অরুনাচল প্রদেশকী, তিরাপ দিস্ত্রীক্তা লৈবা, ওল্লো কম্ম্যুনিতীগী লাজু খুঙ্গংদা লৈবা ঙোয়ুম য়ুময়াংনা মমা অমা ওইনা মথন্তা য়ুম পুদুনা মহাক্কী ইমুংগী মতেং ওইনবা য়াম্না কন্না হোৎনজখি। মহাক্কী ইমুংদা মচানুপা অমা অমসুং মচানুপী অমা লৈরি।   

মহাক্কী মপুরোইবনা মনুং-মতম চাদনা লৈখিদ্রবগী মতুংদা, মহাক মথন্তা নোংমগী ওইবা থবক মচা শুদুনা শেল তানবা ওইবনা মহাক্কী ইমুংগী ইনকম লাক্লরোই হায়বা মহাক্না খঙখি। মহাক্কী ইমুং থাক্নবা ফন্দ লৈশিল্লক্ত্রে অমসুং মহাক্কী অঙাংশিংগী চান-থক্নবগী অমসুং মহৈ-মশিং তমহনবদা অৱাবা কয়া অমা মায়োক্নবা তারি। অৱাবা কয়া অমা তারবসু মহাক্না নোংমদি শোইদনা ফরক্কনি হায়বগী আসা অমদা কৈদৌনুংদা হোৎনবা লেপখিদে।

হিংনবগীদমক মহাক্না করি তৌগদবনো হায়বা খঙখিদে মরমদি মহাক লাইরিক লাইশু হৈতবা মীশক অমা ওইখি অমসুং মহাক্কী মপুং ওইবা শীনফম্না ঝুম কল্তিবেসন তৌবা অসিনি। মহাক্না পিজ-পিথক তৌবা খক্তা নত্তনা মহৈ মশিংদি নিংথিনা তমহনবা ঙমখিদে। মহাক্কী অঙাংশিংবু মহৈ-মশিং নিংথিনা তমহন্দ্রবদি, মহাক্না ওইরিবা অসুম্না মখোয়সু অৱাবা কয়া অমা মায়োক্নরগনি হায়না মহাক্না খনখি।

এন.ই.আর.সি.আর.এম.এস.কী এন.ই.আর.সি.ও.আর.এম.পি. প্রোজেক্তকী খুত্থাংদা, মহাক্না প্রোজেক্ত অসিগী মতাংদা হেন্না মরীক চুম্বা খঙলকখি। মহাক্না প্রোজেক্তকী মরমদা থিজিন্দুনা শনবী অমা পীবিনবা হায়জখি। এন.ই.আর.সি.আর.এম.এস.কী খুত্থাংদা মহাক্না শনবী অনি ফংজখি অমসুং শনবী মশিং হেনগৎহন্নবা হোৎনখি।  

চহি খরগী মতুংদা ঙোয়ুম য়ুময়াংনা হেন্না ফবা পুন্সি মহিং অমা ওইবা ঙম্লে। মহাক্না শনবী অনি খক্তদগী হৌদোক্তুনা হৌজিক্তি তরাগী মথক্তা লৈরে। মহাক্না শনবীশিং য়োন্দুনা শেল তানবা ঙম্লগনি অমসুং শন্থীদগী ফংবা মেন্যুরনা লৈবাক লৈহাও ফনবা অমসুং মহৈ-মরোং হেন্না ফগৎহন্নবা য়াম্না ফবা ওর্গানিক্কী মচাকশিং অমা পীরগনি।  

লৌউ-শিংউবনা মপুং ওইনা শেন্দাল লম্বী ওইবা মরম্না, মহাক্না পুন্সিদা শনবীগী শন্থীনা য়াম্না চাওবা থৌদাং অমা লৌরি; মসিনা মরম ওইদুনা, মহাক্কী য়েঞ্ছাং-নাপীগী ইঙ্খোলদা শন্থীগী মেন্যুরগী মতেংনা মহৈ-মরোং চহি চুপ্পা হৌবা ঙম্লি। হান্নদি লৈবাক-লৈহাওশিং অসি য়াম্না ফবা ওইরমদে অমসুং য়েঞ্ছাং-নাপী থাবদা নিংথিনা হৌবা ঙমখিদে। মরম অসিনা, পোত্থোকশিং য়াম্না লিক্না পুথোকখি।

হৌজিক্তি মহাক্না মশাগী ইজৎ অমগা লোয়ননা হিংবা ঙমজরে অমসুং মহাক্কী অঙাংশিংগী চান-থক্নবা অমদি মহৈ মশিং নিংথিনা পীবা ঙম্লে। মহাক্না পুন্সিদা কৈদৌনুংদা নিংহন্নখিদে অমসুং লেপ্পা লৈতনা ফিভম অসি ফগৎন্নবা হোৎনদুনা লাকখি। 

*********

(Release ID: 1792288) Visitor Counter : 92