سال 2021 کے دوران مرکزی وزارت ثقافت کی اہم جھلکیاں درج ذیل ہیں:

آزادی کا امرت مہوتسو سابرمتی آشرم سے شروع:

وزیر اعظم جناب نریندر مودی نے آزادی کا امرت مہوتسو شروع کیا، جو ملک کی آزادی کے 75 سال کا ایک بڑا جشن ہے۔ امرت مہوتسو کا آغاز 12 مارچ کو سابرمتی آشرم، احمد آباد، گجرات سے کیا گیا تھا۔ اس موقع پر انھوں نے ڈانڈی ’پد یاترا‘ کو بھی جھنڈی دکھا کر روانہ کیا۔

وزیر اعظم نے اس موقع پر انڈیا@75 کی ویب سائٹ کا آغاز کیا۔ انھوں نے سابرمتی آشرم پریزرویشن اینڈ میموریل ٹرسٹ کے ساتھ شراکت میں وزارت ثقافت کا ’آتم نربھر انکیوبیٹر‘ پروگرام بھی شروع کیا تاکہ ختم ہونے کے دہانے پر موجود دستکاروں/ فنکاروں کی مہارتوں اور فنون کو محفوظ رکھا جا سکے۔ وزیر اعظم کی جانب سے ’ووکل فار لوکل‘ کو فروغ دینے کے لیے ایک منفرد چرخہ مہم بھی شروع کی گئی۔

نائب صدر، ایس ایم وینکیا نائیڈو نے 6 اپریل 2021 کو نیشنل سالٹ ستیہ گرہ میموریل، ڈانڈی، گجرات کے نزدیک آزادی کا امرت مہوتسو کے ایک حصے کے طور پر 25 روزہ یادگاری ڈانڈی پدیاترا کی رنگا رنگ اختتامی تقریب میں شرکت کی۔

کلکتہ سے 23 جنوری 2021 کو پراکرم دیوس پر نیتا جی سبھاش چندر بوس کے 125ویں یوم پیدائش کی یادگاری تقریب کا آغاز ہوا

سال 2021 کے پہلے بڑے پروگراموں میں سے ایک میں، وزیر اعظم جناب نریندر مودی نے 23 جنوری 2021 کو کولکاتہ میں نیتا جی سبھاش چندر بوس کے 125ویں یوم پیدائش کی یادگاری تقریب کا آغاز کیا۔

ثقافت کی وزارت کے تحت ساؤتھ سینٹرل زون کلچرل سنٹر، ناگپور نے نیتا جی سبھاش چندر بوس کی 125ویں یوم پیدائش کی یاد میں ایک بھارت شریشٹھ بھارت (EBSB) کے تحت ایک خصوصی ثقافتی پروگرام کا اہتمام کیا۔ جشن کے ایک حصے کے طور پر، ناگپور کی سماجی تنظیم، پریاس کی طرف سے ”بوس“ کے نام سے ایک ڈرامہ اور مختلف حب الوطنی کے گیت اور رقص کے پروگرام پیش کیے گئے۔ اسی طرح اڑیہ کے فنکاروں نے بھی جشن کے دوران لوک گیت اور رقص پیش کیا۔

راشٹریہ سنسکرتی مہوتسو: راشٹریہ سنسکرتی مہوتسو، وزارت ثقافت کا پرچم بردار تہوار ہے جسے 2015 سے سات زونل ثقافتی مراکز کی فعال شرکت کے ساتھ منعقد کیا جاتا ہے، جو آڈیٹوریم اور گیلری تک محدود رہنے کے بجائے ہندوستان کی متحرک ثقافت کو عوام تک لے جانے میں اہم کردار ادا کر رہا ہے۔ اس نے ریاستوں کے لوک اور قبائلی فن، رقص، موسیقی، کھانوں اور ثقافت کی نمائش میں اہم کردار ادا کیا ہے جس سے ”ایک بھارت شریشٹھ بھارت“ کے اہم مقصد کو تقویت ملی ہے اور ساتھ ہی ساتھ فنکاروں اور کاریگروں کو ایک مؤثر پلیٹ فارم مہیا کیا گیا ہے۔ راشٹریہ سنسکرتی مہوتسو کا گیارہواں ایڈیشن 14 سے 28 فروری 2021 کے درمیان، مغربی بنگال کے کوچ بہار میں (14 سے 16 فروری 2021)، دارجلنگ (22 سے 24 فروری، 2021) اور مرشد آباد (27 سے 28 فروری 2021) میں منعقد کیا گیا۔

ادے پور، تریپورہ میں ادے پور سائنس سینٹر کا افتتاح ہوا۔

17 ستمبر سے 7 اکتوبر 2021 تک وزیر اعظم کو ملنے والے تحائف اور یادداشتوں کی ای نیلامی۔

یہ وزیراعظم کو ملنے والے تحائف اور یادگاروں کی نیلامی کا تیسرا ایڈیشن تھا۔ یادگاروں میں تمغہ جیتنے والے اولمپیئنز اور پیرا اولمپینز کے کھیلوں کا سامان، ایودھیا رام مندر کی نقل، چار دھام، رودراکش کنونشن سینٹر، ماڈلز، مجسمے، پینٹنگز وغیرہ شامل تھے۔ ای نیلامی سے حاصل ہونے والی رقم نمامی گنگا مشن کو دی جاتی ہے جس کا مقصد گنگا کو محفوظ کرنا ہے۔

لال بہادر شاستری نیشنل اکیڈمی آف ایڈمنسٹریشن، مسوری میں منعقدہ دو روزہ جیوگرافیکل انڈیکیشن (GI) مہوتسو میں ٹرینی افسران کے لیے خصوصی پروگرام: ایل بی ایسا ین اے اے کے ٹرینی افسران کے لیے اس خصوصی پروگرام کا مقصد کاریگروں، ڈیزائن کی دنیا کا جائزہ لینا تھا۔ سیشنز میں GI کے قانونی مضمرات سے لے کر، GI دستکاری کے ساتھ فنکارانہ اور ڈیزائن کے تعاون اور مزید موضوعات کا احاطہ کیا گیا، اور قانونی، تعلیمی اور ڈیزائن کے ماہروں کی شرکت کا مشاہدہ کیا گیا۔

بدھ پورنیما پر ویساکھ عالمی تقریبات کا اہتمام کیا گیا جس سے 26 مئی 2021 کو وزیر اعظم نے عملی طور پر خطاب کیا تھا۔ ورچوئل پریئر ایونٹ میں دنیا بھر سے بدھ سنگھوں کے سربراہان نے شرکت کی۔ پوری دنیا میں کووڈ-19 عالمی وبا کے اثرات کی وجہ سے بدھ پورنیما کی تقریبات ایک ورچوئل اجتماع کے ذریعے منعقد کی گئیں۔ اس سال بدھ پورنیما عالمی امن اور عالمی وبا – کووڈ-19 سے نجات کے لیے وقف ہے۔

وزارت ثقافت نے بین الاقوامی بدھسٹ کنفیڈریشن کے ساتھ شراکت میں 24 جولائی 2021 کو دن بھر کی تقریبات کے ذریعے اساڑھ پورنیما دھما چکر کا دن بھی منایا۔

کشی نگر کے مہاپری نروان مندر میں یوم ابھیدھام: کشی نگر کے مہاپری نروان مندر کے احاطے میں ایک پر وقار تقریب کا اہتمام کیا گیا، جہاں تین روزہ بدھ اجتماع کا افتتاح وزیر اعظم نے شری لنکا کے مقدس بدھ آثار کی نمائش کے ساتھ کیا۔ اے ایس آئی کے ذریعہ کھدائی میں ملے بدھ مت کے نوادرات کی ایک نمائش کا بھی اہتمام کیا گیا۔ اس تقریب میں 110 رکنی اعلیٰ سطحی سری لنکا کے وفد کے علاوہ بڑی تعداد میں قومی اور بین الاقوامی بدھ سنگھ، سفیروں، مرکزی اور ریاستی حکام وغیرہ نے شرکت کی۔

گاندھی امن انعام برائے 2019 اور 2020: 2019 کا گاندھی امن انعام عمان کے مرحوم سلطان قابوس بن سعید السعید کو دیا گیا۔ اور بنگ بندھو مرحوم شیخ مجیب الرحمن کو گاندھی امن انعام 2020 دیا گیا۔ 26 مارچ 2021 کو ڈھاکہ میں مرحوم بنگ بندھو شیخ مجیب الرحمٰن (بعد از موت) کو وزیر اعظم ہند کی طرف سے گاندھی امن انعام برائے 2020 دیا گیا۔

آزادی کا امرت مہوتسو پر قومی کمیٹی کے دو اجلاس وزیر اعظم کی زیر صدارت منعقد ہوئے: قومی کمیٹی کا پہلا اجلاس 8 مارچ 2021 کو فلیگ شپ پروگرام کے آغاز کے سلسلے میں منعقد ہوا اور دوسرا اجلاس 22 دسمبر 2021 کو منعقد ہوا۔ پہلی میٹنگ میں، وزیر اعظم نے 75 سال کی تقریبات کے لیے 5 ستونوں پر روشنی ڈالی۔ یہ ہیں آزادی کی جدوجہد، 75 پر آئیڈیاز، 75 پر کامیابیاں، 75 پر ایکشن اور 75 پر حل۔ ان سب میں 130 کروڑ ہندوستانیوں کے خیالات اور احساسات کو شامل کیا جانا چاہیے اور جن بھاگیداری کے ساتھ پروگرام کا انعقاد کیا جانا چاہیے۔

دوسری میٹنگ میں، وزیر اعظم نے یادگاری تقریب کے لیے اپنا وژن پیش کیا اور بتایا کہ ہندوستان کو پوسٹ کووڈ ورلڈ آرڈر میں کس طرح قیادت کرنی چاہیے۔ انھوں نے اس بات پر بھی زور دیا کہ جب کہ ہم آزادی کا امرت مہوتسو منا رہے ہیں، ہمیں 2047 کے لیے اپنے لیے نئے اہداف پر توجہ مرکوز کرتے ہوئے آگے بڑھنا چاہیے۔

یوگا کے عالمی دن کا جشن: مرکزی وزارت ثقافت نے ’یوگا ایک ہندوستانی ورثہ ہے‘ مہم کے تحت 21 جون 2021 کو ’بین الاقوامی یوگا ڈے‘ منایا۔ ثقافتی پرفارمنس کے ساتھ ملک بھر میں 75 ہیریٹیج یادگاروں پر کامن یوگا پروٹوکول (CYP) کا مظاہرہ منعقد کیا گیا۔ تقریب کو منانے کے لیے، نیشنل کونسل آف سائنس میوزیم (NCSM) نے اپنی مختلف اکائیوں میں مختلف آن لائن پروگرام/سرگرمیوں کا بھی اہتمام کیا۔

وزارت ثقافت نے یوم آزادی 2021 پر آزادی کا امرت مہوتسو منانے کے لیے ایک انوکھا پروگرام شروع کیا: قومی ترانے سے منسلک ایک انوکھا اقدام، وزارت ثقافت نے اس سال یوم آزادی منانے کے لیے اٹھایا تاکہ ہندوستانیوں میں فخر اور اتحاد پیدا کیا جا سکے۔ اس میں دنیا بھر سے لوگوں کو قومی ترانہ گانے اور ویب سائٹ www.RASHTRAGAAN.IN پر ویڈیو اپ لوڈ کرنے کی دعوت دی گئی۔ ہندوستان اور دنیا بھر سے 1.5 کروڑ سے زیادہ ہندوستانیوں نے اپنی ویڈیوز ریکارڈ کیں اور اپ لوڈ کیں۔

امرتسر میں جلیانوالہ باغ اسمارک کی تزئین و آرائش شدہ کمپلیکس قوم کے نام وقف: وزیر اعظم جناب نریندر مودی نے امرتسر میں جلیانوالہ باغ اسمارک کے تجدید شدہ کمپلیکس کو ویڈیو کانفرنس کے ذریعے قوم کے نام وقف کیا۔ تقریب کے دوران انھوں نے اسمارک میں میوزیم گیلریوں کا بھی افتتاح کیا۔ اس تقریب میں حکومت کی طرف سے کمپلیکس کو اپ گریڈ کرنے کے لیے کیے گئے متعدد ترقیاتی اقدامات کی نمائش کی گئی۔

ملک نے 23 مارچ 2021 کو شہیدی دیوس پر شہید بھگت سنگھ، راج گرو اور سکھ دیو کو خراج عقیدت پیش کیا: وزارت ثقافت نے ’شہیدی دیوس‘ کے موقع پر کئی مقامات پر مختلف پروگراموں کا اہتمام کیا جس میں ملک نے فخر کے ساتھ شہید بھگت سنگھ، راج گرو اور سکھ دیو کی غیر معمولی جرات اور شہادت کو یاد کیا۔

نیتا جی سبھاش چندر بوس کے ذریعہ آزاد ہند حکومت کی تشکیل کی سالگرہ منائی گئی، تقریبات کا انعقاد پورے ہندوستان اور جنوب مشرقی ایشیا میں ہوا: امرت مہوتسو کی تقریبات کے ایک حصے کے طور پر، ہندوستان اور جنوب مشرقی ایشیا میں 21 اکتوبر کو نیتا جی سبھاش چندر بوس کے ذریعہ آزاد ہند حکومت کے قیام کی سالگرہ کی یاد میں تقریبات کا اہتمام کیا گیا۔

آزادی کا امرت مہوتسو منانے کے لیے ایک منفرد پہل کرتے ہوئے مرکزی وزیر ثقافت جناب جی کے ریڈی نے امرت مہوتسو پوڈ کاسٹ کا آغاز کیا۔ پہلی سیریز، ذرا یاد کرو قربانی، انڈین نیشنل آرمی پر مبنی ایک ایپیسوڈ کے ساتھ لائیو ہوئی۔

وزارت ثقافت نے آزادی کا امرت مہوتسو منانے کے لیے تین منفرد مقابلے شروع کیے: وزارت ثقافت دیش بھکتی گیت لکھنے، لوری لکھنے اور رنگولی بنانے کے لیے تحصیل/ تعلقہ کی سطح سے لے کر قومی سطح تک #UnityInCreativity کے نام سے ملک گیر مقابلے کا انعقاد کر رہی ہے۔ اس اقدام کا مقصد شرکت کی حوصلہ افزائی کرنا ہے تاکہ ٹھوس ”جن بھاگیداری“ کو یقینی بنایا جا سکے۔

یونیسکو کے عالمی ثقافتی ورثے کا ٹیگ: آرکیالوجیکل سروے آف انڈیا (ASI) کے تحفظ کے تحت (i) کاکتیہ رودریشورا (رامپا) مندر، تلنگانہ (2021) اور (ii) دھولاویرا: ایک ہڑپہ شہر (2021) کو فوزو میں منعقد ہونے والے 44ویں توسیعی عالمی ثقافتی ورثہ اجلاس میں عالمی ثقافتی ورثہ کی فہرست میں درج کیا گیا جس سے ہندوستان میں عالمی ثقافتی ورثہ کی جائیدادوں کی تعداد 38 سے بڑھ کر 40 ہوگئی۔

رامپا مندر

نیشنل میوزیم، نئی دہلی کی طرف سے یکم نومبر 2021 سے 7 نومبر 2021 تک ”منزل شمال مشرقی ہندوستان“ کا جشن: ترقی پسند ہندوستان کے 75 سال اور اس کے لوگوں کی ثقافت اور کامیابیوں کی یاد میں #AzadiKaAmritMahotsav کی تقریبات کے ایک حصے کے طور پر، نیشنل میوزیم، نئی دہلی نے #DestinationNorthEastIndia کے عنوان سے وزارت برائے DoNER اور NEC کی پہل کے تحت، شمال مشرقی ہندوستان کے بھرپور ورثے کا جشن منایا۔

وزیر اعظم نے 5 نومبر 2021 کو کیدارناتھ میں مختلف ترقیاتی پروجیکٹوں کا سنگ بنیاد رکھا اور قوم کو وقف کیا۔ اس موقع پر ملک بھر میں چار دھام سمیت جیوترلنگاس اور جیوتش پیٹھ پر پروگرام منعقد کیے گئے۔   وزیر اعظم جناب نریندر مودی نے کیدارناتھ میں مختلف ترقیاتی پروجیکٹوں کا سنگ بنیاد رکھا اور قوم کے نام وقف کیا۔ انھوں نے آدی شنکراچاریہ سمادھی کا افتتاح کیا اور آدی شنکراچاریہ کے مجسمے کی نقاب کشائی کی۔ وزیر اعظم نے کیدارناتھ مندر میں پوجا بھی کی۔ 12 جیوترلنگوں اور 4 دھاموں پر دعائیں کی گئیں اور تقریبات منعقد کی گئیں۔ 11 جیوترلنگاس، 4 جیوتش پیٹھ اور چار دھامس (بدریناتھ، دوارکا، پوری اور رامیشورم) میں بھی پروگرام بیک وقت منعقد کیے گئے۔ پروگراموں میں روایتی صبح کی آرتی کے بعد ویدک منتر شامل تھا۔ وزارت ثقافت نے جیوترلنگا/جیوتش پیٹھ کے احاطے یا قریبی مقام پر ثقافتی تقریبات کا اہتمام کیا۔ وزیر ثقافت جناب جی کشن ریڈی نے کیرالہ کے کلاڈی میں پروگرام کی قیادت کی جو آدی شنکراچاریہ کی جائے پیدائش ہے۔

ثقافت کے وزیر مملکت جناب جی کشن ریڈی نے کئی مرکزی اور ریاستی وزرا کی موجودگی میں رسمی طور پر دیوی اناپورنا کی مورتی اتر پردیش حکومت کو سونپی۔ 18ویں صدی کا دیوی اناپورنا کا مجسمہ جسے کینیڈا سے بازیافت کیا گیا، 11 نومبر 2021 کو یو پی حکومت کے حوالے کر دیا گیا اور 15 نومبر 2021 کو کاشی وشوناتھ مندر وارانسی، اتر پردیش میں اس کے صحیح مقام پر رکھا گیا۔

اے ایس آئی کے ذریعہ نوادرات کی بازیافت: اے ایس آئی کا نوادرات سیکشن مسلسل بیرون ملک سے نوادرات کی مؤثر بازیافت میں مصروف ہے۔ CGI، نیویارک سے موصولہ مواصلت کے مطابق، ستمبر 2021 کے مہینے میں، ASI کے ماہرین کی ایک ٹیم 258 آرٹ اشیا کا جائزہ لینے کے لیے USA گئی تھی۔ اس پورے لاٹ میں سے، نوادرات اور آرت خزانہ ایکٹ، 1972 کے مطابق 94 اشیا کی شناخت ”نوادرات“ کے طور پر کی گئی تھی۔ 2019 میں، ASI کی ایک ٹیم نے 63 اشیا کی بطور نوادرات تصدیق کی تھی اور اب کل 157 نوادرات بازیافت کے لیے تیار ہیں۔

ثقافت کی وزارت آزادی کا امرت مہوتسو کے حصے کے طور پر ’وندے بھارتم- نرتیہ اتسو‘ کا انعقاد کیا، جو ایک آل انڈیا ڈانس مقابلہ ہے۔ اس مقابلے کا مقصد ان رقاصوں کا انتخاب کرنا تھا جو 2022 کے یوم جمہوریہ پریڈ میں راج پتھ، انڈیا گیٹ میں ثقافتی پروگرام کے دوران پرفارم کریں گے۔ وندے بھارتم فائنل مقابلہ 19 دسمبر 2021 کو نئی دہلی میں منعقد ہوا۔ فائنل راؤنڈ میں کل 36 ٹیمیں جیتیں جو یوم جمہوریہ پریڈ 2022 میں حصہ لیں گی۔

وزارت ثقافت نے آزادی کا امرت مہوتسو موبائل ایپ لانچ کیا: ثقافت اور امور خارجہ کی وزیر مملکت، محترمہ میناکشی لیکھی نے آزادی کا امرت مہوتسو موبائل ایپ لانچ کیا تاکہ ہندوستان کی آزادی کی 75 ویں سالگرہ کی تقریبات سے متعلق تمام معلومات تک تمام سنگل پوائنٹ رسائی کو ممکن بنایا جا سکے۔

کلا کمبھ آرٹسٹ ورکشاپس: نیشنل گیلری آف ماڈرن آرٹ، نئی دہلی نے 2022 کے یوم جمہوریہ کی تقریبات کے ایک اٹوٹ حصہ کے طور پر ہندوستان کی تحریک آزادی کے گمشدہ ہیروز کی بہادرانہ زندگیوں اور جدوجہد کو اسکرول پینٹ کرنے کے لیے کلا کمبھ آرٹسٹ ورکشاپ کا انعقاد کیا۔ وزارت دفاع کے ساتھ۔ پہلی ورکشاپ 10 سے 17 دسمبر 2021 کو بھونیشور میں منعقد کی گئی تھی تاکہ ہندوستان کی جدوجہد آزادی کی وراثت اور ہمارے قومی فخر کو پچہتر میٹر کے پانچ اسکرول پر تخلیقی انداز میں پیش کیا جا سکے۔ اسی طرح کی ورکشاپس ملک کے دیگر حصوں میں بھی منعقد کی جا رہی ہیں۔

1857 کی پہلی جنگ آزادی کے سلسلے کے امرت مہوتسو سیریز کے ایک حصے کے طور پر لکھنؤ میں بھارت کا سب سے بڑا ڈرون شو منعقد ہوا۔ بھارت کا سب سے بڑا ڈرون شو 20 دسمبر 2021 کو لکھنؤ میں 1857 کے امرت مہوتسو سیریز کے ایک حصے کے طور پر منعقد کیا گیا۔ اس شو میں 500 سے زیادہ ڈرونز نے حصہ لیا۔

وزیر اعظم نے سری اروبندو کی 150 ویں یوم پیدائش کی یاد میں اعلیٰ سطحی کمیٹی کے پہلے اجلاس کی صدارت کی: کمیٹی میں زندگی کے مختلف شعبوں سے تعلق رکھنے والے 53 اراکین شامل ہیں۔ وزیر اعظم نے تجویز پیش کی کہ ملک بھر کی 150 یونیورسٹیوں کو سری اروبندو کی زندگی اور فلسفہ کے مختلف پہلوؤں پر مقالے لکھنے کے لیے ملوث کیا جانا چاہیے اور اس موقع پر 150 مقالوں کو شائع کیا جانا چاہیے۔

اے کے اے ایم کے تحت نمائش

امرت مہوتسو کے حصے کے طور پر منعقد کی گئی چند اہم نمائشیں درج ذیل ہیں:

’بھارت چھوڑو تحریک‘ کی 79ویں سالگرہ کے موقع پر نمائش

وزیر ثقافت جناب جی کشن ریڈی نے 8 اگست 2021 کو نئی دہلی میں نیشنل آرکائیوز آف انڈیا میں ’ہندوستان چھوڑو تحریک‘ کی 79ویں سالگرہ کے موقع پر ایک نمائش کا افتتاح کیا۔

للت کلا اکادمی کی طرف سے ہفتہ بھر کی نمائش ’بھارت ماتا ایوم بھارت کے نائک‘ کا افتتاح ثقافت کی وزیر مملکت محترمہ میناکشی لیکھی نے کیا۔ نمائش میں نامور مصور پون ورما کے پورٹریٹ ”شاہین“ کو دکھایا گیا۔ اس نمائش میں رابندر ناتھ ٹیگور، سردار ولبھ بھائی پٹیل، اے پی جے عبدالکلام اور وزیر اعظم جناب نریندر مودی جیسی اہم شخصیات کے پورٹریٹ کی نمائش کی گئی۔

8 مارچ 2021 کو خواتین کے عالمی دن کے موقع پر، سالارجنگ میوزیم نے آزادی کے 75 ویں سال کے امروت مہوتسو پر پینٹنگ کی نمائش اور ایک خصوصی تصویری نمائش کا بھی اہتمام کیا۔

ثقافت کے وزیر مملکت جناب ارجن رام میگھوال نے اندرا گاندھی نیشنل سینٹر فار آرٹس (IGNCA)، نئی دہلی میں ”آزادی کا امرت مہوتسو“ کے حصے کے طور پر لافانی شہید ’چندر شیکھر آزاد‘ کی زندگی پر مرکوز نمائش ”آزاد کی شوریہ گاتھا“ کا افتتاح کیا۔

ثقافت اور بین الاقوامی تعاون

وزارت نے 22 تا 23 فروری 2021 کو اٹلی کی میزبانی میں G20 ممالک کے کلچر ورکنگ گروپ کی ورچوئل میٹنگ میں شرکت کی۔

ویڈیو کانفرنسنگ کے ذریعے 13 مئی 2021 کو ہندوستان کے وزیر ثقافت اور منگولیا کے وزیر ثقافت کے درمیان دو طرفہ ثقافتی اور روحانی تعلقات کو فروغ دینے اور دونوں ممالک کے درمیان دستخط شدہ ثقافتی تبادلے کے پروگرام کو لاگو کرنے کے طریقوں پر تبادلہ خیال کے لیے ایک میٹنگ ہوئی۔

ثقافت کے وزیر مملکت جناب ارجن رام میگھوال نے 18 اگست 2021 کو تاجکستان کی میزبانی میں 18ویں SCO ثقافتی وزرا کی میٹنگ میں ورچوئل موڈ کے ذریعے شرکت کی۔

حکومت جمہوریہ ہند اور جمہوریہ سربیا کی حکومت کے درمیان ثقافت اور فنون کے میدان میں تعاون کے حوالے سے ثقافتی تبادلے کے پروگرام پر 11 اکتوبر 2021 کو دستخط کیے گئے۔

                                               **************

ش ح۔ ف ش ع- س ا  

U: 15025