ایک تنہا  ماں اور گھر کی  واحد  کمائی کرنے والی نگویم یمیونگ کو  اپنے  کنبے  کو  سنبھالنے کے لئے کئی مشکلات کا سامنا کرنا پڑا ہے۔ ان کے کنبے میں ایک بیٹا اور ایک بیٹی ہے۔  وہ اروناچل پردیش کے ترپ ضلع کے  لازو  گاؤں  میں رہتی ہیں اور  اولو  کمیونٹی کی ہیں۔

 

شوہر کی  اچانک موت کے بعد انہیں احساس ہوا کہ  اُن کے کنبے  کی آمدنی  ختم ہونے کے دہانے پر پہنچ گئی ہے۔ ان کے شوہر  چھوٹی موٹی  یومیہ مزدوری کر کے  خاندان میں واحد  کمانے والے تھے۔ نگویم یمیونگ کے پاس  اب  کنبے  کی پرورش کے لئے پیسے نہیں تھے۔ انہیں  اپنے بچوں کے لئے کھانے اور  تعلیم  فراہم کرنے میں بھی  کئی مشکلات کا سامنا کرنا پڑا، لیکن  مشکلات سے گزرتے ہوئے بھی  انہوں نے  ہار نہیں مانی اور انہیں  اچھے دنوں کی امید تھی۔

انہیں پتہ نہیں تھا کہ وہ گزر بسر کے لئے کیا کرسکتی ہیں، کیونکہ وہ  ناخواندہ تھیں اور  ان کی  کمائی  کا  اصل ذریعہ جھوم کھیتی تھی۔ جس سے وہ  صرف  کھانے  کا بندو بست کرسکتی تھیں لیکن  معیاری  تعلیم کا بند و بست نہیں کرسکتی تھیں۔ انہوں نے محسوس کیا کہ اگر ان کے بچوں کو  مناسب تعلیم نہیں ملے گی تو انہیں بھی مشکلات کا سامنا کرنا پڑے گا، جن سے وہ گزر رہی ہیں۔

 

 

انہوں  نے  این ای ای آر  سی  آر ایم ایس  کے  این  ای آر سی  او آر این پی  پروجیکٹ کے بارے میں  ہر  چھوٹی چھوٹی  جانکاریوں  کو زیادہ سے زیادہ  سیکھنا شروع کیا۔ انہیں پروجیکٹ سے  ایک خیال آیا  اور ایک  گائے کے لئے  ایک تجویز  لے کر آئیں۔ این ای  آر سی  آر ایم ایس  کے توسط  سے   انہیں دو  گائیں ملیں اور  انہوں نے گایوں کی تعداد بڑھانے کا فیصلہ کیا۔

ان  برسوں میں نگویم یمیونگ کی  زندگی  بہتر ہوتی چلی گئی۔ انہوں نے  دو  گائیوں سے  شروعات کی اور اب  ان کے پاس 10  سے زیادہ گائے ہیں۔  انہوں نے  گائے  فروخت کر کے پیسہ کمایا  ، اور گائے کے گوبر سے گھاد بنا کر مٹی کی زرخیزی  اور فصل کی پیدا وار میں  بہتری کے لئے  نامیاتی  مواد  کا ایک اچھا  ذریعہ بھی تیار کیا ہے۔

چونکہ زراعت آمدنی کا  ایک اہم ذریعہ ہے، اس لئے  گائے کا  گوبر  ان کی زندگی میں ایک اہم رول ادا کرتا ہے، نتیجے کے طور پر، ان کے سبزی کے کھیتوں میں گائے کی کھاد کی مدد سے  پورے سال فصلیں اگانی  شروع کردی ہیں۔ پہلے مٹی  زرخیز نہیں تھی اور سبزی کی کھیتی کے لئے خراب تھی اس لئے پیدا وار  بے حد کم ہورہی تھی۔

ان کے پاس  اب  ایک بہتر  معیار زندگی ہے اور اپنے بچوں کے لئے غذا  اور اچھی تعلیم فراہم کرنے کے لئے  مناسب رقم ہے۔ وہ زندگی میں  کبھی   ناامید نہیں  ہوتی ہیں اور مسلسل  اپنی  حالت  کو بہتر بنانے کے طریقوں  کی تلاش میں رہتی ہیں۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح-ف ا - ق ر)

U-704

(Release ID: 1792383) Visitor Counter : 137