তুরিজম, কলচর অমসুং দিভেলপমেন্ত ওফ দি নোর্থ ইস্তর্ন রিজন (দোনর)গী কেন্দ্র মন্ত্রী, শ্রী জি. কিশন রেদ্দীগী লুচিং মখাদা অমসুং ইকায় খুম্ননীংঙাই ওইরবা এম.ও.এস., শ্রী বি.এল. ভর্মানা মপুং ফানা শৌগত্তুনা প্রধান মন্ত্রী, শ্রী নরেন্দ্র মোদীজীনা লন-থুমগী লাইরেম্বীগী শাইওন নিপাল, ‘অশ্তা লক্ষমী’ হায়না মিংথোনবা লৈবাক্কী অৱাং-নোংপোক লমদমগী সেবা তৌনবা দোনরনা খোঙফম চেৎলি।

মখোয়না ঙসি ফাওবগী ওইনা ফম অসি পায়খিবা তেল্লবা মতমগী মনুংদা, মন্ত্রী অনিমক্না হোম, ফাইনান্স, রেলৱে, সিভিল এভিএসন, এজুকেসন, এগ্রিকলচর, তেলিকম্ম্যুনিকেসন, জল শক্তি, হকশেল, এন.ঐচ.এ.আই.নচিংবা কেন্দ্রগী মরু ওইবা মন্ত্রালয়দা লৈবা মখোয়গী খোঙলোয়শিংগা লোয়ননা লমদম অসিগী মীয়ামদা থবক পীনবা অমসুং হীরম খুদিংদা চাউখৎপা পুরক্নবগীদমক্তা হৌজিক চত্থরিবা প্রোজেক্তশিংগী খোঙজেল য়াঙশিলহন্নবা অমসুং অনৌবা প্রোজেক্ত/স্কিম কয়াগী মতাংদা খন্ন-নৈনবগী রাউন্দ তেবল মীফম কয়া ফমখি। এন.ই.আর. রাজ্যশিংদা পায়খৎলিবা প্রোজেক্তশিং য়েংশিন্নবগীদমক্তা রাজ্যশিং অসিগী মুখ্য মন্ত্রীশিংগা তাঙ্কক কয়াদসু খন্ন-নৈনখি। থৌওংশিং অসিনা এন.ই.আর.দা কেন্দ্রগী চাউখৎপা পাম্বগী মশক খঙহনবগা লোয়ননা মখাদা পীরিবা কান্নবা মহৈশিং অসিসু পীরিঃ

• হোমঃ ঙমখৈগী লমদমগী লম্বী শোরোক শেম্বা- জি.বি.এস.কী ১০%গী মখাদা খোঙজেল থুনা চাউখৎপা পুরকপা
• রেলৱেঃ এন.ই.আর.দা শুরুং হুৎপগী থবক ১২২ হৌজিক পাঙথোক্লি, ২৭ লোইশিনখ্রে।
• তেলিমকম্ম্যুনিকেসনঃ এন.ই.আর.গী খুঙ্গং ৬০০০পু সেলফোন কন্নেক্তিবিতী লৈহন্নবা মশক খঙদোকপা। খুঙ্গং ৫০০০ হেনবগী তেন্দরগী থবক লোইশিনখ্রে। লেমহৌরিবা খুঙ্গংশিংগী তেন্দরগী থবকশিং হৌজিক চত্থরি।
• সিভিল এভিএসনঃ উরানগী মখাদা চলায়বা অপিকপা ফ্লাইৎশিং এন.ই.আর.দা হৌদোকখ্রে অমসুং অনৌবা লম্বী খরসু উরানগী মখাদা খন্নরগনি।
• তুরিজমঃ তুরিজম সেক্রেতরীনা এন.ই.আর.বু ফিল্ম নম্ফম ওইবা য়াবগী মতাংদা মুম্বাই ফিল্ম ইন্দস্ত্রীগা মীফম ফমখ্রে। এন.ই.আর.দা দোনরগা তান্নদুনা শেমগৎকদবা ভ্যুইং পোইন্ত ১০০ মশক খঙদোকখ্রে।
• হকশেলঃ এমস গুৱাহাতীগী থবক হৌজিক কন্না চত্থরি।
• ওইল পাল্মঃ অপুনবা লুপা করোর ১২০০০গী মনুংদা, এন.ই.আর.দা লুপা করোর ৬০০০ কায়থখ্রে।
• কেন্দ্রগী মন্ত্রীশিংগী এন.ই.আর.গী খোঙচৎ মশিং য়াম্না হেনগৎখ্রে।

পুম্নমক অসিগী মহৈ ওইনা, মখাদা পীরিবা মাই-পাকপশিংদা উবা ফংদুনা মন্ত্রালয় অমসুং মসিগী লুপশিংগী থবক তৌবগী মওং-মতৌদা মশক থোকপা অহোংবা লৈখি।

এম.দোনরনা নিতি আয়োগকা খুৎশম্নদুনা নোর্থ ইস্তর্ন রিজন দিস্ত্রিক্ত এস.দি.জি. ইন্দেক্স অমসুং দেশবোর্দ ২০২১-২২ ফোঙখ্রেঃ  লৈবাক অসিদা খ্বাইদগী অহানবা ওইবা থৌওং অমদা য়ু.এন.দি.পি.গী তেক্নিকেল সপ্পোর্তকা লোয়ননা মসিনা অৱাং-নোংপোক লমদমদা মিৎয়েং চঙখি। ইন্দেক্স অসিনা এন.ই. রাজ্য ৮গী জিলাশিংগী পর্ফোরমেন্সকী চাং ওল্লি। লৈবাক অসিদা হন্দক্কী অসিদা অহানবা ওইনা জিলাশিংগী ইন্দেক্স শেম্বনি। মসিগী এস.দি.জি. ইন্দেক্স অসিদা চাউখৎ-থৌরাং অমসুং য়াইফ য়ুম্বাল, এজুকেসন, হেল্থ কেয়রগী থবকশিংগী থৌরাং য়াৎপদা য়ুম্ফম ওইগনি। ইমুং মনুংগী চাগা হেনগৎহনবদা তেংবাংবগা লোয়ননা পুন্সি মহিংগী চাংসু হেনগৎহন্নবা শেল তানবগী তঙাই ফদবশিংদা চেয়রমেন্না মিৎয়েং চঙখি।

দোনর মন্ত্রীনা লুচিংদুনা পাংথোকপা কম্মিতীগী মীফম্না দোনরনা পায়খৎলিবা লাইবলিহুদ স্কিমশিং য়েংশিন্দুনা মসিগী মতাংদা খন্ন-নৈনগনি। এম.ও.এস., শ্রী বি.এল. ভর্মা অমসুং কম্মিতীগী মেম্বরশিং, শ্রী অবদুল খালেক, রাম্পৃত মন্দাল, সি. লালরোসাঙ্গা অমসুং রেবতী ত্রিপুরাসু মদুদা শরুক য়াখি। লমদম অসিগী ইনফ্রাস্ত্রকচর অমসুং কন্নেক্তিবিতীগা লোয়ননা কেন্দ্রগী মন্ত্রালয়/বিভাগশিংনা পুন্না হোৎনমিন্নবগী খুত্থাংদা লমদম অসিদা মপুং ওইনা চাউখৎপা পুরক্নবা অতোপ্পা থৌওংশিংগী মপাঙ্গল লৈহনবগা লোয়ননা এন.ই.আর.গী মীয়ামশিংগী লিভিং স্তেন্দর্দ হেনগৎহন্নবা ভারত সরকারনা খোঙফম চেৎলি।

ওইল পাল্ম মিসনঃ  এন.ই. অমসুং অন্দমান অমদি নিকোবার ইথৎকী মফমশিংদা অখন্নবা মিৎয়েং থমদুনা নেস্নেল মিসন ওন ইদিবল ওইল- ওইল পাল্ম (এন.এম.ই.ও.-ও.পি.)বু কেন্দ্রনা তেংবাংবা অনৌবা স্কিম ওইনা পুথোকপা। বেম্বু এফ.পি.ও. এগ্রীমেন্ত ওন ইদিবল ওইলস – ওইল পাল্ম ফোর এন.ই. স্তেতকী এম.ও.য়ু. অমগী খুৎয়েক পীনখ্রে। ইদিবল ওইলগী মিসন অসিগী পান্দমদি লাক্কদৌরিবা চহি ৫গী মনুংদা ভারত শিনবা থুংবগী মফমদা ওইল পাল্ম থাববু ঐচ.এ. লাখ ৩.৫দগী  লাখ ১০দা হেনগৎপনি। নৌনা থাগদৌরিবা অসিগী ৫০%গী শরুক্তি এন.ই.গী মফমশিংদা থানবা পান্দম থম্লি। স্কিম অসিদা চঙগনি হায়না পারিবা অপুনবা লুপা করোর ১১,০৪০গী মনুংদগী চাউরাকপা লুপা করোর ৬০০০তি এন.ই. রাজ্যশিংগী লৌমীশিংদা হকথেংননা কান্ননবা থাদগনি।

নোর্থ ইস্তর্ন রিজনেল এগ্রিকলচর মার্কেতিং কোর্পোরেসন লিমিতেদ (এন.ই.আর.এ.এম.এ.সি.)পু নৌনা হিংগৎহনবাঃ প্রধান মন্ত্রীনা লুচিংবা ইকোনোমিক এফিয়র্সকী কেবিনেতনা এন.ই.আর.এ.এম.এ.সি.বু নৌনা হিংগৎহন্নবগীদমক্তা চঙগদবা লুপা করোর ৭৭.৪৫গী পেকেজগী অয়াবা পীখ্রে। পেকেজ অসিনা এন.ই.আর.এ.এম.এ.সি.না অনৌবা থৌরাং কয়া থবক্তা ওন্থোকপা, মিং ওইনা পল্লবদা লৌ-উবা হেন্না নুংঙাইহন্নবা ফেসিলিতী পীবা, লৌমীশিংদা ক্লস্তর, ওর্গানিক ওইবা মরু অমসুং হারনচিংবগী মতাংদা ত্রেনিং পীবদা তেংবাংগনি অমসুং চাউরাকপা মীওই ৩৩,০০০দা হকথেংননা অমসুং নাকোইননা থবক পীগনি।

“অৱাং নোংপোক লমদম (এন.ই.আর.) চাউখৎহন্নবা নোর্থ ইস্তর্ন কাউন্সিলগী হোংলক্লিবা থৌদাং”গী মতাংদা শিল্লোংদা ৱর্কশোপ পাংথোকপাঃ “অৱাং নোংপোক লমদম (এন.ই.আর.) চাউখৎহন্নবা নোর্থ ইস্তর্ন কাউন্সিলগী হোংলক্লিবা থৌদাং” হায়না মিংথোনবা ৱর্কশোপ অমা শিল্লোংদা লৈবা এন.ই.সি.গী কনফরেন্স ওদিতোরিয়মদা পাংথোকখ্রে। ভারতকী উপ-রাস্ত্রপতি, শ্রী এম. ভেঙ্কয়া নাইদুনা থৌরম অসিগী অথোইবা মীথুংলেন ওইখি।

কোবিদকা মরী লৈনবা ইনফ্রাস্ত্রকচরঃ

• এম.দোনরনা শেলগী মতেং পাংদুনা অরুনাচল প্রদেশকী তৱাংদা ওক্সীজেন প্লান্ত অমা লিংখৎখি।
• ফেমিলী হেল্থ অমসুং হাইজীন কিৎ ১০৭১০, ওক্সীজেন কন্সেন্ত্রেতর ১০, দিস্ত্রিক্ত হোস্পিতাল ৩গী পোর্তেবল হেল্থ দিভাইস ৩, ওক্সীমীতর, হিদাক্কী কিৎ অমসুং তেলিফোনিক মেদিকেল কন্সলতেসন দিভাইস ৩ য়াওবা কোবিদ রিলিফ কন্তেনরবু নাগালেন্দ রাজ্যগী খনগৎলবা মফমশিংদা পীখি।
• এন.ই. রাজ্যশিংদা কোবিদ-১৯গা লান্থেংনবা তেংবাংনবা হেল্থকেয়র ফেসিলিতীশিংগীদমক্তা এম.দোনরনা লুপা করোর ২৫০ কাইথোকখি।

এম.দোনরগী মখাদা নেদফিনা চলায়বা আত্মানির্ভর হস্তশিল্পকার স্কিমঃ

এন.ই. লমদমগী খুল্লক্কী খুৎ-শা হৈবশিংদা শেলগী তেংবাং পীদুনা মখোয়বু হেন্না চাউখৎহনবগী পান্দমগা লোয়ননা নেদফিনা আত্মানির্ভর হস্তশিল্পকার স্কিম হৌদোকখি।

এন.ই. লমদমগী প্রোজেক্তশিং য়েংশিনবা অমসুং জিও-তেগিং তৌবাঃ  এন.ই.গী লমদমশিংগী প্রোজেক্ত য়েংশিনবগী থৌওং শেমগৎপগী অঙনবগী থাক অমসুং জিও-তেগিং তৌবসিদা দোনর/এন.ই.সি.না শেল থাদরি। চাউখৎ-থৌরাংগী প্রোজেক্তশিংগী মেপিং অমসুং দেতা পীথোক-পীশিন তৌবদা আই.এস.আর.ও.না মপুং ওইনা শরুক য়াদুনা পাংথোকপা অসি হীরমসিগী মতাংদা ভারত্তা খ্বাইদগী অহানবা ওইনা পাংথোকপনি।

দেস্তিনেসন নোর্থ ইস্ত অমসুং আজাদীকা অমৃত মহোৎসব (এ.কে.এ.এম.) :   এন.ই.আর. রাজ্যশিংগী কোনুংশিংদা থৌরম খরা পাংথোকপগা লোয়ননা এন.ই.আর. শিনবা থুংবদা ১৫/১/২০২২দগী হৌরগা ২২/১/২০২২ ফাওবগী মনুংদা পাংথোক্কদবা এ.কে.এ.এম. অমসুং দি.এন.ই.গী থৌরমশিং পাংথোক্নবগীদমক্তা খন্ন-নৈনবা মীফম কয়া খ্বাইদগী অৱাংবা থাক্তা চাং-নাইনা পাংথোক্তুনা লাক্লি। ক্বিজ কন্তেস্ত, ভিদিওগ্রাফী অমসুং ফোতোগ্রাফী শিজিন্নদুনা এৱিয়র্নেস কেম্পেন কয়া অমসু মাইগোব প্লেৎফোর্মদা পাংথোকপা হৌখ্রবনি অমসুং মসিনা মীয়ামগী পুক্নিং চিংশিল্লি।

এম.দোনর দিজিতাইজ তৌবাঃ অপগ্রেদ তৌরবা ই-ওফিস ভর্জন ৭.০বু ১০০%গী চাংদা শিজিন্নহনবা। অনৌবা ভর্জন অসিবু স্তাফশিংদা নীংথিনা খঙহনবগী ত্রেনিংসু ভি.সি.গী খুত্থাংদা পীখ্রে।

এম.দোনর মন্ত্রীনা নাগালেন্দদা চাউখৎ-থৌরাংগী থবক-থৌরম কয়া শঙ্গাখ্রেঃ মন্ত্রীনা ত্রেনিং কম একজামিনেসন সেন্তর অমগী দিমাপুরদা উরেপ উয়ুং তমখি অমসুং নাগালেন্দগী কোহিমাদা লৈবা স্তেত দাইরেক্তোরেৎ ওফ সোইল এন্দ ৱাতর কঞ্জর্বেসনদা সোইল তেস্তিং লেবোরেতরী অমসু শঙ্গাখি। মন্ত্রীনা নাগালেন্দগী দিমাপুরগী মনুং চনবা থাহেখু খুঙ্গংগা সোভিমা ভিলেজকা শম্ননবা পাকথোক চাউথোকহন্দুনা শেমখিবা এন.ঐচ. ২৯সু শঙ্গাখি।

অৱাং নোংপোক্কী নাৎ অমসুং চৎনবী ঙাক-শেনবাঃ ভারতনা সরকারনা এন.ই. লমদমগী তোঙান-তোঙাল্লবা নাৎ অমসুং চৎনবী ঙাক-শেন্নবা অমসুং হেন্না খুমাং চাউশিলহন্নবা দিমাপুরদা নোর্থ ইস্ত জোন কলচরেল সেন্তর (এন.ই.জেৎ.সি.সি.) অমসুং কোলকতাদা ইস্তর্ন জোনেল কলচরেল (ই.জেৎ.সি.সি.) (কলচর মন্ত্রালয়গী মখাদা লৈবা ওতোনোমস ওর্গনাইজেসন) লিংখৎখ্রে।

অৱাং নোংপোক লমদমগী বেকৱার্দ ব্লোক অমসুং খুঙ্গংশিং চাউখৎহন্নবা মিৎয়েং চঙবাঃ অহেনবা মিৎয়েং চঙদুনা চাউখৎপা পুরকপগী পান্দমদা অকক্নবা মতমগী অখন্নবা প্রোগ্রাম পাংথোক্নবগীদমক্তা এন.ই. রাজ্য ৮গী জিলা ২০গী বেকৱার্দ ব্লোক ২০ মশক খঙদোকখ্রে। খুঙ্গংগী মীওইশিংনা নুংঙাইনা হিংনবগীদমক্তা সেবা কয়াবু অমগা অমগা মান্ননা পীবগী পাইলোত প্রোজেক্ত অমা হৌদোক্নবগীদমক্তা খুঙ্গং ৪০সু মশক খঙদোকখ্রে।

ভারত রসিয়া ফ্রেন্দশিপ কার রেল্লী ২০২১: থৌরম অসি ইন্তর্নেস্নেল ফ্রেন্দশিপ কার রেল্লী এসোসিএসন (আই.এফ.সি.আর.এ.)না শীনদুনা এপ্রিল ১৮-২০, ২০২১দা রসিয়াদা পাংথোকখি। থৌরম অসি এম.দোনরনা স্পোন্সর তৌবনি অমসুং য়ুথ এফিয়র্স অমসুং স্পোর্ত মন্ত্রালয় অমদি এক্সতর্নেল এফিয়র্স মন্ত্রালয়না শৌগৎপনি।

এন.ই.সি.বি.দি.সি.দা ৱাগী পুন্সিনবা ত্রিতমেন্ত প্লান্ত লৈবাঃ দোনরগী এম.ও.এস.না গুৱাহাতীগী বর্নিহাত্তা লৈবা নোর্থ ইস্ত কেন এন্দ বেম্বু দিভেলপমেন্ত কাউন্সিল (এন.ই.সি.বি.দি.সি.)গী মনুংদা খ্বাইদগী নৌবা তেক্নোলোজী লৈবা বেম্বু ত্রিতমেন্ত প্লান্ত অমা শঙ্গাখি।

নোর্থ ইস্ত স্পিসিএল ইনফ্রাস্ত্রকচর দিভেলপমেন্ত স্কিম (এন.ই.এস.আই.দি.এস.)

লুপা করোর ৪১৩.৬৩গী শেনফমগী প্রোজেক্ত ৩০বু নোর্থ ইস্ত স্পিসিএল ইনফ্রাস্ত্রকচর দিভেলপমেন্ত স্কিম (এন.ই.এস.আই.দি.এস.)গী মখাদা অৱাং-নোংপোক্কী তোঙান-তোঙানবা রাজ্যশিংদা ১/১/২০২১দগী হৌনা অয়াবা পীখ্রবনি। মখোয়শিং অসিগী মনুংদা এন.ই. রাজ্যশিংগী হেল্থ ইনফ্রাস্ত্রকচরশিংবু মপাঙ্গল কনখৎহন্নবা অমসুং কোবিদ-১৯গা মাইয়োক্ননবা লুপা করোর ২৩১.১৯ কাইথোকখ্রবা হেল্থ প্রোজেক্ত ১৭ য়াওরি। এন.ই.এস.আই.দি.এস.কী মখাদা ১/১/২০২১দগী কাইথবা হৌখিবা প্রোজেক্ত অমসুং মখোয়গী সেক্তরগী অকুপ্পা মরোলশিং মখাদা পীরিঃ

এন.ই.গী রাজ্যশিংদা এম.দোনরগী তোঙানবা স্কিম, মিং ওইনা পল্লবদা- এন.ই.এস.আই.দি.এস.; এন.এল.সি.পি.আর.- স্তেত; ঐচ.এ.দি.পি.; এস.আই.দি.এফ.; অসমগী অখন্নবা পেকেজ, (বি.তি.সি.; দি.ঐচ.এ.তি.সি. অমসুং কে.এ.এ.তি.সি.)গীদমক্তা ১/১/২০২১দগী হৌদুনা অপুনবা লুপা করোর ৮৪১.৮০গী শেনফম থাদখ্রবনি।

নোর্থ ইস্তর্ন কাউন্সিল

এন.ই.সি.গী স্কিমশিং-  ইং ২০২১গী মনুংদা (১/১/২০২১-৩০/১১/২০২১), লুপা করোর ২৮৯.৩৮গী প্রোজেক্ত ৭০গী অয়াবা পীখি। মতমসিগী মনুংদা লুপা করোর ১২৫৭.৬৮গী শেনফমগী প্রোজেক্ত ৭৩ মপুং ফানা লোইশিনখি।

নোর্থ ইস্ত রোদ সেক্তর দিভেলপমেন্ত স্কিম (এন.ই.আর.এস.দি.এস.) : ইং ২০২১গী মনুংদা লুপা করোর ৩৭১.৫০গী শেনফমগী অপুনবা প্রোজেক্ত ৭কী অয়াবা পীখি। অদুবু, প্রোজেক্ত অমত্তা মতমসিগী মনুংদা লোইশিনবা ঙমখিদে।

৩০% কম্পোনেন্তঃ জনুৱারী ২০২০দা ফমখিবা কেন্দ্রগী কেবিনেতকী মীফমদা এন.ই.গী শোত্থরবা মফমশিং, য়েংশিনবীদ্রবা অমসুং নাথৈবীরবা খুন্নাইগী কাঙলুপ অমসুং অৱাং নোংপোক লমদম অসিদা থোরক্লিবা মিৎয়েং চঙফম থোকপা সেক্তরশিংবু শেন্নদুনা চাউখৎহন্নবগীদমক্তা হৌজিক লৈরিবা “এন.ই.সি.গী স্কিম”শিংগী মখাদা অনৌবা প্রোজেক্ত পীনবগীদমক্তা নোর্থ ইস্তর্ন কাউন্সিলগীদমক্তা কায়থবা শেনফমগী ৩০% খায়দোকপগী অয়াবা পীখি। মসিগী মতুং ইন্না, ইং ২০২১গী মনুংদা লুপা করোর ৫৭.৩৩ চঙগদবা প্রোজেক্ত ২১বু এন.ই.সি.গী স্কিমশিংগী মখাদা অয়াবা পীখি।

এন.ই.সি.না পায়খৎপা খোঙথাং খরা মখাদা পীরিঃ

• রুরেল ইকোনোমিক অমসুং লাইবলিহুদ প্রোজেক্তঃ এন.ই.আর.সি.আর.এম.এস.না চাউরাকপা লুপা করোর ৩ চঙগনি পাদুনা থবক পায়খৎপা প্রোজেক্ত অসিনা মনিপুর রাজ্যদা অফবা তেবল ফিশ পুথোক্নবা পুখ্রী তৌবীবা, হামেং রিয়র তৌনবা য়ুনিৎ শেম্বীবা অমসুং তেবল ফিশ, অতেকপা হামেং শানচিংবগী খুত্থাংদা শেন্থোক শরুক অনি থোক্না ফংহন্নবা পান্দম থম্মি।
• ভারতকী অৱাং-নোংপোক লমদমদা লো-চিলিং শেম থাবা পুক্নিং থৌগৎপা (২০২০-২১)-  এন.ই.আর.সি.আর.এম.এস.না চাউরাকপা লুপা করোর ৩.০৭ চঙগনি পাদুনা পায়খৎপা প্রোজেক্ত অসিনা ত্রাদিস্নেল এগ্রিকলচরবু ভেল্যু ৱাংবা হোর্তিকলচরগী মহৈ-মরোং (লো চিলিং শেম থাবা)গী খুত্থাংদা কেশ ক্রোপ ফার্মিংদা ওন্থোকহন্নবা, শেম পুথোকপা হেনগৎহনবা, মপান্দগী উহৈ পুশিল্লকপা হন্থহনবা অমসুং ভেল্যু য়াম্বা কেশ ক্রোপকী খুত্থাংদা লৌমীশিংগী শেন্থোক শরুক অনি হেনগৎহন্নবা পান্দম থম্মি। প্রোজেক্ত অসি মেঘালয় অমসুং অরুনাচল প্রদেশতা পাংথোকপনি।
• মনিপুরগী তমেংলোং জিলাদা ওর্গানিক ওইবা চা পাম্বী থাবাঃ এন.ই.আর.সি.আর.এম.এস.না চাউরাকপা লুপা করোর ৪.৫৯ চঙগনি পাদুনা পায়খৎপা প্রোজেক্ত অসিগী পান্দমদি ত্রেদিস্নেল এগ্রিকলচরবু কেশ ক্রোপ ফার্মিংদা ওন্থোকপনি।
• মনিপুরগী নোনে জিলাদা মিক্স ক্রোপিং, ফিশরী অমসুং সস্তেনেবল ফার্মিংগী লাইবস্তোক পুক্নিং থৌগৎপাঃ এন.ই.আর.সি.আর.এম.এস.না চাউরাকপা লুপা করোর ৫০.৬১ চঙগনি পাদুনা পায়খৎপা প্রোজেক্ত অসিনা মহৈ-মরোং পুথোকপা হেনগৎপা, মিক্স ক্রোপিংবু পুক্নিং থৌগৎপগা লোয়ননা পাকথোক চাউথোকপগী পান্দম থম্মি।
• অৱাং-নোংপোক লমদমদা খুঙ্গংগী শেন্থোক হেনগৎহন্নবগীদমক্তা মেদিসিনেল অমসুং এরোমেতিক প্লান্ত (এম.এ.পি.)দা য়ুম্ফম ওইবা পুন্সি মহিংগী খুদোংচাবশিং পুক্নিং থৌগৎপা অমসুং মেঘালয়দা ওন্তোপ্রিনরগী ইকোসীস্তেম শেমগত্তুনা রেজিলিএন্ত লাইব্লিহুদকী খুদোংচাবশিং খুমাং চাউশিলহনবাঃ এন.ই.আর.সি.আর.এম.এস.না চাউরাকপা লুপা করোর ৪.৮৫ চঙগনি পাদুনা পায়খৎপা প্রোজেক্ত অসিগী পান্দমদি থৌওং হোংলক্লিবা এগ্রিকলচরদা চাউনা মখা পোনবা হন্থহনবা অমসুং ভেল্যু য়াম্বা মেদিসিনেল অমসুং এরোমেতিক প্লান্তশিং থাহন্দুনা কেশ ক্রোপ ফার্মিংদা ওন্থোকপনি।
• ভারতকী অৱাং-নোংপোক্তা ফিশরী অমসুং ওক নোইখৎহনবগী থৌওং খুমাং চাউশিলহনবাঃ এন.ই.আর.সি.আর.এম.এস.না চাউরাকপা লুপা করোর ৪.৯০ চঙগনি পাদুনা পায়খৎপা প্রোজেক্ত অসিনা ওক নোইহন্নবা য়ুনিৎ শেমগৎপা, তেবল ফিশ অমসুং অতেকপা ওকশা পুথোকপা হেনগৎপা অমসুং লৌমীশিংগী শেন্থোক হেনগৎহনবগী পান্দম থম্মি। প্রোজেক্ত অসি অসম, অরুনাচল প্রদেশ, মনিপুর অমসুং মেঘালয়দা লৈ।
• মনিপুরগী ইম্ফাল ইস্ত, ইম্ফাল ৱেস্ত, থৌবাল অমসুং বিষ্ণুপুর জিলাদা পিগরী ভেল্যু চেন শেমগৎপাঃ এন.ই.আর.সি.আর.এম.এস.না চাউরাকপা লুপা করোর ৪.৭২ চঙগনি পাদুনা পায়খৎপা প্রোজেক্ত অসিনা ওক্কী মচিঞ্জাক্কী অপাম্বা লৈরিবসি পীবা ঙমহন্নবগীদমক্তা শা-ঙাগী মচিঞ্জাক শাবা অমসুং পেকেজিং য়ুনিৎ শাবগী পান্দম থম্মি।
• অসম, মনিপুর অমসুং মেঘালয়দা এপিয়ারী শেমগৎপাঃ এন.ই.আর.সি.আর.এম.এস.না চাউরাকপা লুপা করোর ৪.৯৯ চঙগনি পাদুনা পায়খৎপা প্রোজেক্ত অসিগী পান্দমদি অসম, মনিপুর অমসুং মেঘালয়দা এপিয়ারী শেমগৎপনি।

নোর্থ ইস্ত স্তেত রোদ ইনভেস্তমেন্ত প্রোগ্রাম (এন.ই.এস.আর.আই.পি.)- স্কিম অসিনা অৱাং-নোংপোক্কী রাজ্য ৬ (অসম, মনিপুর, মেঘালয়, মিজোরম, সিক্কিম অমসুং ত্রিপুরা)কী চাউরাকপা কিমি. ৪৩৩.২২৫ শাংবা শোরোকপু তাঙ্কক অনি থোক্না , হায়বদি তাঙ্কক ১ উমসুং তাঙ্কক ২, শেমগৎপা/হান্নদগী হেন্না ফগৎহন্নবা মিৎয়েং থম্লি। ইং ২০২১-২২দা থবক অসিগীদমক্তা হৌজিক ফাওবদা লুপা করোর ২২৪.২৫ থাদোকখ্রে।

এক্সতর্নেল্লী এদেদ প্রোজেক্ত (ই.এ.পি.)-  এক্সতর্নেলী এদেদ প্রোজেক্তশিং অসি এন.ই.আর.গীদমক্তা য়াম্না তঙাইফদবা ইনফ্রাস্ত্রকচর, হেল্থ, লাইবলিহুদনচিংবা সেক্তরশিং চাউখৎহন্নবগীদমক্তা মপানগী তোঙানবা এজেন্সীশিংদগী শেন্থং অমসুং তেক্নিকেল এক্সপর্তিস কয়া ফংবগী য়াম্না মরু ওইবা খুদোংচাবনি। ইং ২০২০-২১গী মনুংদা, লুপা করোর ৩৭৬৯০.১৬কী শেনফম ওইবা অপুনবা প্রোজেক্ত ২৭পু এন.ই.আর. চাউখৎপগী মন্ত্রালয়না শৌগৎখি।

আই.তি.গী খোঙথাংশিং- এন.ই. লমদমগী চাউখৎ থৌরাংগী স্কিম কয়াগী থৌরাং য়াৎপা, থবক পাংথোকপা অমসুং য়েংশিনবদা তেংবাংনবগীদমক্তা ইনফোর্মেসন অমসুং কম্ম্যুনিকেসম তেক্নোলোজীবু মন্ত্রালয়গী মনুংদা হেন্না মপাঙ্গল লৈহনখ্রে। মসিগী মথক্তা, তোঙান-তোঙানবা অতোপ্পা মন্ত্রালয়শিংনা এন.ই.আর. লমদমদা পায়খৎপা মরু ওইবা প্রোজেক্তশিং য়েংশিন্নবগীদমক্তা আই.সি.তি.সু শিজিন্নখ্রে। এন.ই.সি., নেদফি, নেরামাক, এন.ই.ঐচ.ঐচ.দি.সি.নচিংবা তোঙানবা লুপশিংদা শৌগৎপগী মওংসু লৈখি। মরু ওইবা মাই পাকপা খরা মখাদা পীরিঃ

• এম.দোনর ৱেবসাইত, https://mdoner.gov.in অসিবু মন্ত্রালয় অমসুং এন.ই.আর.গী অহেনবা ই-পাউ হাপচিন্দুনা অনৌবা মওং পীখিবা
• দেদিকেতেদ প্রোজেক্ত পোর্তেল, https://nlcpr.mdoner.gov.in (এন.এল.সি.পি.আর.- নন-লাপ্সেবল সেন্ত্রেল পুল ওফ রিসোর্স) অমসুং https://nesids.mdoner.gov.in (এন.ই.এস.আই.দি.এস.- নোর্থ ইস্ত স্পিসিএল ইনফ্রাস্ত্রকচর দিভেলপমেন্তেল স্কিম) অসিবু অপগ্রেদ তৌদুনা এন.ই.এস.আর.আই.পি., এস.আই.দি.এফ., বি.তি.সি. (বোরোলেন্দ তেরিতোরিএল কাউন্সিল), কে.এ.এ.তি.সি. (কার্বী আংলোং ওতোনোমস তেরিতোরিএল কাউন্সিল), দি.ঐচ.এ.তি.সি. (দিমা হাসো ওতোনোমস তেরিতোরিএল কাউন্সিল)নচিংবা লেমহৌরিবা স্কিম মচাশিংবুসু এন.এল.সি.পি.আর. প্রোজেক্ত পোর্তেলদা হাপখিবা
• তোঙানবা মন্ত্রালয়/বিভাগশিংনা এন.ই.আর.দা পায়খত্তুনা হৌজিক চত্থরিবা লুপা করোর ৫০ অমসুং মথক্কী অচৌবা ইনফ্রাস্ত্রকচর অমসুং সোসিএলগী প্রোজেক্তশিংবু এম.দোনরনা মচা খায়না শীন্দোক্তুনা পি.এম.ও.গী প্রয়াস দেশবোর্দ পোর্তেলদা হাপখিবা
• এন.ই.সি. স্কিমশিংগী দেশবোর্দ শেমদুনা https://data.mdoner.gov.in/ দা ফোঙখিবা
• কোবিদ-১৯গী কাঙলোন ইন্নবগীদমক্তা ভি.সি. সীস্তেম অমসুং ৱেব রুম সেসনশিংবু ইন্তর্নেল অমসুং এক্সতর্নেল থৌওংশিংগীদমক্তা পাক-শন্না শিজিন্নখিবা

সোসিএল মীদিয়া ইনিসিএতিবঃ মন্ত্রালয় অমসুং মসিগী লুপশিংগী মরু ওইবা অমসুং অচৌবা মাই পাকপশিংবু ক্রিএতিব, ন্যুজ আইতেম অমসুং ৱারীগী মওংদা দোনরগী সোসিএল মীদিয়া একাউন্তকী খুত্থাংদা নুংতিগী ফোঙখি।  মসিগী মহৈ ওইনা, মন্ত্রালয়গী প্রোগ্রাম/স্কিমশিং অসিনা মীয়ামদা য়ৌবগী চাং য়াম্না হেনগৎখি।

**********