হাইলাইতশিং

1. কোবিদ-১৯ ফিভমগা মরী লৈননা অৱাং-নোংপোক লমদম(এন.ই.আর.)গী রাজ্য নিপানদা লৌখৎলিবা চেকশিন-থৌরাং অদু য়েংশিন্নবা তুরিজম, কল্চর অমদি দিবেলপমেন্ত ওফ নোর্থ ইস্তর্ন রিজন(দোনর)গী কেন্দ্রগী মন্ত্রী শ্রী জি. কিসন রেদ্দীগী লুচিং মখাদা রিভ্যু মীফম পাংথোকখি৷
2. ভারত সরকারনা থোকখিবা এস.ও.পি.শিংগী মতুং ইন্না কোবিদ প্রোতোকোল পুম্নমক মরু ওইনা আর.তি.-পি.সি.আর. তেস্তশিং তৌবগী চাং হেনগৎহনবা, কা-হেন্না ফিভম লুশিন্দবা কেসশিংগীদমক হোম আইসোলেসন তৌবদা মীৎয়েং থম্নবা অমদি তেলিকম্ম্যুনিকেসন প্লেতফোর্ম, ইসঞ্জিবানিগী খুৎথাংদা চাং-নাইনা মোনিতর তৌনবা কেন্দ্র মন্ত্রী শ্রী জি. কিসন রেদ্দীনা রাজ্যশিংদা তকশিনখি৷
3. ভেক্সিনেসন ১০০% য়ৌনা কাপথোকহন্নবা মন্ত্রী অসিনা রাজ্যশিংবুসু থৌনা হাপখি অমদি চহি কাংলুপ ১৫-১৮ ফাওবগী মনুংদা লৈরিবা মীওইশিংবু মিসন মোদ ওইবা মওংদা প্রিকোসনরী দোজশিং অমদি ভেক্সিনেসন মপুং-ফানা কাপথোকহন্নবা রাজ্যশিংদসু হায়জখি৷
4. অৱাং-নোংপোক রাজ্যশিংদা হেল্থ ইনফ্রাস্ত্রকচর শেমগৎনবগীদমক এন.ই.এস.আই.দি.এস. স্কিম অমদি দি ইমর্জেন্সী কোবিদ রেস্পোন্স পেকেজ(ই.সি.আর.পি.-ফেজ- II)কী মখাদা রাজ্যশিংদা অসিদা কাইথখিবা শিজিন্নদ্রিবা শেমফমশিং অদু শিজিন্নথোক্নবা কেন্দ্রগী মন্ত্রীনা অৱাং-নোংপোক রাজ্যশিংদা পাউতাক পীখি৷

কোবিদ-১৯ ফিভমগা মরী লৈননা অৱাং-নোংপোক লমদম(এন.ই.আর.)গী রাজ্য নিপানদা লৌখৎলিবা চেকশিন-থৌরাং অদু য়েংশিন্নবা ঙসি তুরিজম, কল্চর অমদি দিবেলপমেন্ত ওফ নোর্থ ইস্তর্ন রিজন(দোনর)গী কেন্দ্র মন্ত্রী শ্রী জি. কিসন রেদ্দীগী লুচিং মখাদা রিভ্যু মীফম অমা পাংথোকখি৷

Today, chaired a meeting over VC with Health Ministers, Senior officials of North Eastern States to review #COVID19Vaccination Progress and Public Health Preparedness to combat #COVID19 in NE States.@MDoNER_India pic.twitter.com/wn02N4A06e

— G Kishan Reddy (@kishanreddybjp) January 12, 2022

মীফম অসিদা অৱাং-নোংপোক রাজ্য নিপানগী মরী লৈনবা হকশেল মন্ত্রীশিংনা শরুক য়াখি৷ দোনরগী সেক্রেতরী, হকশেল অমদি য়াইফ-য়ুম্বালগী জোইন্ত সেক্রেতরী, হকশেল সেক্রেতরীশিং অমদি মন্ত্রালয়শিং অমসুং মখোয়গী ওর্গনাইজেসন অনিমক্কী সেনিয়র ওফিসিয়েলশিংগা লৌননা মীফম অসিদা শরুক য়াখি৷

মেদিকেল অমদি হেল্থ ইনফ্রাস্ত্রকচর শেমগৎনবা, হিদাক-লাংথকশিং লৌশিন্নবা অমদি মাস্ককুম্বা, পি.পি.ই.কিৎশিংগুম্বা অমদি ওক্সিজেন কন্সেন্ত্রেতরশিংগুম্বা কোবিদ-১৯গা অখন্ননা মরু ওইরিবশিং অসি লৌশিন্নবা শ্রী জি. কিসন রেদ্দীনা রাজ্যগী হকশেল মন্ত্রী পুম্নমক্তা খঙহনখি৷ ওমিক্রোন ভেরিয়েন্তনা মরম ওইদুনা অহুমশুবা ৱেব লাকপা য়ারিবা অসিগী মতাংদা এৱার্নেস শন্দোকপদা মেদিয়া অমদি কম্ম্যুনিকেসন চেনেল পুম্নমকপু শিজিন্ননবা মহাক্না রাজ্যশিংদা তকশিনখি৷

কোবিদ-১৯ স্পেসিফিক প্রোতোকোল পুম্নমক ইন্নবা মন্ত্রী অসিনা রাজ্যগী ওফিসিয়েলশিংদা খঙহনখি অমদি আর.তি.-পি.সি.আর. তেস্তিং চাং-নাইনা পাংথোক্নবা, ভারত সরকারনা থাদোরকখিবা স্তেন্দর্দ ওপরেতিং প্রোসিদ্যোরশিং(এস.ও.পি.শিং)গী মতুং ইন্না নন-ক্রিতিকেল কেসশিংদা হোম আইসোলেসন তৌনবা ফোংদোকখি৷ হোম আইসোলেসন তৌদুনা লৈরিবা মীওইশিংনা চাং-নাইনা হেল্থ কেয়র ফংনবা অমদি য়েংশিন্নবা অমদি মখোয়দা মরু ওইবা পোৎলমশিং অমদি মেদিকেল কিৎশিং নিংথিংনা ফংহন্নবা জিলাগী থাক অমদা হবশিং লৈরিবা তেলিকম্ম্যুনিকেসন প্লেতফোর্ম ইসঞ্জিবানি অসি শিজিন্ননবা মন্ত্রী অসিনা রাজ্য ৮ পুম্নমক্তা হায়জখি৷ মসিদগী হেন্দোক্তুনা, স্ত্রিক ওইবা এনফোর্সমেন্ত মিজরশিং লৌখৎনবা, পাক-শন্না তেস্তিং তৌনবা অমদি ত্রেসিং মিজরশিং লৌখৎনবা কেন্দ্রগী মন্ত্রীনসু খঙহনখি৷ কোবিদকা চুনরবা শাজৎ অসি য়েংশিন্নবা অমদি মাইক্রো কন্তেনমেন্ত জোনশিং অসি তঙাই লৈরক্লবা মতমদা য়েংশিন্নবগীদমক খোংথাং পুম্নমক লৌখৎকদবনি হায়না মহাক্না ফোংদোকখি৷

Today, chaired a meeting over VC with Health Ministers, Senior officials of North Eastern States to review #COVID19Vaccination Progress and Public Health Preparedness to combat #COVID19 in NE States.@MDoNER_India pic.twitter.com/wn02N4A06e

— G Kishan Reddy (@kishanreddybjp) January 12, 2022

স্তেত স্পেসিফিক ওবজর্বেসনশিং হকশেল অমদি য়াইফ-য়ুম্বাল মন্ত্রালয়গী জোইন্ত সেক্রেতরী শ্রী লাব অগর্ৱালনা পুথোকখি অমদি মশা মশাগী রাজ্যশিংগীদমক পনখিবা অখন্নবা ইসুশিং অসিদা য়ুমফম ওইদুনা প্রাইয়োরিতী পীনবা রাজ্যশিংদা অমমমতা ওইনা হায়জখি৷ মীফম অদুগী মতমদা কোবিদকা চুনরবা শাজৎ চৎনবা অমদি কন্তেনমেন্ত মিজরশিং লৌখৎনবগী খোংথাংশিং অদু মীফম অসিদা অতেনবা প্রজেতেসন ওইনা রাজ্যশিংনা খঙহনখি৷ মীফম অদুদা রাজ্যশিংনা মোনিতরিং অমদি কন্তেনমেন্ত মেকানিজম মপাঙ্গল লৈহন্নবা লৌখৎলিবা খোংথাংশিংগী মতাংদা, কোবিদ-১৯ এপ্রোপ্রিয়েত বিহেবিয়রগী নোর্মশিং ইলহন্নবা লৌখৎলিবা খোংথাংশিংগী মতাংদা, ওমিক্রোন ভেরিয়েন্ত তেস্ত তৌবদা, তঙাই ফদবা হিদাক-লাংথকশিংগী স্তেতস য়েংশিনবদা, ফমুংশিংগী(নোর্মেল, ওক্সিজেন অমদি ভেন্তিলেতরশিং) স্তেতস য়েংশিনবদা অমদি ওক্সিজেন সপ্লাই ইক্ব্যুইপমেন্তগী মথৌ তৌরিবা অদু য়েংশিনবগী মতাংদা তেল্লপ্পা প্রজেন্তেসনশিং পীখি৷

অৱাং-নোংপোক লমদমদা লৈরিবা রাজ্যশিংগীদমক কোবিদ-১৯ লান্থেংননবা হেল্থ সেক্তরদা লৌখৎলিবা মরু ওইবা ইনিসিয়েতিবশিং অমদি প্রোগ্রামশিংসু হকশেল অমদি য়াইফ-য়ুম্বাল মন্ত্রালয়না পনখি৷ মীফম অসিদা খন্ন-নৈনখিবা মরু ওইবা ইসুশিংগী মনুংদা খরা অদু মখাদা লৈরে:

• চহি কাংলুপ ১৫-১৮ ফাওবগী মনুংদা লৈরিবা মীওইশিং মপুং-ফানা ভেক্সিন কাপথোকপা

• হোস্পিতাল/পি.ঐচ.সি.দা কোবিদ ফেসিলিতীশিংগা লোইননা এক্সত্রা ফমুংশিং হাপ্পা

• রাজ্যগী থাক্তা মোনিতর তৌবা

• রিএল তাইম বেসিস্তা কোবিদ কেসশিং রিপোর্ত তৌবা

• এক্সত্রা ফন্দ/ভেক্সিনশিংগীদমক রাজ্য সরকারনা হায়জরকপা

কোবিদ-১৯গী ফিভম অসি মাইয়োক্নবা ঙম্নবা তোঙান তোঙানবা থাকশিংদা পুন্না থবক তৌমিন্ননবা তুরিজম, কল্চর অমদি দোনরগী কেন্দ্র মন্ত্রী জি. কিসন রেদ্দীনা রাজ্যশিং অমদি লোকেল সরকারশিংদা তকশিনখ্রে৷ গৃহ মন্ত্রীগী লুচিং মখাদা, রাজ্যশিং অসিনা মাইয়োক্নরিবা ইসুশিং অসি লান্থেংনবা ঙম্নবগীদমক কোলাবোরেতিব ওইবা ইফোর্ত অমা শেমগৎনবা অমদি পীনবা তাস্ক ফোর্স অমা শেমগৎখ্রে৷

রাজ্যশিং অসিদা হেল্থ ইনফ্রাস্ত্রকচর শেমগৎনবগীদমক এন.ই.এস.আই.দি.এস. স্কিম অমদি ইমর্জেন্সী কোবিদ রেস্পোন্স পেকেজ(ই.সি.আর.পি.-ফেজ- II)কী মখাদা রাজ্যশিং অসিদা কাইথখিবা শিজিন্নদ্রিবা শেনফমশিং অদু শিজিন্ননবা কেন্দ্র মন্ত্রীনা অৱাং-নোংপোক রাজ্যশিংদা খঙহনখি৷ কোবিদ-১৯ মাইয়োক্নবা ঙম্নবা কেন্দ্রগী হকশেল মন্ত্রালয়না অৱাং-নোংপোক রাজ্যশিংদা কাইথখিবা ফন্দশিং অদু রাজ্যশিং অসিদা মেদিকেল সেতঅপশিং শেমগৎপগা লোইননা ফিল্দ হোস্পিতালশিং অমদি ওক্সিজেন সপোর্ত তৌবা ফমুংশিং শেমগৎতুনা মেদিকেল ইনফ্রাস্ত্রকচরগী ফিভম ফগৎহন্নবদা হেন্না প্রাইয়োরিতী পীবা য়াই হায়নসু মহাক্না ফোংদোকখি৷

অৱাং-নোংপোক লমদমদা লৈরিবা কোবিদকী ফিভম অসি চাং-নাইনা য়েংশিন্নবা মন্ত্রী অসিনা খঙহনখি অমদি হান্নগী ফিভমদা অমুক হন্না অথুবা মতমদা লাকহন্নবগীদমক হকশেল অমদি য়াইফ-য়ুম্বাল মন্ত্রালয়গা লোইননা রাজ্যগী অখন্নবা ইসুশিং লৌখৎকনি হায়না থাজবা পীখি৷ হৌজিক হৌজিক্কী ওইনা অৱাং-নোংপোক রাজ্য পুম্নমক্তা ফমুংগী কেপাসিতীশিং অমদি ওক্সিজেনগী স্তোক মরাং-কাইনা লৈরিবা অসিদা কেন্দ্রগী মন্ত্রীনা অপেনবা ফোংদোকখি অমদি লাইনা-লাইচৎ অসিগী অহুমশুবা ৱেব অসি মাইয়োক্নবা ঙম্নবা লমদম অসিনা দরকার ওইরিবা সপোর্ত পুম্নমক পীবদা অমদি কোবিদকা মরী লৈনবা ইনফ্রাস্ত্রকচর শেমগৎপদা দোনর মন্ত্রালয় অমদি নোর্থ ইস্ত কাউন্সিলনা প্রোএক্তিব ওইবা খোংথাংশিং লৌখৎলিবা অদু কেন্দ্রগী মন্ত্রীনা মশক খঙখি৷

*****

(रिलीज़ आईडी: 1789558) आगंतुक पटल : 186