মহারাস্ত্রাদা লৈরিবা ভেক্সিন স্তোরেজগী মতাংদা লান্না পীবা মেদিয়া রিপোর্ত খরা লৈরি, মসিদা মখা তানা পল্লি মদুদি রাজ্য অসিদা ভেক্সিন ৱাৎনা লৈবা মরম্না রাজ্য সরকারনা ভেক্সিনেসন খোঙজেল য়াংনা চংশিনবা ঙমদ্রি। অসিগুম্বা রিপোর্ত অসি লান্না পাউ পীবনি অমসুং অরানবনি।

মসিদা শেংদোরক্লি মদুদি, ঙসি (২০২২গী জানুৱারী ১৪) ফংবা রিপোর্তকী মতুং ইন্না, মহারাস্ত্রাদা কোবাক্সিনগী শিজিন্নদবা দোজ লাখ ২৪গী মথক্তা লৈরি। মসিগী মথক্তা অহেনবা দোজ লাখ ৬.৩৫ অমা ঙসি থুংখ্রে। কো-ৱিন্দা ফংবা মখোয়গী চয়োলগী ওইবা কঞ্জুমসন দেতাগী মতুং ইন্না, মহারাস্ত্রাদা চহি ১৫-১৭কী কাপ্পা য়ারবা বেনিফিসরীশিং অমসুং প্রিকোসন দোজকীদমক কাপ্নবা কোবাক্সিন চাংচৎতা শিজিন্নরিবা অসি য়ামদ্রবদা নোংমদা লাখ ২.৯৪নি। মরম অদুনা, রাজ্য অসিদা কাপ্পা য়ারবা বেনিফিসরীশিংদা কোবাক্সিন কাপথোক্নবা চাওরাক্না নুমিৎ ১০মুক্কী ভেক্সিন দোজ মতিক চানা লৈরি।   

 মসিগী মথক্তা, হায়রিবা নুমিৎ অসি ফাওবদা রাজ্য অসিদা শিজিন্নদবা অমসুং বেলেন্স দোজ কোতি ১.২৪ লৈরি। নোংমদা চাংদা লাখ ৩.৫৭ শিজিন্নবগা লোয়ননা, ভেক্সিন অসি বেনিফিসরীশিংদা নুমিৎ ৩০নি হেন্না কাপ্নবা লৈখিগনি।

মরম অদুনা, মেদিয়াগী রিপোর্ত অসি তশেংবদি অচুম্বা নত্তে অমসুং মহারাস্ত্রাদা হৌজিক লৈরিবা অমসুং শিজিন্নদনা লৈরিবা কোবিদ ভেক্সিন দোজগী অশেংবা মশক্তা য়ুম্ফম ওইদ্রি।

*****