অৱাং নোংপোক লমদমগী চাউখৎ-থৌরাং মন্ত্রালয়
এন.ই.আর.সি.ও.আর.এম.পি. ইন্তর্ভেন্সনগী খুত্থাংদা পুরকখিবা মায় পাকপগী ৱারী
নুপীশিংগী মপাঙ্গল হাপ্পাঃ মীখা পোল্লম্বদগী মনিং তম্লকপা, থৌদাং খঙবা মমা অমগী ৱারী
প্রোগ্রাম অসি দোনর মন্ত্রালয়গী মখাদা লৈবনি
Posted On:
05 JAN 2022 3:06PM by PIB Imphal
ভারত সরকারগী অৱাং-নোংপোক লমদম চাউখৎপগী মন্ত্রালয় (এম.দোনর)গী মখাদা লৈবা নোর্থ ইস্তর্ন কাউন্সিল (এন.ই.সি.)গী মিৎয়েং মখাদা রেজিস্তর তৌবা সোসাইতী, এন.ই.আর.সি.আর.এম.এস.না নুপীশিংদা তুং কোইনা চৎপা পুন্সি মহিং শেমজনবা খুদোংচাবা ফংহন্দুনা নুপীশিংবু মপাঙ্গল হাপ্পগী পাম্বৈ শিনখ্রে।
![](https://static.pib.gov.in/WriteReadData/userfiles/image/image001RGAL.jpg)
![](https://static.pib.gov.in/WriteReadData/userfiles/image/image002BUMB.jpg)
চহি ২৮ শ্রীমতি কুমারী ভভাহনা মহাক্না ফংখিবা গ্রান্তকী মতেংদগী মশাগী পিগগরীবু পাক চাউথোকহনখি। প্রোজেক্ত অসিগী অপুনবা মতমগী মনুংদা, মহাক্কী লোইবা ওক মশিংনা ৫দগী ৩০দা হেনগৎখি। শ্রীমতি ভভাহ অসি অঙাং অনিগী মমা অমসুং উ ললোনবা, শ্রী সৈখোগিন বাইতেগী লোইনবীনি। মহাক্না ওক য়োনবদগী ফংবা শেনফম্বু মহাক্কী য়ুম শানবা অমসুং ওক মকোন চাউথোকহনবা চঙগদবা জি.আই. শীত অমসুং অতোপ্পা পোৎলমশিং, মফি-মরোল, ওক মচিঞ্জাক অমসুং নোংমগী তঙাইফদনা চঙবা পোৎলমশিং লৈবদা শিজিন্নখি। মহাক্না ওক মচা খরসু লৈশিন্দুনা মহাক্কী অপুনবা ওক মশিংবু ৩৫ (মচা পোক্লিবী ওক ২, মশা নোইবা ওক ১৮ অমসুং ওক মচা ১৫) য়ৌহনখি।
শ্রীমতি ভভাহনা প্রোজেক্ত অসিদগী ফংখিবা শেলগী তেংবাং অমসুং মহাক্কী কারবার অসিবু হৌদোক্নবগীদমক্তা মহাক্কী মপুরোইবা অমসুং মকুবোক্তগী ফংখিবা অহেনবা তেংবাং অমসুং ওক মচা ৫ অসিদা নুংঙাইজবা পোকচৈ। মহাক্না থা তরেত খুদিংগী মহাক্কী ওক মচাশিংবু অমমমদা লুপা ১৪,০০০দা (চাংচৎকী মমল) থাক খায়না য়োনখি অমসুং মহাক্না হৌজিক ফাওবদা ওক ৩০ য়োনখ্রে। ওক লোয়বগী কারাবার চাউথোক্নবা অমসুং ওক মচা পোখনবগী থৌওং হেনগৎহনবগী তঙাই ফদবা লৈরকপা মতমদা ওকশিংবু তীকা কাপ্পগী লৌশিং হেন্না তানবগী তঙাই ফদবা লৈবগী মতাংদা মহাক্না ৱাফম থম্লকখি। “কারবার অসি য়াম্না নুংঙাই অমসুং ওক পাম্বগী চাংসু য়াম্না ৱাংই। ঐহাক্না খল্লিবদি, মথংগী চহি অনিদা ওক মশিং ৫০-৬০ হেনগৎহনবা অসিনি”।
মহাক য়াম্না হরাওখি অমসুং য়াম্না চাউথোকচবগা মকা লাম্না নোক্লদুনা লোয়ননা অসুম্না হায়রকখি, “ঐহাক্না ওক লোইদুনা তাঞ্জবা শেলদগী সনাগী লিক অমা শাবা ঙমজরে”।
মহাক্না তৌবীমল খঙবা উৎলদুনা অসুম্না ফোংদোকখি, “ঐহাক্না এন.ই.আর.সি.ও.আর.এম.পি. চান্দেলগী সেন্তর ফোর ৱিমেন অমসুং গর্ল্স অমসুং মরু ওইনা, ঐহাক্কী খুঙ্গং নারমগকী অহলশিংদা অসিগুম্বা খুদোংচাবা পীবীবগীদমক্তা থাগৎচরি। হৌজিক্তি, ঐহাক্কী লেঙদবা শেন্থোক লৈরে অমসুং ইশাদা হান্নদগী হেন্না শাফরে অমসুং ইনিং তম্লে হায়বা ফাওরে। ঐহাক্না শেলগীদমক্তা ঐহাক্কী ইপুরোইবদা হায়দ্রবসু য়ারে”।
**********
(Release ID: 1787676)
Visitor Counter : 253