• লৈবাক পুম্বগী ভেক্সিনেসন দ্রাইবকী মখাদা হৌজিক ফাওবদা ভেক্সিন দোজ করোর ১৫৮.০৪ কাপথোকখ্রে
• ভারতকী এক্তিব কেসলোদ হৌজিক ১৭,৩৬,৬২৮দা লৈরি
• এক্তিব কেস ৪.৬২%দা লৈরি
• হৌজিক ওইরিবা ফগৎলকপগী চাং ৯৪.০৯%দা লৈরি
• হৌখিবা পুং ২৪দা ১,৫৭,৪২১ ফগৎলক্তুনা অপুনবা ফগৎলকপা ৩,৫৩,৯৪,৮৮২দা হেনগৎলে
• হৌখিবা পুং ২৪দা অনৌবা কেস ২,৩৮,০১৮ লাক্লি
• হৌজিক ফাওবদা অপুনবা ওমিক্রোন কেস ৮,৮৯১ থেংনখ্রে; ঙরাংদগী ৮.৩১% হেনগৎখি
• নোংমগী ওইবা পোজিতিবিতী রেত (১৪.৪৩% )নি
• চয়োলগী পোজিতিবিতী রেত (১৪.৯২%)নি
• হৌজিক ফাওবদা অপুনবা তেস্ত করোর ৭০.৫৪ তৌখ্রে; হৌখিবা পুং ২৪দা তেস্ত ১৬,৪৯,১৪৩ তৌখ্রে

#Unite2FightCorona #IndiaFightsCorona

প্রেস ইনফোর্মেসন ব্যুরো

ইনফোর্মেসন অমসুং ব্রোদকাস্তিং মন্ত্রালয়

ভারত সরকার

*****

হৌখিবা পুং ২৪দা ভেক্সিন দোজ লাখ ৮০গী ময়াদা কাপথোকখ্রে

নাবা ফগৎলকপগী চাং অসি হৌজিক ৯৪.০৯% ওইরি

হৌখিবা পুং ২৪দা অনৌবা কেস ২,৩৮,০১৮ রিপোর্ত তৌরকখি

হৌজিক ফাওবদা ওমিক্রোন কেস পুন্না ৮,৮৯১ থেংনখ্রে; ঙরাংদগী ৮.৩১% হেগৎলক্লি

ভারতকী এক্তিব কেসলোদ হৌজিক ১৭,৩৬,৬২৮দা লৈরি

চয়োলগী ওইবা পোজিতিবিতী রেত অসি হৌজিক্কী ওইনা ১৪.৯২%দা লৈরি

হৌখিবা পুং ২৪দা ভেক্সিন দোজ লাখ ৮০ (৭৯,৯১,২৩০)গী ময়াদা কাপখিবগা লোইননা ভারতকী কোবিদ-১৯গী ভেক্সিনেসন কভরেজ অসি ঙসি অয়ুক পুং ৭ ফাওবগী প্রোভিজনেল রিপোর্তকী মতুং ইন্না করোর ১৫৮.০৪ (১,৫৮,০৪,৪১,৭৭০) হেনখ্রে।

মসি সেসন ১,৬৯,৭৬,৮১৭গী খুত্থাংদা ফংবা ঙমখি। ঙসি অয়ুক পুং ৭ ফাওবগী প্রোভিজনেল রিপোর্তকী মতুং ইন্না অপুনবা মশিং অসি খাইদোকপদা অশুম্না লৈরি:

হৌখিবা পুং ২৪ অসিদা অনাবা মীওই ১,৫৭,৪২১ নাবা ফগৎখ্রে অমদি নাবা ফগৎলবশিংগী অপুনবা মশিং অসি হৌজিক (লাইচৎ হেক হৌরকপদগী) ৩,৫৩,৯৪,৮৮২দা লৈরি।

মসিনা মরম ওইরগা ভারতকী ফগৎলকপগী চাং অসি ৯৪.০৯%দা লৈরি।

হৌখিবা পুং ২৪দা অনৌবা কেস ২,৩৮,০১৮ রিপোর্ত তৌরকখি।

হৌজিক্কী ওইনা ভারতকী এক্তিব কেসলোদ ১৭,৩৬,৬২৮দা লৈরি। এক্তিব কেস মশিং অসি লৈবাকসিগী অপুনবা পোজিতিব কেস মশিংগী ৪.৬২% ওইরি।

লৈবাক শিনবা থুংনা তেস্তিং কেপাসিতী মখা তানা হেনগৎহল্লি। হৌখিবা পুং ২৪ অসিদা লৈবাক অসিদা পুন্না তেস্ত মশিং ১৬,৪৯,১৪৩ তৌখি‍। হৌজিক ফাওবদা ভারতনা পুন্না তেস্ত মশিং করোর ৭০.৫৪ (৭০,৫৪,১১,৪২৫) হেন্না তৌখ্রে‍।

নাকল অমরোমদা লৈবাক শিনবা থুংনা তেস্তিং কেপাসিতী হেনগৎহনখিবগা লোইননা, চয়োলগী ওইবা পোজিতিবিতী রেত ১৪.৯২%দা লৈরি অমদি নোংমগী ওইবা পোজিতিবিতী রেত অসি ১৪.৪৩% রিপোর্ত তৌরকখি।

https://pib.gov.in/PressReleasePage.aspx?PRID=1790629

রাজ্যশিং/য়ু.তি.শিংদা লৈরিবা কোবিদ-১৯ ভেক্সিন অপদেৎ
রাজ্যশিং/য়ু.তি.শিংদা ভোক্সিন দোজ করোর ১৫৮.১৬ হেন্না ফংহনখ্রে
রাজ্যশিং/য়ু.তি.শিংদা লেমহৌবা অমদি শীজিন্নদ্রিবা ভেক্সিন দোজ করোর ১৩.২৫ হেন্না লৈরি
 

কেন্দ্র লৈঙাক্না লৈবাক শিনবা থুংনা কোবিদ-১৯ ভেক্সিনেসনগী খোঙজেল য়াঙখৎহনবা অমদি মীৎয়েং পাকথোক চাউথোকহন্নবা ফিরেপ লৌরি‍। মীপুম খুদিংদা ভেক্সিন ফংহনবগী অনৌবা তাঙ্কক অসি ২০২১গী জনুৱারী ১৬তগী হৌখিবনি‍। কোবিদ-১৯ ভেক্সিনেসনগী য়ুনিভর্সলাইজেসনগী অনৌবা ফেজ অসি ২০২১গী জুন ২১দগী হৌখ্রে। স্তেত অমসুং য়ু.তি.শিংদা মখোয় মশানা হেন্না ফবা মওংদা থৌরাং তৌজনবা অমদি ভেক্সিন সপ্লাই চেন স্ত্রীমলাইন তৌনবা ভেক্সিন হেন্না ফংহন্দুনা অমদি ভেক্সিন লৈবা লৈতবগী ফীভম মাঙজৌননবা উহন্দুনা ভেক্সিনেসন দ্রাইব অসি হেনগৎহল্লে‍।

লৈবাক পুমবগী ওইবা ভেক্সিনেসন দ্রাইব অসিগী শরুক অমা ওইনা ভারত লৈঙাক্না স্তেত অমসুং য়ু.তি.শিংদা কোবিদ ভেক্সিন লেম্না পীদুনা ঙাক্লৌ পীরি‍। মীপুম খুদিং কোবিদ-১৯ ভেক্সিন ফংহনবগী অনৌবা তাঙ্ককসিদা কেন্দ্র লৈঙাক্না লৈবাকসিদা লৈরিবা ভেক্সিন পুথোক্লিবা কম্পেনীশিংনা পুথোকপা ভেক্সিনগী ৭৫% লৈদুনা স্তেত অমসুং য়ু.তি.শিংদা (লেম্না) পীগনি ‍।

ভারত সরকারগী লৈঙাক্কী (মমল লৌদবা চেনেল) অমদি দাইরেক্ত স্তেত প্রোক্যুরমেন্ত কাঙলুপকী থোংদা হৌজিক ফাওবদা রাজ্যশিং/য়ু.তি.শিংদা ভেক্সিন দোজ করোর ১৫৮.১৬ (১,৫৮,১৬,৭৫,৬৩৫) হেন্না ফংহনখ্রে‍।

রাজ্যশিং/য়ু.তি.শিংদা কাপ্ননবা লেমহৌরিবা অমদি শীজিন্নদ্রিবা কোবিদ ভেক্সিন দোজ করোর ১৩.২৫ (১৩,২৫,২৯,৯০১) হেন্না লৈরি‍।

https://pib.gov.in/PressReleasePage.aspx?PRID=1790625

******