মিজোরামগী আইজোল দিস্ত্রিক্তকী আইবোক ব্লোক্কী সাউথ মাউবুআংগী খুঙ্গং অসিদা সোলিদ অমসুং লিক্বিদ ৱেস্ত নিংথিজনা মেনেজমেন্ত তৌনবগীদমক্তা য়ুমথোংখুদিংমক্তা অমসুং ইন্সতিত্যুশনশিংদা নিংথিনা ফংস্নেল ওইবা তোইলেতশিং অমসুং পাম্বৈশিং লৈবগীদমক্তা এস.বি.এম.-জি. ফেজ II গাইদলাইনশিংগী মতুং ইন্না ক্রাইতরিয়া পুম্নমক মফুং ফাবা ওইবনা মোদেল ও.দি.এফ. প্লস ভিলেজ অমা ওইনা লাউথোকখ্রে।

ওফিসিয়েল ওইবা দেতাগী মতুং ইন্না, ইমুং ১১৬তগী মীশিং ৬৪৯ লৈবা খুঙ্গং অসিনা মিজোরম রাজ্য অসিদা অহানবা ও.দি.এফ. প্লস ভিলেজ অমা ওইনা থোরকখ্রে। মসিগী স্তেতস অসি ফংবদা কম্যুনিতী অসিগী মীপুম খুদিংমক্না শরুক য়াখি।

ও.দি.এফ. সস্তেন্নেবিলিতী: খুঙ্গং অসিদা লৈরিবা স্কুল অহুম্মক অমসুং অঙ্গনৱাদি সেন্তর অনি, কম্যুনিতী হোল অমসুং ভারত নির্মান রাজিব গান্ধি সেবা কেন্দ্র (বি.এন.জি.আর.এস.কে.) হোলদা তোইলেতশিংগী এরেঞ্জমেন্ত নিংথিজনা লৈ, স্কুলশিংদা নুপামচাশিং অমসুং নুপিমচাশিংগীদমক্তা তোঙানবা ফেসিলিতীশিং থম্লি। হন্দক্তা কম্যুনিতী সেনিতরী কমপ্লেক্স অমা ফঙ্কশনশিং অমসুং থৌরমশিংগীদমক্তা মী তিনবা মতমদা শিজিন্নবা কম্যুনিতী হোল মনাক্তা শাখি।

বায়োদিগ্রেদেবল ৱেস্ত মেনেজমেন্ত: ২০২১দা, খুঙ্গং অসি লুপা লাখ ৫গী শেলগী মনাগা লোইননা নেস্নেল পঞ্চায়ত এৱার্দ পীখি। ভিলেজ কাউন্সিলনা শেলগী মনা অদুবু য়ুমথোং খুদিংদা সোলিদ ৱেস্ত মেনেজমেন্ত ফগৎহন্নবা শিজিন্নখি। মরম অদুনা ঙসিদি লৈরিবা য়ুমথোংশিং অদুগী অপুনবা মশিং অদুগী চাদা ৯৮দা বায়োদিগ্রেদেবল ৱেস্ত মেতরিয়েলগীদমক্তা এরেঞ্জমেন্তশিং লৈ। মসিগী মথক্তা, খুঙ্গং অসিনা ইন্সতিত্যুশন কয়া অমদা অমসুং স্কুলশিংদা এস.বি.এম.-জি. অমসুং এম.জি.এন.আর.ই.জি.এস.কী ফন্দশিং অদুনা কম্যুনিতী কমপোস্ত পিতশিং শাখি।

লিক্বিদ ৱেস্ত মেনেজমেন্ত: লিক্বিদ ৱেস্ত মেনেজমেন্ত মতাংদদি, লম্বিগী মতাংইদা চিংচেপ্তা লৈরিবা য়ুমথোং খুদিংমক্না মখোয়গী ইমুংদগী থাদোকপা অমোৎপা ঈশিংশিং অদু কিতচন গার্দেনশিংদা থাজিল্লি। মরম অদুনা য়ুমথোংশিং অসিদগী থাদোরকপা অমোৎপা ঈশিংশিং অদু মহৌশাগী ওইবা মওংদা ত্রিত তৌখিবনা মখোয়না সোক পিতশিং মথৌ তাদে। মসিনা মরম ওইরগা য়ুমথোংশিং অসিগী কিতচন গার্দেনদা হৌরিবা ইন্সাং-নাপিশিং অদু য়াম্না অফবা মখলগী ওই, খুদম ওইনা মাইরেন, চুজাক, বীনশিং, স্নেক বীনশিং, হঙ্গামনচিংবাশিং অসি ইমুংশিং অদনা মখোয়গী চানবগীদমক্তা শিজিন্নৈ।

প্লাস্তিক ৱেস্ত মেনেজমেন্ত: প্লাস্তিক্কী পোত্থোকশিং অসি মীয়ামগী পুনশিদা য়াম্না মরু ওইবা শরিুক অমা ওইদুনসু, মসিনা য়াম্না মরু ওইবা এনভাইরনমেন্ততেল চেলেঞ্জ অমা ওইনা থোরক্লি, মরু ওইনা খুঙ্গংগী লমশিংদা, মসিনা মরম ওইরগা প্লাস্তিকৱেস্ত মেনেজমেন্ত  অসি খুঙ্গং অমবু ও.দি.এফ. প্লসনি হায়না লাউথোক্নবগীদমক্তা য়াম্না মরু ওইবা ক্রাইতেরিয়ন ওই। সাউথ মাউবুআং ভিলেজতা, প্লাস্তিক ৱেস্ত অসি ভিলেজ ৱাতর অমসুং সেনিতেশন কমিতী (ভি.দবল্যু.এস.সি.)না চয়োল খুদিংগী য়ুমথোং খুদিংদগী খোমগৎখি অমসুং খুঙ্গং অদুগী প্লাস্তিক ৱেস্ত কলেক্সন এরিয়াদা থমখি। প্লাস্তিক য়াম্না বামখৎলকপা মতমদা আইবোক্তা লৈবা প্লাস্তিক ৱেস্ত রিসোর্স মেনেজমেন্ত সেন্তরদা ত্রান্সপোর্ত তৌখি, মফম অসিদা হায়রিবশিং অসি খন্দোক্তুনা, মচেৎ-মচেৎ তাহনবা নত্রগা বেলিং মেশিনদা হাপচিনখি। অঙাংশিংগী সেনিতেশন ক্লবনসু তোফীশিংগা ওন্ননবা য়ুমথোং খুদিংদগী প্লা্তিকশিং খোমগৎলি।  

মখাতানা, খুঙ্গংগী কাচিন-কোয়াশিংদা প্লাস্তিক বিনশিং থম্মি অমসুং খুঙ্গং অদুনা সিঙ্গল য়ুস প্লাস্তিকশিং শিজিন্নবদা অথিআবা থম্নবা ৱারেপ লৌখি। প্লাস্তিক ৱেস্ত রিসোর্স সেন্তর হৌদোকপা অসিনা প্লাস্তিক দিসপোজল মেনেজমেন্ত নিংথিজনা পাংথোকপা ঙমহল্লি।

ফিকল স্লজ মেনেজমেন্ত: ভি.দব্ল্যু.এস.সি.শিংগা লোইননা কম্যুনিতী অদুনা হকথেংননা শরুক য়াবনা ফিকল স্লজ অসি নিংথিজনা ত্রীত তৌবদা মতেং পাংঙি। স্বচ ভারত মিসন ফেজ-Iদা ত্রেদিস্নেল ত্রেঞ্চ পিতশিংদগী সিঙ্গল পিতশিংদা ওইনা ওন্থোক্তুনা, খুঙ্গং অদুদা লৈরিবা য়ুমথোং খুদিংমক্না হৌজিক্তি ত্বিন পিতশিং নত্রগা সোক পিতশিংদা কনেক্ত তৌবা সেপ্তিক তেঙ্কশিংদা ওইনা অপদেৎ তৌখ্রে।

*****