روڈ ٹرانسپورٹ اورقومی شاہراہوں کے مرکزی وزیر جناب نتن گڈکری نے گوا کی ترقی کا حصہ بننے اور اسے ایک امیر اور خوشحال ریاست بنانے کا موقع ملنے پر خوشی کا اظہار کیا ہے۔ وہ گوا میں 3,840 کروڑ روپے کے چھ پروجیکٹوں کے افتتاح اور سنگ بنیاد کی تقریب کے بعد خطاب کررہے تھے۔ انہوں نے اس بات پر خوشی کا اظہار کیا کہ حکومت نے گوا کی ترقی پر 22,000 کروڑ روپے سے زیادہ خرچ کیے جب کہ ریاست کی جانب سے 15,000 کروڑ روپے کا مطالبہ کیا گیا تھا۔ انہوں نے پورٹ سے ہائی وے، ورنا پوری سے ساڈا کو جوڑنے والے 546 کروڑ روپے جیسے پروجیکٹوں کا سنگ بنیادرکھا اور اس سے متعلق منعقدہ تقریب کا افتتاح  بھی کیا۔

 

 

انہوں نے کہا کہ گوا میں تمام پروجیکٹوں پر کام کا معیار بہترین ہے۔ آج زوری برج پر نصب واچ ٹاورز کے بارے میں بات کرتے ہوئے انہوں نے کہا کہ یہ پل جدید ٹیکنالوجی کے استعمال کی بہترین مثال ہے۔

 

 

نتن گڈکری نے گوا کے سابق وزیر اعلیٰ منوہر پریکر اور گوا کو جدید شکل دینے کے لیے ان کی انتھک کوششوں کو بھی یاد کیا۔ عزت مآب وزیر نے اپنے پختہ یقین کا اظہار کیا کہ گوا میں ہوا، پانی اور صوتی آلودگی کو کم کرکے گوا کو ایک عالمی معیار کی آلودگی سے پاک ریاست میں تبدیل کیا جاسکتا ہے۔

 

 

انہوں نے کہا کہ "گرین ہائیڈروجن مستقبل کا ایندھن ہے اور ہم اس کے استعمال کو فروغ دینے کے لیے مسلسل کوشاں ہیں۔" انہوں نے مزید کہا کہ شمسی  توانائی اور ہوا سے پیدا ہونے والے ایندھن کو استعمال کرتے ہوئے گرین ہائیڈروجن کے پروجیکٹ لگانے کی کوششیں کی جا رہی ہیں۔

 

 

اس حقیقت پر اطمینان کا اظہار کرتے ہوئے کہ گوا میں ہر قسم کی صنعتیں لگ رہی ہیں اور اچھے معیار کی طبی سہولتیں پیدا ہو رہی ہیں، گڈکری نے زور دے کر کہا کہ اعلیٰ معیار کے منصوبے ملک کاسرمایہ ہیں۔

 

 

اس موقع پر گوا کے وزیر اعلیٰ ڈاکٹر پرمود ساونت، بندرگاہوں، جہاز رانی اور آبی گزرگاہوں کے مرکزی وزیر مملکت شری پد یشو نائک، راجیہ سبھا کے رکن ونے تندولکر اور کئی دیگر معززشخصیات موجود تھیں۔

 

 

آج مسٹر گڈکری نے درج ذیل پروجیکٹوں کا افتتاح کیا:

قومی شاہراہ نمبر 66 کے پترادیوی سے کرسواڑہ تک 18 کلومیٹر چار لین روڈ۔

قومی شاہراہ نمبر 66 کے 13 کلومیٹر تک کارسواد سے بامبولی تک چار لین روڈ۔

لوپ 1 روڈ جو گوا بندرگاہ کو جوڑتا ہے۔

مارگاؤں ویسٹ بائی پاس

گڈکری نے مندرجہ ذیل تین پروجیکٹوں کا بھومی پوجن کیا۔

موپا ہوائی اڈے کو جوڑنے والی قومی شاہراہ نمبر 1665 کی تعمیر۔

دریائے زوری  کےپل پر واچ ٹاورز کی تعمیر۔

مرکزی بنیادی ڈھانچہ سہولت فنڈ کے تحت سڑک کے چھ مختلف منصوبے۔

 

 

****************

 

 

(ش ح ۔ س ک۔ ف ر )

U-302

(Release ID: 1789081) Visitor Counter : 174