অসমগী মায় পাকপগী ৱারী

লৈবাক অমনা চাউখৎপসি মদুগী শেন্মিৎলোনগী মখা পোল্লি হায়না তত্তনা হায়নবা লৈ। অদুবু, লৈবাক অমগী মায় পাকপগী চাং ওনবগী তসেংবা হীরমদি লৈবাক শেম্বগী থৌওংদা নুপীশিংনা মতৌ করম্না শরুক য়াবগে হায়বসিনি অমসুং মসিগা মরী লৈননা হায়নবা অমসু লৈরিবনি, “নুপী অমা শেম্বীবদা লৈবাক শেম্বা ওইগনি”।

মসিগী কেস স্তদী অসিনা অসমগী দরং জিলাগী নুপীশিংনা মখোয়গী জল জীবন মিসন (জে.জে.এম.)গী থবক পায়খৎপশিংদা মখোয়না শরুক য়াদুনা করম্না খুদম থম্বগে উৎলি।

অৱাং-নোংপোক্কী গেতৱে, গুৱাহাতীগা নক্ননা মফম চানা লৈরিবা অসিনা মরম ওইদুনা মশাগী ইনাক খুল্লবা নাৎকী হেরিতেজ লৈরিবা অসমগী দরং জিলানা অসমগী সোসিও-কলচরেলগী শক্তমদা মরু ওইবা ফম অমা কল্লি। অদুবু, জিলা অসি মসিগী মীয়াম্না খনবগী মতৌগুম্না চাউখৎপদি ওইদে। চাউখৎপা তপ্পনা মরম ওইদুনা, জিলা অসিনা হীরম কয়াদা শোত্থরি। মসিগী চাউখৎ-থৌরাংবু অতোপ্পা জিলাশিংগা মান্নহন্নবগীদমক্তা, দরং জিলা অসিবু নিতি আয়োগকী এস্পিরেস্নেল দিস্ত্রিক্ত প্রোগ্রামগী মনুং চলহনখ্রে।

দরংনা থেংনরিবা খুদোংচাদবা কয়াগী মনুংদগী অমা ওইরিবদি, মসিগী খুঙ্গংগী লমদমশিংদা থক্নবা অশেংবা ঈশিং ফংদবা অসিনি। দরংগী ঈশিং অসি অর্সেনিক য়াওবগী শিংনবা কয়ানা শোকহল্লি। মসিনা ঈশিং অসিবু হকথেংননা থকপদা খুদোংচাদবা কয়া থোকহল্লি। মসিদা অমুক্কা অৱাবা হাপ্লিবসি, তোয়না ঈশিং চাউবা অসিনি।

অসম সরকারনা জল জীবন মিসন হৌদোকখিবগা লোয়ননা থৌরাং অসিবু রাজ্যসিদা ‘ঘারে ঘারে বিশুধা পানি’গী (য়ুম্থোং খুদিংদা অশেংবা তোতি ঈশিং ফংহনবা) মোতোগা লোয়ননা পাক শন্না থবক পায়খৎখি। ইমপ্লিমেন্তেসন সপ্পোর্ত এজেন্সী (আই.এস.এ.)না মিসন অসিগী ফ্রেমৱর্ক্কী শরুক অমা ওইনা মসিগী থবক পায়খৎপশিংবু গ্রাসরুত লেভেলদা শৌগত্তুনা লাক্লি। ধুলিকোনা ফাউন্দেসন অসি অসমদা থবক তৌরিবা অসিগুম্বা আই.এস.এ. অমনি।

ধুলিকোনা ফাউন্দেসন্না মসিন অসিবু দরং জিলাদা মমুৎ তানা অমসুং পরিং চুম্না পায়খৎপগী থৌদাং য়ারি। মখোয়না গ্রাম পঞ্চায়ত  (জি.পি.) ৯গী খুঙ্গং ৬০দা থবক তৌরি। জি.পি. ৯গী মনুংদগী ৭তি নুপী প্রসিদেন্তনা লুচিংই হায়বসি তাবদা য়াম্না নুংঙাইবা ৱারীনি। ধুলিকোনা ফাউন্দেসন্না প্রোগ্রাম অসিগী শরুক অমা ওইনা, পি.আর.আই. মেম্বর, গাও বুরহাস, পি.ঐচ.ই.দি.গী মীহুৎ অমসুং খুন্নাইগী অতোপ্পা মেম্বরশিংগা লোয়ননা জি.পি. ওফিস খুদিংদা শক্তাকপগী মীফম পাংথোকই। জি.পি.গী প্রসিদেন্ত, মরু ওইনা নুপী প্রসিদেন্তশিংনা মীফমশিংবু লুচিংদুনা মিসন অসিবু মখোয়গী গাও পঞ্চায়তশিংদা থবক ওইনা পায়খৎপদা থৱাই য়াওনা থৌদাং য়াবগী মতৌ উবদা পুক্নিং য়াম্না থৌগৎনিংঙাই ওই।

খুঙ্গংগী মফম অয়াম্বদা নুপীশিংনা য়ুম্থোং খুদিংগী ঈশিং শেন্নবা মীওই ওইনৈ অমসুং থক্নবা অশেংবা ঈশিং ফংদবনা মখোয়দা খুদোংচাদবা কয়া পোকহল্লি, অমসুং হায়রিবা ঈশিংদুদা অর্সেনিক য়াওবা মতমদনা খুদোংচাদবশিং হেলহল্লি। মখোয়না থেংনবা অৱাবশিংনা মরম ওইদুনা, মখোয়গী য়ুমশিংদা থক্নবা অশেংবা ঈশিং তঙাই ফদনা ফংবগী মতাংদা নুপীশিংনা হেন্না থৱাই চঙই। দরং শিনবা থুংবগী নুপীশিংগা ৱারী শাবা মতমদা, অয়ানবা অমসুং ফত্তবা ঈশিংনা মখোয়দা অমসুং অঙাংশিংদা ওইহল্লকপা য়াবা খুদোংথীবা কয়াগী মতাংদা নুপীশিংনা হেন্না খঙই হায়বসি খঙবা ঙমখি। অহোংবা অমা পুরকপগী মতাংদা মখোয়না অতৈনা ফাওবগুম্না চপ মান্নবা ৱাখল্লোন ফাওই।

য়ুম্থোং খুদিংদা অশেংবা অমসুং তেক্ত কায়দবা থক্নবা ঈশিং ফংহনবগী পান্দমগা লোয়ননা, জল জীবন মিসন্না খুঙ্গংগী মফমশিংগী থাক কয়াদা লৈবা নুপীশিংদা কান্নবা ফংহল্লি। মসিনা মখোয়গী ইমুংদা অফবা ঈশিং ফংহনবতা নত্তনা মখোয়না ঈশিং থিবদা থেংনবা অৱাবা কয়াদগী কল্লি। মসিনা মরম ওইরগা, মখোয়না অতোপ্পা কান্নবা থবকশিংদা মায় ওনশিনবগী খুদোংচাবা কয়া অমুক ফংহল্লি। দরংগী জি.পি. প্রসিদেন্ত অয়াম্বসি নুপীনা ওইবা অসিনা, লমদমশিং অসিদা ঈশিংগী ৱারোইশিন কয়া পুরকপদা য়াম্না তেংবাংই।

ধুলিকোনা ফাউন্দেসন্দা পীখিবা খুঙ্গং খুদিংদা কম্ম্যুনিতী অমসুং ক্লস্তর মীফম পাংথোক্লি। ধুলিকোনা ফাউন্দেসনগী ফিল্দ কো-ওর্দিনেতরশিংগা লোয়ননা জি.পি. প্রসিদেন্তশিংনা মীফমশিং অসিগী থৌরাং য়াৎপদা অচৌবা থৌদাং য়ারি। জি.পি. প্রসিদেন্তশিংনা তাঞ্জা কয়াদা মীফমশিং অসিদা লুচিংদুনা নীংথিজনা মায় পাকহল্লি। প্রসিদেন্তশিংনা থৱাই য়াওনা থৌদাং য়াবদগী নুপী ৱার্দ মেম্বরশিংদা মখোয়গী মরী লৈনবা মফমশিংদা পাংথোকপা মীফমশিংদা লুচিংনবা পুক্নিং থৌগৎপগী ফিভম কয়াসু লৈরি। মসিনা মরম ওইদুনা, মীফম কয়াগী ৱারেপ লৌবদা নুপীশিংনা শরুক য়াবগী চাং হেনগৎপগী ফিভম কয়া উবা ফংখি।

জি.পি. প্রসিদেন্ত অমসুং ৱার্দ মেম্বরশিংনা হোৎনরিবা কয়া অসিনা খুঙ্গংগী মীয়ামদা জল জীবনগী মিসনগী পান্দম খঙহনবদা য়াম্না তেংবাংখি। হৌজিক্তি, মখোয়না ভিলেজ ৱাতর সেনিতেসন কম্মিতী (ভি.দবল্যু.এস.সি.) অমসুং ৱাতর য়ুজর্স কম্মিতী (দবল্যু.য়ু.সি.)গী মথৌ অমসুং কান্নবগী মতাংদা খঙলে। হায়রিবা স্কিমশিং অসিগী ভি.দবল্যু.এস.সি. অমসুং দবল্যু.য়ু.সি. শেম্নবা খুন্নাইগী মীওইশিংসু মখোয়না শিজিন্নরে। মিসন অসিগী মায় পাকপসি নুপীশিংনা ওইহনবনি হায়বসিদা থোইদোক্না হেঞ্জিল্লি হায়বা য়ারোই। মিসন অসিগী মপুং ওইবা ৱাখল্লোন্দি খুন্নাইগী মীওইশিংনা শরুক য়াবা ওইবনিনা, নুপীশিংনা থৱাই য়াওনা শরুক য়াবা হেনগৎলকপা অসিনা মসিগী মায় পাকপগী খুদম্নি। জে.জে.এম.না “হর ঘর জল” ওইথোকহন্নবা নুপীশিংনা শরুক য়াবগী প্লেৎফোর্ম অমা পীরবনি।

****

(Release ID: 1787359) Visitor Counter : 216