এম.দোনরগী এন.ই.সি.না শেম্বা সোসাইতী ওইনা নোর্থ ইস্তর্ন কম্ম্যুনিতী রিসোর্স মেনেজমেন্ত সোসাইতী (এন.ই.আর.সি.আর.এম.এস.)না প্রদক্তশিংগী মার্কেতেবিলিতী হেনগৎহন্নবা অমসুং লৌমীশিংগী শেন্থোক মখা তানা হেনগৎহন্নবা অরুনাচল প্রদেশকী চাংলাংগী কম্ম্যুনিতী বেজ ওর্গনাইজেসন্স (সি.বি.ও.এস.)না মরু-মরাংগী মহৈ-মরোংশিংগী ভেল্যু এদিসনদা য়াওশিনখি।

লৌউ-শিংউগী প্রদক্তশিংগী মতিক চাবা মমল লেপ্পা হায়বা অসি মনুং হঞ্জিন্না লৈবা মফমশিংগী লৌমীশিংনা মায়োক্নবা খ্বাইদগী অচৌবা শীংনবশিংগী মনুংদা অমনি। মখোয়গী পোত্থোক অদু ক্বালিতী অমসুং মার্কেৎতা মখোয়গী দিমান্দ ৱাংলবসু লৌমীশিংনা অয়াম্বনা ক্বালিতী অদুগা চান্নবা মমলশিং ফংদে। নোর্থ ইস্তর্ন কম্ম্যুনিতী রিসোর্স মেনেজমেন্ত সোসাইতী (এন.ই.আর.সি.আর.এম.এস.), শিল্লোং অমসুং চাংলাং কম্ম্যুনিতী রিসোর্স মেনেজমেন্ত সোসাইতী (সি.সি.আর.এম.এস.), চাংলাংনা শীংনবশিং অসি কোকহন্নবা মরু ওইবা থৌদাং অমা লৌরি। তোঙান-তোঙানবা লৌমীশিংদগী পুথোরকপা মরু-মরাংগী মহৈ-মরোংশিং অসি সি.বি.ও.শিংনা সেন্ত্রেলাইজ প্রোসেসিং এন্দ পেকেজিং য়ুনিৎ, ন্যু য়নমান ভিলেজ, খার্সং সর্কল. মাইয়াও –খাগম ব্লোক, চাংলাং, অরুনাচল প্রদেশতা প্রোসেস তৌখি।

মতুংদা প্রদক্তশিং অসি নমদফা গুদনেস হায়বা লেবেলগী মখাদা ব্রান্দেদ তৌই। সি.বি.ও. মেম্বরশিংনা স্তেন্দর্দ ক্বালিতী লৈহন্নবা অখন্নবা মীৎয়েং চংলি অমসুং ফুদ সেফতীগী থৌরাং অসি প্রদক্সন স্তেজ চুপ্পদা মীৎয়েং থমখি। য়াংঙংদা য়াওরিবা কুর্কুমিনগী চাং অসি লেবলদা স্পেসিফাইদ তৌই হায়রিবা অসিনা প্রদক্তকী মার্কেতেবিলিতী হেনগৎহল্লি। অরোইবা প্রদক্ত অসি রাজ্য শিনবা থুংনা লৈবা তোঙান-তোঙানবা রিতেলরশিং অমসুং হোলসেলরশিংগী খুত্থাংদা য়োল্লি।

*****