صدر جمہوریہ ہند جناب رام ناتھ کووند نے آج یہاں پارلیمنٹ کے دو ایوانوں کے مشترکہ اجلاس سے خطاب کیا۔ صدر جمہوریہ نے اپنے خطاب میں پی ایم مِترا پارکس اور مربوط ٹیکسٹائل ویلیو چین کو فروغ دینے کے لیے مرکز کی طرف سے کیے گئے مختلف اقدامات پر روشنی ڈالی۔

اپنی تقریر میں، صدر نے کہا، "نئے علاقوں کو ترقی دینے کے ساتھ ساتھ، میری حکومت ان شعبوں میں اپنی روایتی طاقت کو بحال کر رہی ہے جس میں ہم صدیوں کا تجربہ رکھتے ہیں۔ اس سمت میں، میری حکومت نے تقریباً 4,500 کروڑ روپے کی سرمایہ کاری کے ساتھ سات میگا انٹیگریٹڈ ٹیکسٹائل ریجنز اور ایپرل پارکس کو منظوری دی ہے۔ یہ مربوط ٹیکسٹائل ویلیو چین کو سہولت فراہم کرے گا۔ یہ میگا ٹیکسٹائل پارکس ہندوستانی اور غیر ملکی سرمایہ کاروں کو راغب کریں گے اور روزگار کے لاکھوں نئے مواقع پیدا کریں گے۔

مینوفیکچرنگ سیکٹر کی صلاحیت کو پوری طرح سے استفادہ کرنے اور نوجوانوں کے لیے نئے مواقع پیدا کرنے کے لیے حکومت کی طرف سے شروع کی گئی 1 لاکھ 97 ہزار کروڑ روپے سے زیادہ کی 14 اہم PLI اسکیموں کا حوالہ دیتے ہوئے، صدر نے کہا کہ یہ PLI اسکیمیں نہ صرف ہندوستان کو ایک عالمی مینوفیکچرنگ مرکز کے طور پر تبدیل کرنے میں مدد کریں بلکہ 60 لاکھ سے زیادہ ملازمتیں بھی پیدا کریں گی۔

                                               **************

ش ح۔ ف ش ع- ع ا  

 

U: 905

(Release ID: 1794056) Visitor Counter : 104