গোৱা, মনিপুর, পঞ্জাব, উত্তরখন্দ অমদি উত্তর প্রদেশকী লেজিস্লেতিব এসেমব্লীশিংদা লাক্কদৌরিবা জেনেরেল ইলেক্সনশিংগীদমক থাগদৌরিবা ওবজর্বরশিংগী ব্রিফিং মীফম অমা ঙসি ইলেক্সন কম্মিসন ওফ ইন্দিয়ানা শিনখি৷ হায়রিবা এসেমব্লী ইলেক্সনশিং অসিগী মতম অসি ২০২২গী জানুৱারি ৮দা লাওথোকখি৷ সেসনশিং অসিদা ওফিসিয়েল ১৪০০ হেনবনা শরুক য়াখি, ওফিসিয়েল ১৪০না ন্যু দিল্লীগী বিগ্যান ভাবনদা ফিজিকেল্লী ওইনা শরুক য়াখি অমদি লৈহৌরিবশিং অসিনা রাজ্যশিং/য়ু.তি.শিংদগী ভর্চুএল্লী ওইনা শরুক য়াখি৷ লৈবাক অসিগী আই.এ.এস., আই.পি.এস., আই.আর.এস., অমদি অতোপ্পা একাউন্ত সর্ভিসশিংদগী লাকখিবা ওফিসরশিংবু জেনেরেল, পুলিস অমদি এক্সপেন্দিচর ওবজর্বরশিং ওইনা থারি৷

ওবজর্বশিং অসিবু পল্লদুনা, ইলেক্সনশিংগী মতমদা ওবজর্বরশিং অসি মীৎশিং অমদি নাকোংশিং ওইরি অমদি ফ্রী, ফেয়র, ত্রান্সপরেন্ত অমদি সেফ ওইবা ইলেক্সনশনশিং পাংথোক্নবা ইসুশিংদা কুপথনা য়েংশিনগদবনি হায়না চীফ ইলেক্সন কম্মিশনর শ্রী সুশিল চন্দ্রনা ফোংদোকখি৷ সেনিয়র সিতিজনশিং, পি.দবল্যু.দি. ইলেক্তরশিং অমদি কোবিদ-১৯ নারমগনি নত্রগা কোবিদনা শোকহল্লবা মীওইশিংগী কাংলুপতা এবসেন্তী ভোতরশিংগীদমক পোস্তেল বেল্লোত ফেসিলিতী লৈহনবা; মোদেল কোদ ওফ কন্দক্ত অমদি অতোপ্পা ই.সি.আই. গাইদলাইনশিং ইল্লক্তবা মতম অমা হেক্তদা মীকুপ-নাহুম শিংনা য়েংশিনবা; কাউন্তিং প্রোসিদ্যোরশিংগা লোইননা হৌজিক হৌজিক লৈরিবা কোবিদ গাইদলাইনশিং চেকশিন্না ইলহনবা য়াওনা ইলেক্তোরেল প্রোসেস পুম্নমক অপদেৎ তৌনবা শ্রী চন্দ্রনা ওবজর্বরশিংদা খঙহনখি৷

শেলগী শক্তিবু লান্না শিজিন্নবা অমদি পামদবা থৌদোক অমা হেক্তা থোক্তনবা কম্মিসনগী জিরো-তোলিরেন্সকী মতাংদা ফোংদোক্লদুনা, এক্সপেন্দিচর ওবজর্বরশিংনা মীয়ামবু শুমহৎতুনা পুবা য়ারিবা অনৌবা মেথর্দশিং অসি লান্থেংনবা ঙম্নবা মখোয়গী স্কিলশিং হেন্না হৈহন্নবা অমদি ইন্নোবেতিব ওইনবা সি.ই.সি.না তকশিনখি৷ ফ্লাইং স্ক্বাদশিং, সর্বিলেন্স তীমশিংনা মতম চানা এক্সন লৌখৎপা য়ানবা নিয়মশিং থুগাইবগী কেসশিং অসি রিপোর্ত তৌরক্তুনা মীয়ামবু হেন্না শক্তি লৈহন্নবা সি.বিজিল এপ অসি নিংথিনা লৈবাক মীয়ামদা খঙহন্নবা মহাক্না ওবজর্বরশিংদা হায়খি৷ এনফোর্সমেন্ত এজেন্সীশিংগা লোইননা ওবজর্বর অহুম পুম্নমক(জেনেরেল, পুলিস অমদি এক্সপেন্দিচর) খুৎশম্নদুনা থবক তৌমিন্নগদবনি হায়না সি.ই.সি.না মহাক্কী ৱারোলদা খঙহনখি৷ অহল ওইরবা প্রজাশিং, নাম্না শোইরবা মীওইশিং অমদি নুপীশিংদা হেন্না লাইথোকহন্নবা মিনিমম ফেসিলিতীশিং অদু ফংহল্লিব্রা হায়বসি খঙদোক্নবা ওবজর্বরশিংনা পোল্লিং বুথশিংদা হেন্না-হেন্না চৎনবা মহাক্না হায়খি৷

হৌজিক্তি ওবজর্বর সিস্তেম অসি অদুক্কী মতিক চাওখৎলে অমদি মসিনা ফিল্দ ফঙ্কসনরীশিং লমজিংবগী ওইনদি ইলেক্সন কম্মিসনগী অচৌবা অমদি অফবা ইন্তরফেস অমা ওই হায়না ইলেক্সন কম্মিশনার শ্রী রজিব কুমারনা মহাক্কী ৱারোলদা ফোংদোকখি৷ মীওইবগী হৌনাশাগুম পোলিং পর্সোনেলনা খজিক্তং হেক শোইরকপা মতমদা, পোলিশিংগী অকুপ-অতা য়েন্থোকফম সেন্তরশিং ফাওবদা কোবিদ প্রোতোকোলশিং খজিক্তং হেক ইলহৌদবা হায়বসিনা অচৌবা ইরাং অমা থোকহনবা য়াই অমদি ইলেক্সনশিং পাংথোকপা অদুদা অকাইবা পীরকপা য়াই হায়না শ্রী কুমারনা চেকশিন্না হায়খি৷ ওবজর্বরশিংনা মীকুপ-নাহুম শিংনা লৈনবা অমদি অরুবা ফিভম অমা হেক্তা লাকপা মতমদা খুদক্তা কম্মিসনদা পাউ পীরক্নবা মহাক্না হায়খি৷ ওবজর্বরশিং অসি মতম পুম্নমক্তা তোঙান তোঙানবা স্তেকহোল্দরশিংনা য়াম্না চেকশিন্না শেন্নদুনা লৈ হায়বসি কাওরোইদবনি অমদি ইলেক্সন প্রোসেসকী মতমদা মখোয় মশাগী ওইবা শাজৎ অমদি পাংথোক্লিবা থবক অদু য়াম্না চেকশিন্না পাংথোক্কদবনি হায়না মহাক্না ওবজর্বরশিংদা চেকশিন ৱা হায়খি৷ ওবজর্বরশিং অসি কম্মিসনগী মীহুৎশিংনি অমদি মখোয়দা শিন্নরিবা থৌদাং অসি নিংথিনা পাংথোক্কদবনি অমদি থম্লিবা থাজবা মাংহল্লোইদবনি৷

কোবিদ-১৯গী মতমদা ইলেক্সনশিং পাংথোকপা হায়বসি য়াম্না চেলেঞ্জিং ওই হায়না ইলেক্সন কম্মিশনার শ্রী অনুপ চন্দ্র পান্দেনা পল্লদুনা, পোলিতিকেল পার্তীশিং অমদি কেন্দিদেৎ পুম্নমক্কী ওইনা লেবেল প্লেইং ফিল্দ নিংথিনা থম্নবা মহাক্না দিজাইনেতেদ ওবজর্বরশিংদা খঙহনখি৷ ভোতরশিংগীদমক পোলিং স্তেসনশিংদা অয়েৎ-অপন লৈতবা অমদি ভোতরদা হেন্না খুদোং চাবা খোংথাংশিং লৌখৎনবা হোনগদবনি হায়নসু মহাক্না খঙহনখি৷ ফ্রী, ফেয়র, ত্রান্সপরেন্ত, ইনক্লুসিব অমদি সেফ ওইবা ইলেক্সনশিং পাংথোক্নবা ই.সি.আই.না হোৎনরি অমদি এক্সপরিয়েন্স লৈরবা ওফিসরশিং অসিবু ওবজর্বরশিং ওইনা মফম হাপতুনা ফিল্দ ওফিসিয়েলশিং অসিবু লমজিংবিগদবনি অমদি তাকপি-তম্বিগদবনি হায়না মহাক্না ফোংদোকখি৷ শান্তি-লৈবা অমদি অকিপা লৈহন্দবা ইলেক্সনশিং পাংথোক্নবা সেন্ত্রেল পেরা মিলিতরী ফোর্সশিং দিপ্লোই তৌবদা ওবজর্বরশিং অসিনা য়াম্না মরু ওইবা থৌদাং অমা লৌগদবনি হায়না মহাক্না ফোংদোকখি৷ মহাক্কী ৱারোলদা, হৌখিবা এসেমব্লী ইলেক্সনশিংদা ভোতর নেম্না ভোৎ থাদখিবা বুথশিং অসি মশক খঙদোকপা য়াওনা ভোতরশিংনা হেন্না ভোৎ থাদহন্নবগীদমক কম্মিসননা লৌখৎখিবা তোঙান তোঙানবা ইনসিয়েতিবশিং অদু মহাক্না পনখি৷ হৌজিক ওইরিবা মতমশিং অসিদা ভর্চুএল কেম্পেনিংগী থৌদাং অদু পল্লদুনা, সোসিএল মেদিয়া প্লেতফোর্মশিংদা লান্না পাউ শন্দোক্লিবা অমদি হঙ্গোইরবা কেম্পেন্দশিং চৎথরিবা অসি থিংবগী তঙাই ফদবা লৈ হায়না মহাক্না ফোংদোকখি৷

হাফ-দে লোঙ্গ সেসনশিং অদুদা, ই.সি.আই.গী সেক্রেতরী জেনেরেল শ্রী উমেশ সিনহানা ইলেক্সন প্লানিং, সেক্যুরিতী মেনেজমেন্ত অমদি এস.ভি.ই.ই.পি. এস্পেক্তশিংগী মতাংদা ওবজর্বরশিং অসিদা তেল্লপনা ফোংদোকখি৷ মহাক্কী ৱারোলদা, ওমবদসমেননা রিএল তাইম বেতিস্তা ই.সি.আই.দা. ইসুশিং রিপোর্ক তৌগদবনি অমদি গ্রাউন্দদা লৈরিঙৈ মতমদা মখোয়না ন্যুত্রেল, ইথিকেল অমদি কোর্দিএল কন্দক্ত পাংথোক্নবা হোৎনগদবনি হায়না ওবজর্বরশিংগী মরু ওইবা থৌদাং অদসু মহাক্না পনখি৷ গোৱা রাজ্যদা ইলেক্সন্সকী ইনচার্জ ওইদুনা লৈরিবা শ্রী সিনহানা রাজ্য অদুগী অখন্নবা ইসুশিংগী মতাংদা ওফিসরশিংদা তেল্লপনা ফোংদোকখি৷ সেনিয়র দিপুতী ইলেক্সন কম্মিশনার, শ্রী চন্দ্র ভুশন কুমারনা লিগেল অমদি এম.সি.সি.গা মরী লৈনবা ইসুশিংদা ওবজর্বরশিংদা তেল্লপনা ফোংদোকখি৷ মহাক্নসু উত্তরখন্দ অমদি উত্তর প্রদেশকী রাজ্যগী অখন্নবা অকুপ্পা মরোলশিং অদু পনখি৷ দিপুতী ইলেক্সন কম্মিশনার শ্রী নিতেশ ব্যাসনা ওবজর্বরশিংগী মরু ওইবা চেক-পোইন্তশিংগী মতাংদা অমদা ইলেক্তোরেল রোল ইসুশিংগী মতাংদা পল্লদুনা ই.ভি.এম.-ভি.ভি.পি.এ.তি. মেনেজমেন্তগী মতাংদা ওবজর্বরশিংদা পনখি৷ পঞ্জাব অমদি মনিপুরগী ওইনা মহাক্না ওবজর্বরশিংদা রাজ্যগী অখন্নবা ইসুশিংগী মতাংদা পনখি৷ দিপুতী ইলেক্সন কম্মিশনার শ্রী তি. শ্রীকান্থনা তোঙান তোঙানবা আই.তি. এপ্লিকেসনশিং অমদি কম্মিসনগী ইনিসিয়েতিবশিংগী মতাংদা ওফিসিয়েলশিং অদুদা পনখি৷ দাইরেক্তর জেনেরেল( মেদিয়া) শ্রীমতি শেফালি শারননা মেদিয়া সর্তিফিকেসন অমদি মোনিতরিং কম্মিতীশিং, সোসিএল মেদিয়া অমদি পেদ ন্যুস য়াওনা মেদিয়াগা মরী লৈনবা এস্পেক্তশিংগী মতাংদা ওফিসরশিং অদুদা তেল্লপনা ফোংদোকখি৷ পর্সোনেল ত্রেনিং তৌবা অমদি এক্সপেন্দিচর য়েংশিনবগী মতাংদা ব্রিফিং সেসনশিংসু পাংথোকখি৷

******