జనవరి 2022 నెలలో 31.01.2022 మధ్యాహ్నం 3 గంటల వరకు వసూలు చేసిన స్థూల జిఎస్ టి ఆదాయం రూ.1,38,394 కోట్లు, ఇందులో సిజిఎస్ టి రూ.24,674 కోట్లు, ఎస్ జిఎస్ టి రూ.32,016 కోట్లు, ఐజిఎస్ టి రూ.72,030 కోట్లు (వస్తువుల దిగుమతిపై సేకరించిన రూ.35,181 కోట్లతో సహా) ,సెస్ రూ.9,674 కోట్లు (వస్తువుల దిగుమతిపై సేకరించిన రూ.517 కోట్లతో సహా). 2021 ఏప్రిల్ నెలలో అత్యధిక నెలవారీ జిఎస్ టి సేకరణ రూ.1,39,708 కోట్లు. 2022 జనవరి 30 వరకు దాఖలు చేసిన మొత్తం జిఎస్ టిఆర్-3బి రిటర్న్ ల సంఖ్య 1.05 కోట్లు, ఇందులో 36 లక్షల త్రైమాసిక రిటర్న్ లు ఉన్నాయి.

ప్రభుత్వం సిజిఎస్ టికి రూ.29,726 కోట్లు, ఐజిఎస్ టి నుండి ఎస్ జిఎస్ టికి రూ.24,180 కోట్లు రెగ్యులర్ సెటిల్ మెంట్ గా పరిష్కరించింది. అంతేకాకుండా, ఈ నెలలో కేంద్రం ,రాష్ట్రాలు/కేంద్ర పాలితప్రాంతంగా ప్రాంతాల  మధ్య 50:50 నిష్పత్తిలో తాత్కాలిక ప్రాతిపదికన రూ.35,000 కోట్ల ఐజిఎస్ టిని కూడా కేంద్రం పరిష్కరించింది. రెగ్యులర్ అడ్-హాక్ సెటిల్ మెంట్ల తరువాత జనవరి 2022 నెలలో కేంద్రం ,  రాష్ట్రాల మొత్తం ఆదాయం సిజిఎస్ టికి రూ.71,900 కోట్లు , ఎస్ జిఎస్టికి రూ.73,696 కోట్లు. 2022 జనవరిలో రాష్ట్రాలు/కేంద్రరాష్ట్రాలకు జిఎస్ టి పరిహారం రూ.18,000 కోట్లు కూడా కేంద్రం విడుదల చేసింది.

జనవరి 2022 నెలకు ఆదాయాలు గత ఏడాది ఇదే నెలలో జిఎస్టి ఆదాయం కంటే 15% ఎక్కువగా ఉన్నాయి . ఇది జనవరి 2020 లో జిఎస్టి ఆదాయాల కంటే 25% ఎక్కువ. ఈ నెలలో, వస్తువుల దిగుమతి నుండి ఆదాయాలు 26% ఎక్కువగా ఉన్నాయి దేశీయ లావాదేవీ (సేవల దిగుమతితో సహా) నుండి ఆదాయాలు గత సంవత్సరం ఇదే నెలలో ఈ వనరుల నుండి వచ్చే ఆదాయాల కంటే 12% ఎక్కువగా ఉన్నాయి.

జిఎస్ టి వసూళ్లు రూ.1.30 లక్షల కోట్ల మార్కును దాటడం ఇది నాల్గవసారి. డిసెంబర్ 2021 నెలలో 6.7 కోట్ల ఇ-వే బిల్లులు జనరీట్ అయ్యాయి. ఇది నవంబర్ 2021 లో జనరేట్ చేసిన 5.8 కోట్ల ఇ-వే బిల్లుల కంటే 14% ఎక్కువ.

ఆర్థిక రికవరీ, ఎగవేత వ్యతిరేక కార్యకలాపాలు, ముఖ్యంగా నకిలీ బిల్లర్లకు వ్యతిరేకంగా చర్యలు మెరుగైన జిఎస్టికి దోహద పడ్డాయి. ఇన్‌వర్టెడ్ డ్యూటీ స్ట్రక్చర్‌ను సరిచేయడానికి కౌన్సిల్ చేపట్టిన వివిధ రేట్ల హేతుబద్ధీకరణ చర్యల వల్ల కూడా ఆదాయం మెరుగుపడింది. రాబోయే నెలల్లో కూడా ఆదాయంలో సానుకూల ధోరణి కొనసాగుతుందని భావిస్తున్నారు.

***