এগ্রীকলচর অমসুং ফার্মরস ৱেলফিয়রগী কেন্দ্রগী মন্ত্রী শ্রী নরেন্দ্র সিংহ তোমার অমসুং তুরিজম, কলচর অমসুং দিবলপমেন্ত ওফ নোর্থ ইস্তর্ন রিজন (দোনর)গী কেন্দ্রগী মন্ত্রী শ্রী জি. কিশন রেদ্দীনা ঙসি নোর্থইস্তর্ন রিজন (এন.ই.আর.)গী রাজ্যশিংদা লৌউ-শিংউবগী সেক্তরদা ভারত সরকারনা পায়খৎলিবা মখল কয়াগী স্কীমশিং য়েংশিন্নবা নই দিল্লীগী, বিগ্যান ভবনদা ফম্বা মীফম অমদা ভর্চুএল ওইনা ময়াই তাংবল লৌখ্রে।

দোনরগী রাজ্যগী কেন্দ্রগী মন্ত্রী শ্রী বি. এল. বর্মা অমদি অৱাং-নোংপোক রাজ্য ৮গী লৌউ-শিংউবগী মন্ত্রী পুম্বনা মীফম অসিদা শরুক য়াখি। এন.ই.আর. রাজ্যশিংদগী সেক্রেতরী, দোনর, সেক্রেতরী, এগ্রীকলচর সেক্রেতরীশিং লোয়ননা মিনিস্ত্রী অমসুং মখোয়গী ওর্গানাইজেসন অনিমক্কী মকোক থোংবা ওফিসেলশিংনা মীফম অসিদা শরুক য়াখি।

অৱাং-নোংপোক রাজ্যশিংদা ৱা ঙাংলদুনা, এগ্রীকলচর অমসুং ফার্মরস ৱেলফিয়রগী কেন্দ্রগী মন্ত্রী শ্রী নরেন্দ্র সিংহ তোমারনা থাজবা পীখি মদুদি এন.ই.আর.গী মফমশিংদা লৈরিবা লৌমীশিংগী ইনকম শরুক অনি থোক্না হেনগৎনবা ভারত সরকারগী কেন্দ্রনা অঙম্বা মখৈ হোৎনগনি। মহাক্না হায়খি, “ঐখোয়না মতম পুম্বা থোঙ হাংদুনা লৈরি। ঐহাক্না রাজ্য সরকার পুম্বদা হায়জরি মদুদি করিগুম্বা এগ্রীকলচরগী সেক্তরদা পায়খৎলিবা স্কীমশিং অসিদা থেংনবা অৱাবশিং হায়বিরকউ”।  

শ্রী তোমারনা হায়খি মদুদি প্রধান মন্ত্রী শ্রী নরেন্দ্র মোদীনা অৱাং-নোংপোক্কী লমদমশিং চাওখৎনবা অখন্নবা মিৎয়েং থম্মী। ওইল পাল্ম সেক্তরদা খুদোংচাবা লৈরিবশিংদা ৱা ঙাংলদুনা শ্রী তোমারনা হায়খি মদুদি আই.সি.এ.আর.না ফোংদোক্লি মদুদি অৱাং-নোংপোক্কী লম হেক্তর লাখ ৯ ওইল পাল্ম থাবদা চুনৈ। ওইল পাল্ম পুথোকপা মরম্না অৱাং-নোংপোক লমগী লৌমীশিংদা য়াম্না চাউনা কান্নবা পীরগনি, থবক কয়া অমা পীরগনি অমসুং ওইল পাল্ম পুশিল্লকপা হন্থহল্লগনি। অসুম্না অৱাং-নোংপোক্না ভারতপু চাননবা থাও মরোমদোম পুথোকপদা চাউরবা থৌদাং অমা লৌরগনি।   

মন্ত্রীনা হায়খি অৱাং-নোংপোক্কী রাজ্যশিং খক্তা পুথোকপা হোর্তিকলচর অমসুং মেদিসিনেলগী ওইবা মহৈ-মরোং খরা লৈরি। অসিগুম্বা মহৈ-মরোংশিং অসি মপালদা পুথোকপা য়াবগী য়াম্না চাউবা খুদোংচাবা লৈরি। মহাক্না হায়খি মদুদি এগ্রীকলচর অমসুং কম্মর্স মন্ত্রীনা অসিগুম্বা খুদোংচাবা অসি ফংনবা অমসুং অৱাং-নোংপোক্কী রাজ্যশিংনা থেংনরিবা অৱাবশিং অসি কোক্ননবা পুন্না থবক তৌমিন্নরি। 

এগ্রীকলচর মন্ত্রীনা রাজ্য সরকারদা মহৌশাগী ওইবা লৌউদা মিয়েং চংনবা হায়জরি। মহাক্না হায়খি মদুদি প্রধান মন্ত্রীগী মিয়েং জেরো বদজেত নেচুরেল ফার্মিংগী খুত্থাংদা লৌমীশিংনা পোৎ লৈবদা অৱাবা ওইরিবা অসি হন্থহন্নবা হায়রিবা অসিনা মহৌশাগী ওইবা লৌউগী খুত্থাংদা লৈবাক লৈহাও ফগৎহন্দুনা থায়নদগী চৎনরক্লবা লৌউ ওইহনগনি। মহাক্না সিক্কিম অমসুং অতৈ অৱাংগী রাজ্যশিংবু মখোয়না ওর্গানিক লৌউদা মায় পাকপদা হরাওবা ফোংদোকখি।

তুরিজম, কলচর অমসুং দিবলপমেন্ত ওফ নোর্থ ইস্তর্ন রিজন (দোনর)গী কেন্দ্রগী মন্ত্রী শ্রী জি. কিশন রেদ্দীনা ৱা ঙাংবদা ফোংদোকখি মদুদি নোর্থ ইস্তর্ন রিজনগী এগ্রীকলচর মন্ত্রালয় স্কীমশিং অসি সেচুরেতেৎ ওইরে অমসুং অসিগুম্বা অখন্নবা মওং অসিবু কোকহন্নবা অমসুং নোর্থ ইস্তর্ন রিজন্দা থেংনরিবা অৱাবশিং অসিদা হেন্না নিংথিনা পাংথোক্নবা লৌউ-শিংউবগী মন্ত্রালয়, দোনর অমসুং রাজ্য সরকারশিংদগী মীহুৎশিং য়াওনা তাস্ক ফোর্স অমা শেমগদবনি।

মন্ত্রীনা হায়খি মদুদি এগ্রীকলচর অমসুং তুরিজম ইন্দস্ত্রীদা থবক ফংনবগী খুদোংচাবা য়াম্না লৈরি। মহাক্না হায়খি মদুদি প্রধান মন্ত্রীনা অৱাং নোংপোক অসি ওর্গানিক লৌউগী মফম অমা ওইনবা মিয়েং থম্বগী মরুওইবা পীরি। মখা তানা, মফম অসিদা হোর্তিকলচর চাউখৎহন্দুনা লমদম অসিগী শেন্মিৎলোন্দা য়াম্না চাউনা মতেং পীনবগী ওইথোকপা লৈরি। কিহোম, কোম্লা, কিৱি নত্ত্রগা য়াইঙং, শিং, ইলাইচীনচিংবা স্পাইসেস ওইবা য়াই। অৱাং নোংপোক রাজ্যশিং অসি মার্কেত্তা মমিং লৈবা হেনগৎলক্লি হায়রিবা অসিনা হৌজিক্তি মালেমগী থাক্তা পুখৎপা মথৌ তারে। মহাক্না হায়খি মদুদি এগ্রীকলচরেল অমসুং হোর্তিকলচরনা পুথোকপা ভেল্যু চেন মপাঙ্গল কনখৎহনবদা মিৎয়েং থম্বা মথৌ তারে। মহাক্না হায়খি মদুদি এফ.পি.ও.এস., এস.ঐচ.জি.এস. অমসুং লনাইগী সেক্তরশিং য়াওশিনহন্দুনা পোস্ত-হার্বেস্ত মেনেজমেন্তসু মথৌ তারি।  মসি ঐখোয়গী লৌমীশিংগী ইনকম শরুক অনি থোক্না হেনগৎহনবদা য়াম্না মরু ওইবা খোঙথাং অমনি। মসিদা কেন্দ্রগী লৌউ-শিংউবগী মন্ত্রালয়, মরী লৈনবা মন্ত্রালয়শিং অমসুং অৱাং নোংপোক রাজ্য পুম্বা পুন্না চৎমিন্নগদবনি।    

মীফম অসিদা, এন.ই.আর.গী রাজ্যশিংগী এগ্রীকলচর সেক্তরগী মন্ত্রালয়না  চলায়বা মপুং ওইবা খোঙথাংশিং/প্রোগ্রামশিংগা ব্রিফ প্রজেন্তেসন লৌউ-শিংউবগী মন্ত্রালয় অমসুং এন.ই.আর.গী রাজ্য ৮ পুম্বগী সেক্রেতরীশিংনা শেমখি। মীফম অসিগী মনুংদা খন্নখিবা মরুওইবা স্কীম/প্রোগ্রামশিং মখাদা পীরি:

• মিসন ওর্গানিক ভেল্যু চেন দিবলপমেন্ত ফোর নোর্থ ইস্তর্ন রিজন্স (এম.ও.ভি.সি.দি.এন.ই.আর.)
• নেস্নেল মিসন ওন ইদিবল ওইলস – ওইল পাল্ম (এন.এম.ই.ও.-ও.পি.)
• বেম্বু ইন নোর্থ ইস্ত রিজন
• দ মিসন ফোর ইন্তিগ্রেতেদ দিবলপমেন্ত ওফ হোর্তিকলচর (এম.আই.দি.ঐচ.)

অরুনাচল প্রদেশ, আসম, মনিপুর, মঘালয়, মিজোরম, নগালেন্দ, সিক্কিম অমসুং ত্রিপুরাগী অৱাং-নোংপোক রাজ্যশিংগী লৌউ-শিংউবগী মন্ত্রীশিংনা মখোয়না থেংনরিবা ইশুশিং অমসুং অৱাবা থেংনরিবশিং মরীক চুম্না খন্ন নৈনখি।

নোর্থ ইস্তর্ন দিবলপমেন্ত ফাইনান্স কোরপোরেসন লিমিতেদ (এন.ই.দি.এফ.আই.), ত্রাইবেল কো-ওপরেতিব মার্কেতিং দিবলপমেন্ত ফেদেরেসন ওফ ইন্দিয়া লিমিতেদ (ত্রিফেদ) অমসুং দ নেস্নেল এগ্রীকলচরেল কোওপরেতিব মার্কেতিং ফেদেরেসন ওফ ইন্দিয়া লিমিতেদ (নাফেদ)গুম্বা ওর্গানাইজেসনগী ওফিসিএলশিংনা নোর্থইস্ত রিজনদা মখোয়গী ওর্গানাইজেসন্না লৌখৎখিবা থবকশিংদা প্রজেন্তেসনসু পীখি। ফুদ প্রোসেসিং মন্ত্রালয়গী ওফিসিএলশিংসু শরুক য়াখি অমসুং নোর্থইস্ত রিজনদা ফংহল্লিবা স্কীম মখল কয়াগী প্রজেন্তেসনসু পীখি।

*****

(Release ID: 1788200) Visitor Counter : 117