দর্দতা মসিনা মখোয়গী ফিভম ফগৎহনখি৷

আত্ম নির্ভারতাগী অনৌবা ৱাহন্থোক অসি খঙহন্নবা হোৎনবদা জাখোং খুঙ্গংগী খুঞ্জাশিংবু মতেং পাংবিরকপা অসিগীদমক শ্রীমতি য়োবিনা লিন্দো মার্শিলোংনা ভারত সরকারগী এন.ই.আর.সি.আর.এম.এস., এন.ই.সি.দা থমোই শেংনা তৌবিমল খঙবা উৎখি৷

*******

(Release ID: 1797469) Visitor Counter : 100