এন.ই.আর.সি.ও.আর.এম.পি., চুরাচান্দপুর দিস্ত্রীক্ত, মনিপুর

মিস্ত্রেস লহিংখোহোই, চহি ৪৩ শুরবী, দি. বাইসোন খুঙ্গংদগী  এন.ই.আর.সি.ও.আর.এম.পি. III প্রোজেক্তনা পুখৎপা এন.এ.আর.এম.জি.কী এক্তিব মেম্বর অমনি। মহাক মহাক্কী মপুরোইবা অমসুং মচা মঙাগা লোয়ননা পুন্না হিংমিন্নৈ। মহাক্কী ইমুংনা খুঙ্গং অসিদা খ্বায়দগী লায়রবা ইমুং ওইরি। অতোপ্পা য়ুম্থোং খুদিংনা লৌউ-শিংউবদা হোৎনজরবসু, মহাক্না মহাক্কী পুন্সিবু ফিশা-লোনশা তৌদুনা হিংজরি অমসুং মহাক্কী ইমুং পুজরী। অদুম ওইনমক, রো মেতরিএল লৈননবা ফন্দ তঙাইফদবা লৈবনা, ৱিবিং সাইকল অমগী মতুংদা থবক মখা চৎথবা অসি অচৌবা অৱাবা মায়োক্নবা অমনি। মসিগী মথক্তা, ফিশাকোনশিং অসি লিরে অমসুং থবকশিং অপাম্বা মওংদা চংশিনবা ঙমদ্রি। মসিনা অচৌবা মরম অমা ওইরদুনা, মহাক্না মহাক্কী থবক্তা নিংথিনা পায়খৎপা ঙমদে অমসুং অতৈ অতোপ্পগা লোয়ননা তপ্না লৌউ-শিংউবদা চৎপা তারক্লি।       

এন.ই.আর.সি.ও.আর.এম.পি. প্রোজেক্ত হেক হৌদোরকপদগী, ২০১৪দা মহাক্না মহাক্কী খুঙ্গংদা অমুক হিঙ্গৎখি, মহাক্কী হৈ-শিংবা অমসুং মমাংদা লৈখিবা খুলোইখিবশিংনা মরম ওইদুনা মহাকপু  হেন্দ লুমগী বেনিফিসরী ওইনা খনগৎখি। প্রোজেক্ত অসিনা এন.এ.আর.এম.জি.গী মখাদা অমুক হন্না ফিশাবগী ব্যুজিনেস হৌনবা  লুপা ১৫,০০০/-গী মতেং পীখি। মহাক্না ফংলক্লিবা শেনফম অসিনা মহাক্না অনৌবা ফিশাকোন অমা অমসুং মচাকশিং লৈখি। হৌজিক্তি, মহাক্না শেন-থুমগী অৱাৎপা অমত্তা লৈতনা মহাক্কী ব্যুজিনেসপু য়াম্না থৱায় য়াওনা চৎথরি অমসুং মহাক্কী ব্যুজিনেসকী মতেং ওইনবা শেলসু তুংশিনবা ঙম্লে। মহাক্না মহাক্কী ব্যুজিনেস্তগী থাদা চাওরাক্না লুপা ৭,০০০/- তানবা ঙম্লি অমসুং মসিগী মথক্তা মহাক্না মচা মচাশিং স্কুল চৎপগী চাক পিজবা ঙম্লি অমসুং অনৌবা গ্যাস স্তোব অমসুং উপু অমসু লৈবা ঙম্লে। মহাক্না য়াম্না থাগৎপা ফোংদোরক্লি অমসুং ইমুংবু হেন্না নিংথিনা য়েংশিনবা ঙম্লে, অমসুং থবক অসিনা মহাকপু মতেং পীবা ঙম্লে।        

***

(Release ID: 1788353) Visitor Counter : 146