مرکزی حکومت نے صارفین کے تحفظ کے قانون  2019 کی دفعہ 94 کے ساتھ پڑھے گئے دفعہ 101 کی ذیلی دفعہ (2) کی شق (زیڈ جی)  کے ذریعہ عطا کئے گئے اختیارات کا استعمال کرتے ہوئے صارف کے تحفظ (براہ راست فروخت) ضابطہ ،2021 کو مشتہر کیا ہے۔

یہ ضابطے براہ راست فروخت کے ذریعے   خریدے یا فروخت کئے گئے تمام سامان  اور خدمات پر اطلاق ہوں گے۔ اس کے علاوہ  براہ راست فروخت کرنے کے تمام ماڈلز، بھارت میں صارفین کو سامان اور خدمات کی پیشکش کرنے والی تمام براہ راست فروخت کرنے والی کمپنیوں ، براہ راست فروخت کرنے کے تمام ماڈلز میں غیر منصفانہ تجارتی طریقوں کی تمام شکلوں اور براہ راست فروخت کرنے والی کسی کمپنی کے لئے بھی  قابل اطلاق ہوگی جو ہندوستان میں قائم نہیں ہے لیکن ہندوستان میں صارفین کو سامان یا خدمات کی پیشکش کرتا ہے۔

براہ راست فروخت کرنے والی موجودہ کمپنیوں کو سرکاری گزٹ میں ان قواعد کی اشاعت کی تاریخ سے 90 دنوں کے اندر ان  قوانین  کی تعمیل کرنے کی ضرورت ہے۔

براہ راست فروخت کرنے والوں کے ساتھ ساتھ فروخت کے لیے ای کامرس پلیٹ فارم  کا استعمال کرنے والی براہ راست فروخت کرنے والی کمپنیوں  کو صارف کے تحفظ (ای کامرس) ضابطوں، 2020 کے تقاضوں کی تعمیل کرنا ہوگی۔

براہ راست فروخت کرنے والی کمپنی اور براہ راست فروخت کرنے والوں کو حسب ذیل باتوں سے ممنوع کیا گیا ہے :

(i) کسی بھی پیرامڈاسکیم کو فروغ دینا یا  اس طرح کی کسی اسکیم  میں کسی شخص کو شامل کرنا یا براہ راست فروخت کے کاروبار کو جاری رکھنے کی آڑ میں کسی بھی طریقے سے اس طرح کے انتظامات میں شامل ہونا؛

(ii) براہ راست فروخت کے کاروبار کی آڑ میں رقم کی  سرکولیشن کی اسکیم میں شرکت۔

ریاستی سرکار کے ذریعہ نگرانی کے لئے ضابطے کی فراہمی – ہر ریاستی سرکار ایک طریقہ کار وضع کرے گی تاکہ براہ راست فروخت کرنے والوں اور براہ راست فروخت کرنے والی کمپنیوں کی سرگرمیوں کی نگرانی کی جاسکے ۔

قواعد براہ راست فروخت کرنے والی کمپنیوں کے لیے کچھ ذمہ داریوں کو متعین کرتے ہیں جن میں، دیگر چیزوں کے ساتھ  منجملہ  شامل ہیں:-

(i) کمپنیز ایکٹ، 2013 کے تحت کارپوریشن یا اگر کوئی پارٹنرشپ فرم، پارٹنرشپ ایکٹ، 1932 کے تحت رجسٹرڈ ہے، یا اگر محدود ذمہ داری  شراکت داری ،محدود جواب دہی شراکت داری قانون ، 2008 کے تحت رجسٹرڈ ہے؛

(ii) ہندوستان میں کم از کم ایک جگہ اس کے رجسٹرڈ دفتر کے طور پر کام کرنا

(iii) اس سلسلے میں خود اعلان کریں کہ براہ راست فروخت کرنے والی کمپنی  نے براہ راست فروخت کرنے کے ضابطوں کی شقوں کی  تعمیل کی ہے اورکوئی   پیرامڈ اسکیم یا منی سرکولیشن اسکیم میں شامل نہیں ہے؛

(iv) اس کے براہ راست فروخت کنندگان کے ساتھ پیشگی تحریری معاہدہ ہو جو انہیں اپنے سامان یا خدمات کو فروخت کرنے یا پیش کرنے کا اختیار دیتا ہو، اور ایسے معاہدے کی شرائط منصفانہ اور مساوی  ہوں گی۔

(v) اس بات کو یقینی بنائیں کہ اس کے تمام  براہ راست فروخت کرنے والوں  نے شناخت اور فزیکل پتوں کی تصدیق کردی ہے اور اس طرح کے براہ راست فروخت کرنے والوں کو ہی شناختی کارڈ اور دستاویزات جاری کئے ہیں ۔

(vi) اس بات کو یقینی بنانے کے لیے مناسب حفاظتی اقدامات کریں کہ ڈائریکٹ سیلنگ وینڈرز کے ذریعہ فراہم کردہ سامان اور خدمات قابل اطلاق قوانین کے مطابق ہوں؛

(vii) اس کے براہ راست فروخت کرنے والوں کی جانب سے سامان یا خدمات کی فروخت کے نتیجے میں موصول ہونے والی شکایتوں کے لئے  ذمہ دار ہوں گے۔

(viii) ہر براہ راست فروخت کرنے والی کمپنی  اپنی ویب سائٹ پر واضح اور قابل رسائی انداز میں درج ذیل معلومات فراہم کرے گی:

براہ راست فروخت کرنے والی کمپنی کا رجسٹرڈ نام؛

براہ راست فروخت کرنے والی کمپنی اور اس کی شاخوں کا رجسٹرڈ پتہ؛

رابطہ کی تفصیلات، بشمول ای میل ایڈریس، فیکس، لینڈ لائن اور اس کی کسٹمر کیئرسروس اور شکایات کے ازالے کے افسران کے موبائل نمبر؛

درج کی گئی ہر شکایت کے لیے ایک ٹکٹ نمبر جس کے ذریعے شکایت کنندہ شکایت کی صورتحال کے بارے میں پتہ کرسکتا ہے۔

واپسی، رقم کی واپسی، تبادلے، وارنٹی اور  گارنٹی ، ترسیل اورشپ منٹ، ادائیگی کے طریقے، شکایات کے ازالے کا طریقہ کار اور اس طرح کی دیگر  شکایتو ں سے متعلق معلومات جو کہ صارفین کو باخبر فیصلہ کرنے کے لیے ضروری ہو سکتی ہے۔

دستیاب ادائیگی کے طریقوں کے بارے میں معلومات، ان ادائیگی کے طریقوں کی سیکیورٹی، صارفین کی طرف سے قابل ادائیگی فیس یا چارجز، ان طریقوں کے تحت ادائیگی کی منسوخی کا باقاعدہ طریقہ کار، چارج واپس کرنے کے اختیارات، اگر کوئی ہو، اور متعلقہ ادائیگی سروس فراہم کنندہ کی رابطے کی معلومات؛

کسی بھی سامان یا خدمات کی مجموعی قیمت ایک ہی اعداد و شمار میں اس کی وقفہ قیمت کے علاوہ تمام لازمی اور رضاکارانہ چارجز، بشمول ڈیلیوری چارجز، ڈاک اور ہینڈلنگ چارجز، کنوینس چارجز اور قابل اطلاق ٹیکس؛

خریداری سے پہلے کے مرحلے پر درست اور مکمل معلومات فراہم کریں تاکہ خریدار اس معلومات کی بنیاد پر خریداری کا فیصلہ کر سکے، کوئی بھی براہ راست فروخت کرنے والی کمپنی اپنے کاروبار کے دوران یا دوسری صورت میں کسی غیر منصفانہ تجارتی  سرگرمی میں  ملوث نہیں ہوگی اور  سردست لاگو کسی بھی قانون میں بیان کردہ تقاضوں کی پیروی کریں گی۔

براہ راست فروخت کرنے والی کمپنی کی تمام مصنوعات قانونی میٹرولوجی ایکٹ، 2009 کے تحت کیے گئے اعلانات کی تعمیل کریں گی۔

ہر براہ راست فروخت کرنے والی کمپنی شکایت کے ازالے کا ایک مناسب طریقہ کار وضع کرے گی اور اپنی ویب سائٹ پر موجودہ اور اپ ڈیٹ کردہ رابطے کی تفصیلات بشمول نام، ٹیلی فون نمبر، ای میل ایڈریس اور اس طرح کے افسر کا عہدہ نمایاں کرے گی اور اس کی ویب سائٹ کی تفصیلات بھی پروڈکٹ  معلومات شیٹ  یا پمفلٹ پر نمایاں طور پر شائع کی جائے گی۔

شکایت کا ازالہ کرنے والا افسر ایسی شکایت کی وصولی کے 48 گھنٹے کے اندر صارفین کی کسی بھی شکایت کو وصول کرے گاا اور شکایت کی وصولی کی تاریخ سے ایک ماہ کے اندر اور ایک ماہ سے زیادہ تاخیر کی صورت میں شکایت کا ازالہ کرے گا۔ تاخیر کی وجوہات اور شکایت پر کی گئی کارروائی شکایت کنندہ کو تحریری طور پر بتائی جائے گی۔

ہر براہ راست فروخت کرنے والی کمپنی  ایک نوڈل افسر مقرر کے گی جو قانون کی دفعات  پر عمل آوری کو یقینی بنانے کے لئے ذمہ دار ہوگااور کسی بھی دوسرے قانون کی دفعات کے مطابق کیے گئے کسی بھی حکم یا مطالبہ کی تعمیل کو یقینی بنانے کے لیے بھی ذمہ دار ہو گا۔

ہر براہ راست فروخت کرنے والی کمپنی  اپنے دفاتر یا شاخوں یا براہ راست فروخت کنندگان کے ذریعے یا تو ذاتی طور پر یا ڈاک، ٹیلی فون، ای میل یا ویب سائٹ کے ذریعے صارفین کی شکایات درج کرنے کے لیے ایک طریقہ کار  قائم کرے گی۔

ہر براہ راست فروخت کرنے والی کمپنی اپنے تمام   براہ راست فروخت کرنے والوں کا ریکارڈ برقرار رکھے گی، نیز  ان کا شناختی ثبوت، پتہ کا ثبوت، ای میل اور اس طرح کی دیگر رابطہ معلومات بھی برقرار رکھے گی۔

ہر براہ راست فروخت کرنے والی کمپنی  کسی بھی سامان یا خدمات کی خریداری کے بعد صارف کے ذریعہ کے ذریعہ کی گئی تحریری درخواست پر، اسے کسی بھی  براہ راست فروخت کرنے والے کے بارے میں جانکاری فراہم کرے گا جس سے ایسے صارف نے خریداری کی ہے، اور ایسی جانکاری میں مؤثر تنازعہ کے حل کے لئے ایسے ہر ایک فروخت کرنے والے کے ساتھ کمیونیکیشن کرنے کے لئے ضروری پتہ ،  ای میل، رابطہ نمبر اور کوئی دیگر جانکاری شامل ہوگی۔

ہر براہ راست فروخت کرنے والی کمپنی اس بات کو یقینی بنائے گی کہ اشیا یا خدمات کی تقسیم کے اشتہارات، سامان یا خدمات کی اصل خصوصیات، پہنچ  اور استعمال کی شرائط کے مطابق ہوں۔

کوئی بھی براہ راست فروخت کرنے والی کمپنی براہ راست یا بالواسطہ طور پر خود کو صارف کے طور پر غلط طور سے پیش نہیں کرے گی اور اپنے سامان یا خدمات کے بارے میں تفصیلاب بھی جاری نہیں کرے گی یا اپنے کسی بھی سامان یا خدمات کی کوالٹی یا خصوصیات کو غلط طریقہ سے پیش نہیں کرے گی۔

ایک براہ راست فروخت کرنے والی کمپنی  جو واضح طور سے یا بالواسطہ  طور پر بیچی گئی اشیا یا خدمات کی  مستند ہونے کی تصدیق کرتی ہے کہ ایسی اشیاء یا خدمات مستند ہیں۔ ایسے سامان یا خدمات کے مستند ہونے سے متعلق  کسی بھی کارروائی میں اپنے فرض کی ذمہ داری اٹھائے گی۔

اس کے لیے اپنایا گیا تقسیم کے نظام کے باوجود  ایک براہ راست فروخت کرنے والی کمپنی اپنے براہ راست فروخت کرنے والوں کے ذریعہ اپنائے گئے طریقوں کی نگرانی کرے گا اور ایسے  براہ راست فروخت کرنے والوں کے ساتھ قانونی طور پر پابند معاہدہ کے  توسط سے ان شرائط کی تعمیل کو یقینی بنائے گی۔

ہر ایک براہ راست فروخت کرنے والی کمپنی  ان سبھی  براہ راست فروخت کرنے والوں کی پہچان کے لئے متعلقہ معلومات کا ریکارڈ  بنائے رکھے گی جنہیں  براہ راست فروخت کرنے والی کمپنی کے ذریعہ  ڈی لسٹ کیا گیا ہے اور ایسی فہرست کو اپنی  ویب سائٹ پر عوامی طور پر مشترک کیا جائے گا۔

ہر ایک براہ راست فروخت کرنے والی کمپنی  مرکزی حکومت کی قومی  کنزیومر ہیلپ لائن کی کنورجنسی عمل  میں شریک ہوگی۔

یہ شرائط براہ راست فروخت کرنے والے بیچنے والوں کے لیے کچھ ذمہ داریاں فراہم کرتی ہیں جن میں منجملہ  شامل ہیں:-

(i) ایسی کمپنی کے کسی بھی سامان یا خدمات کی فروخت  یا بیچنے  کی پیشکش کرنے کے لیے براہ راست فروخت کرنے والی کمپنی کے ساتھ سابقہ  تحریری معاہدہ ہے؛

(ii) کسی بھی فروخت کی نمائندگی کے آغاز میں، سچائی  اور واضح طور پر خود کی  پہچان ، براہ راست فروخت کرنے والی کمپنی کی پہچان ، کاروبار کے مقام کا  پتہ،  بیچی گئی اشیا یا خدمات کو نوعیت  اور اس طرح کی درخواست کے مقاصد کے لیے فروخت کیے گئے سامان یا خدمات کی نوعیت اور امکان کو واضح کریں؛

(iii) درست اور مکمل معلومات، سامان اور خدمات کی کارکردگی، قیمتیں، کریڈٹ کی شرائط، ادائیگی کی شرائط، واپسی، تبادلہ، رقم کی واپسی کی پالیسی، واپسی کی پالیسی، گارنٹی  کی شرائط اور فروخت کے بعد سروس فراہم کرنے والے ممکنہ شخص کو ایک تجویز پیش کرنا؛

(iv) ابتدائی فروخت کے وقت یا اس سے پہلے صارف کو ایک  آرڈر فارم  فراہم کریں، جو براہ راست فروخت کرنے والی کمپنی  اور براہ راست فروخت کنندہ کی شناخت کرے گی  اور اس میں نام، پتہ، رجسٹریشن نمبر یا اندراج نمبر، شناخت کا ثبوت اور رابطہ شامل ہوگا۔ . براہ راست فروخت کرنی والی فروخت کنندہ کی کی تعداد، فراہم کیے جانے والے سامان یا خدمات کی مکمل تفصیلات، سامان کے اصل ملک، آرڈر کی تاریخ، صارف کی طرف سے ادا کی جانے والی کل رقم، نمونوں کی جانچ اور ترسیل کا وقت اور جگہ،  صارف کے اختیار کو رد کرنے یا پیداوار کے فروخت کے اہل حالات میں واپس کرنے کے لئے ادائیگی  کی رقم  پر پوری واپسی کا فائدہ اٹھانے اور براہ راست فروخت کرنے والی کمپنی کی شکایات کےازالے کے نظام کے بارے میں پوری تفصیلات ؛

(v) اشیاء اور خدمات کے ٹیکس کا رجسٹریشن، مستقل اکاؤنٹ نمبر کا رجسٹریشن، تمام قابل اطلاق کاروباری رجسٹریشن اور لائسنس حاصل کرنا اور مصنوعات کی فروخت کے لیے قابل اطلاق قوانین، قواعد و ضوابط کی ضروریات کی تعمیل کرنا؛

(vi) اس بات کو یقینی بنائیں کہ خریدار کو فراہم کیا گیا  اصل پروڈکٹ  دیئے گئے پروڈکٹ کی تفصیل سے میل کھاتا ہے۔

(vii) فی الحال نافذ العمل قوانین کے مطابق صارف کی طرف سے فراہم کردہ تمام حساس ذاتی معلومات کی حفاظت کو یقینی بنانے کے لیے مناسب اقدامات کریں اور ڈیٹا تک کسی بھی غیر مجاز رسائی یا اس کے غلط استعمال کو روکنے کے لیے مناسب حفاظتی اقدامات کو یقینی بنائیں۔

(viii)  ایک براہ راست فروخت کرنے والا فروخت کنندہ حسب ذیل  نہیں کرے گا-

بغیر کسی  شناختی کارڈ اور پیشگی تقرری یا منظوری کے  کسی صارف کے احاطے میں جانا؛

ایسا کوئی  بھی لٹریچر فراہم کریں جسے براہ راست فروخت کرنے والی کمپنی    کے ذریعہ  منظوری نہ دی گئی ہو۔

کسی بھی لٹریچر یا فروخت  کو نمایاں کرنے والے کو خریدنے کے امکان کی ضرورت ہے۔

****

ش ح۔  ح ا    ۔ م   ص

U NO : 82