ہندوستان-امریکہ  اندرونی سلامتی مذاکرات کے سینئر افسران کی میٹنگ آج ورچوئل موڈ میں منعقد ہوئی۔ اس میٹنگ کی مشترکہ صدارت ہوم سکریٹری، حکومت ہند جناب اجے بھلا اور انڈر سکریٹری برائے حکمت عملی، پالیسی اور منصوبہ بندی، محکمہ ہوم لینڈ سیکورٹی، حکومت امریکہ، مسٹر رابرٹ سلورز نے کی۔ ملاقات میں دونوں ممالک کے دیگر اعلیٰ حکام نے بھی شرکت کی۔

ملاقات کے دوران، دونوں اطراف نے جاری تعاون کا جائزہ لیا اور مزید اقدامات کی نشاندہی کی جو دیگر مسائل کے علاوہ  انسداد دہشت گردی، سائبر سیکیورٹی، اہم انفراسٹرکچر اور عالمی سپلائی چینز،  سمندری سیکیورٹی،  ہوا بازی سے متعلق  سیکیورٹی، کسٹمز کے نفاذ اور تجارتی سلامتی کے میدانوں میں، تعاون کو آگے بڑھانے کے لیے مواقع اور ہم آہنگی تلاش کرنے کے لیے اٹھائے جاسکتے ہیں۔

دونوں فریقوں نے اس بات پر اتفاق کیا کہ اندرونی سلامتی مذاکرات کے تحت قانون نافذ کرنے والے اداروں کی شمولیت، عالمی سپلائی چینز،  ہوا بازی سیکیورٹی، تحقیقاتی تعاون، اور صلاحیت سازی اور تربیت کے حوالے سے موجودہ ذیلی گروپ آنے والے مہینوں میں الگ الگ ملاقات کریں گے تاکہ اس بات پر غور کیا جا سکے کہ جاری تعاون کو کیسے مزید مضبوط کیا جاسکتا ہے۔

ملاقات کا اختتام دونوں فریقوں کی جانب سے جاری شراکت داری پر اطمینان کا اظہار کرتے ہوئے اور باہمی دلچسپی کے تمام شعبوں میں دو طرفہ روابط اور تعاون کو مزید گہرا کرنے پر اتفاق کے ساتھ اختتام پذیر ہوا۔

دونوں فریق اس سال کے آخر میں وزارتی سطح کے ہوم لینڈ سیکورٹی ڈائیلاگ کے انعقاد کے خواہش مند ہیں۔

****************

(ش ح ۔س ب۔رض )

U NO: 365

(Release ID: 1789596) Visitor Counter : 137