नवी दिल्‍ली, 9 फेब्रुवारी 2022

 

भारत सरकारच्या अनेक मंत्रालये/विभागांनी तसेच राज्य सरकारांनी विविध क्षेत्रे आणि विभागांमधील स्टार्टअप्सना निधी आणि समर्थन देण्यासाठी योजना सुरू केल्या आहेत.  स्टार्टअप्सच्या निधीचा किंवा प्रगतीचा तपशील केंद्राकडे ठेवला जात नाही.

उद्योग आणि अंतर्गत व्यापार प्रोत्साहन विभागाद्वारे स्टार्टअप्सना मान्यताप्राप्त इनक्यूबेटर्सद्वारे सर्व क्षेत्रे आणि विभागांमध्ये प्रारंभिक निधी उपलब्ध करून देण्यासाठी, 16 एप्रिल 2021 रोजी स्टार्टअप इंडिया सीड फंड योजना सुरू करण्यात आली. या योजनेअंतर्गत 2021-22 पासून 4 वर्षांच्या कालावधीसाठी 945 कोटी रुपये  अनुदान यासाठी मंजूर करण्यात आले आहे.  31 डिसेंबर 2021 पर्यंत, यापैकी  58 इनक्यूबेटर्सना 232.75 कोटी रुपये निधी म्हणून मंजूर करण्यात आले आहेत आणि 146 स्टार्टअप्सना अशा इनक्यूबेटर्सद्वारे निधी देण्यात आला आहे.

भारत सरकारच्या मंत्रालये/विभागांच्या किंवा राज्य सरकारांच्या इतर योजनांकडून या बीज भांडवल निधीची माहिती केंद्र सरकारकडे ठेवली जात नाही.

वाणिज्य आणि उद्योग मंत्रालयाचे राज्यमंत्री सोम प्रकाश यांनी आज लोकसभेत एका लेखी उत्तरात ही माहिती दिली.

 

* * *

S.Thakur/S.Patgaonkar/D.Rane

 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(Release ID: 1796941) Visitor Counter : 194