প্রধান মন্ত্রী কৌশাল বিকাস য়োজনা(পি.এম.কে.ভি.ৱাই.)গী কম্পোনেন্ত রিকোজনিসন ওফ প্রাইয়র লর্নিং(আর.পি.এল.)গী মখাদা নাগালেন্দগী কেন অমসুং বেম্বু আর্তিসনশিং স্কিল হেন্না  হৈহন্নবা ঙসি স্কিল দিবেলপমেন্ত অমসুং ওল্তরপ্রিনরশিপ মন্ত্রালয়গী রাজ্য মন্ত্রী শ্রী রজীব চন্দ্রসেখর; অমদি ইলেক্ত্রোনিক্স অমসুং ই.তি. মন্ত্রালয়না দিজিতেল্লী ওইনা পাইলোত প্রোজেক্ত অমা পুথোকখি৷ আর.পি.এল. এসেসমেন্ত অমসুং ত্রেদিস্নেল হেন্দিক্রাফতশিংদা সর্তিফিকেসন পীদুনা লমদম অসিদা লৈরিবা ফিশাবীশিং অমসুং আর্তিসনশিংগী প্রদক্তিবিতী হেনগৎহন্নবা মখোয়বু স্কিল হেন্না হৈহনবা হায়বসিনা ইনিসিয়েতিব অসিগী পান্দম ওইরি৷ প্রোজেক্ত অসিনা ক্রাফতসমেন অমসুং আর্তিসন ৪,০০০ হেনববু স্কিল হেন্না হৈহন্নবা মীৎয়েং থম্লি৷

আর.পি.এল.গী মখাদা পাইখৎলিবা অপস্কিলিং প্রোজেক্ত অসিনা লমদম অসিদা লৈরিবা অনওর্গনাইজ ৱার্কফোর্সকী কম্পিতেন্সীশিং ফগৎহনগনি হায়না পানরি৷ আর্তিসনশিং অমসুং ৱিবরশিং অসি স্তেন্দর্দাইজ নেস্নেল স্কিল্স ক্বালিফিকেসন্স ফ্রেমৱার্ক(এন.এম.ক্বু.এফ.)কা লোইননা থম্লগনি৷ মসিনা হৌজিক লৈরিবা আর্তিসনশিং অমসুং ৱিবরশিংগী পুন্সি মরেল অসি ফগৎহল্লগনি অমদি মখোয়গী স্কিলশিং অমসুং তেক্নিকেল নোলেজ হেন্না হৈহল্লগনি৷ মসিগী মথক্তা, পাইলোত প্রোজেক্ত অসিনা মার্কেতিং স্কিলশিং অমসুং তেক্নিকশিং হেনগৎহল্লগনি, কেন অমসুং বেম্বু আর্তিসনশিংগী ত্রেদিস্নেল অমসুং লোকেল ক্রাফতশিং য়োকখৎহল্লগনি৷ গভর্মেন্ত ওফ ইন্দিয়া সর্তিফিকেসনগী খুৎথাংদা অপস্কিলিং ব্রিজ মোদ্যুল শিজিন্নদুনা ইনিসিয়েতিব অসিনা ত্রেদিস্নেল হেন্দিক্রাফতসতা ভেল্যু হাপচিল্লক্লগনি৷ ইনিসিয়েতিব অসিগী মখাদা, বেতচ অমনা পুং ১২গী ওরিয়েন্তেসন অমসুং পুং ৬০গী ব্রিজ মোদ্যুল থমদুনা নুমিৎ ১২নি পাংথোক্লগনি৷ মখাতানা, ব্রিজ মোদ্যুল অসিগা লোইননা ওরিয়েন্তেসন প্রোগ্রাম অসিগী মতুং তারকপদা, আর্তিসনশিং অমসুং ৱিবরশিংদা রিকোজনিসন ওফ প্রাইয়র লর্নিং(আর.পি.এল.) তাইপ-১গী সর্তিফিকেৎ খুৎশিন্নগনি৷ অপস্কিলিং ইনিসিয়েতিবকী ত্রেনিং দেলিভরী পার্তনরশিং অদুদি কেন কন্সেপ্ত অমসুং হেন্দলুম নাগানি৷

ইনিসিয়েতিব অসিবু হৌদোক্লদুনা, ক্রাফত অমসুং আর্তৱার্ক্কী ত্রেদিস্নেল তেক্নিকশিং অসি ভারত মঙাল নাইরবা হেরিতেজকী মরু ওইবা শরুক ওইরি অমদি হায়রিবা স্কিলশিং অসি মাংহন্দনা য়োকখৎনবগী অথুবগী ওইনা তঙাই ফদবা লৈরে হায়না শ্রী রজীব চন্দ্রসেখরনা ফোংদোকখি৷ অৱাংদগী খাদা অমসুং নোংপোক্তগী নোংচুপ্তা লৈবাক অসিগী নহাগীদমক অচুম্বা সিনর্জীশিং অমসুং ইনফ্রাস্ত্রকচর শেমগৎপা অসিনা প্রধান মন্ত্রী শ্রী নরেন্দ্র মোদীগী মংলাননি হায়না মহাক্না মখাতানা ফোংদোকখি৷ দিমাপুরদা ত্রেন তৌগদৌরিবা আর্তিসন ৪১০০ য়াওনা ঐখোয়গী নহাগী ইফর্তশিং, ইনর্জী অমসুং মাই পাকপনা ভারতকী তুংগী ফিভম লেপকনি হায়বসি মহাক্কী ওইনা থাজবগী আর্তিকল অমনি৷ মসি তোখায়বা ইহৌ অমা নত্তে, মসি নহাশিংবু স্কিল হৈহন্নবগী অচৌবা মংলান অদুগী শরুক অমনি হায়না মহাক্না মখাতাখি৷

নহাশিংবু স্কিল হৈহনবা হায়বসিনা ঐখোয়গী ওইনদি য়াম্না মরু ওইবা মিসন অমনি অমদি মসিনা মরম ওইদুনা আর্তিসনশিং ত্রেন তৌরিবা অমদি মপুক্নিং থৌগৎলিবা থৌরম অসি মফম অসিদা হৌদোক্নবা ঐখোয়না মফম অসিদা পুনখিবনি হায়না শ্রী চন্দ্রসেখরনা ফোংদোকখি৷ মহাক্কী নাগালেন্দ খোংচৎ মনুংদা, লমদম অদুনা ইকোনোমিক প্রোগ্রেসনদা লৌরিবা থৌদাং অমদি লমদম অদুগী পোতেন্সিয়েল মদু মহাক্না খঙখি হায়না মহাক্না ফোংদোরকখি৷ মসিনা মরম ওইদুনা লমদম অদুনা লৈরিবা নহাশিংগী ইকোনোমিক এস্পিরেসনশিং অদু মংফাওনবা ঙম্নবা অমদি মখোয়বু চাওখৎপগী লম্বীদা পুরক্নবগীদমক প্রোগ্রাম অসি শিন্নবা স্কিল দিবেলপমেন্ত অমসুং ওল্তরপ্রিনরশিপ মন্ত্রালয়না হোৎনখিবনি হায়না মহাক্না মখাতাখি৷

আর.পি.এল. অমসুং ব্রিজ মোদ্যুলগী খুৎথাংদা আর্তিসনশিং অমসুং ৱিবরশিং অপস্কিলিং তৌবা, ত্রেনরশিং ত্রেনিং তৌবা, আর্তিসনশিং অমসুং ৱিবরশিং খনবা য়াওনা প্রোজেক্ত অসি তোঙান তোঙানবা ফেজশিংদা চৎনরগনি৷ আর্তিসনশিং অমসুং ৱিবরশিং অসি নাগালেন্দগী ত্রেদিস্নেল ক্রাফতস ক্লস্তরশিংদগী খল্লগনি৷ খনবগী মওং অসি কেন্দিদেৎশিং অসিগী হৌজিক লৈরিবা এক্সপরিয়েন্স অসিদা বেজ তৌদুনা খল্লগনি৷ ত্রেনরশিং অসি হৌজিক লৈরিবা দাতাবেজ অসিদগী খনবা নত্রগা ত্রেনিং ওফ ত্রেনর (তি.ও.তি.) প্রোগ্রাম অমা প্রপোস ক্লস্তরশিংদগী হৌজিক লৈরিবা আর্তিসনশিং অমসুং ৱিবরশিং অসিগীদমক পাংথোক্লগনি৷ আর্তিসনশিং অমসুং ৱিবরশিং অসি হেন্দমেদ প্রদক্তশিং শেম্বগী ইন্নোবেতিব অমদি অপগ্রেদেদ তেক্নিকশিংদা ত্রেন তৌরগনি৷ ত্রেনিংগী মতুংদা, আর্তিসনশিং অমসুং ৱিবর পুম্নমক মশা মশাগী মরী লৈনবা ক্লস্তরশিংদা শেমগৎলিবা মাইক্রো য়ুনিৎশিংদা থবক তৌরগনি৷ মতম অসিদা, মীওইশিং অসিনা অরোইবা স্তেজতা মখোয় মশাগী ওইবা মার্কেৎ লিঙ্কেজশিং থম্বা ঙম্নবগীদমক বেনিফিসরীশিং অসিবু এক্সতর্নেল দেলিবেরেসনদা এক্তিব্লী ওইনা শরুক য়ানবা পুক্নিং থৌগৎলগনি৷

হেন্দিক্রাফতস অমসুং কার্পেৎ সেক্তর স্কিল কাউন্সিল(ঐচ.সি.এস.এস.সি.)না সপোর্ত তৌখিবা  স্কিল দিবেলপমেন্ত অমসুং ওল্তরপ্রিনরশিপ মন্ত্রালয়গী নোদেল এজেন্সী ওইরিবা নেস্নেল স্কিল দিবেলপমেন্ত কোর্পোরেসন অসিনা  প্রোজেক্ত অসিগী নোংম-নোংমগী ওইনা ফংলিবা প্রোগ্রেস অদু য়েংশিল্লগনি৷প্রোজেক্ত অসিনা ওল্তরপ্রিনরশিপ দিবেলপমেন্ত, দিজিতেল লিতরেসী, থবক মফমদা কম্ম্যুনিকেসন স্কিলশিং লৈহনবা অমসুং সেল্স অমদি মার্কেতিং স্কিলশিং হৈহনবা য়াওনা লর্নিং আউতকমশিং ফংনবা মীৎয়েং থম্লি৷ প্রোজেক্ত অসি মাই পাক্না চৎনহনবদা অমদি হৌজিক হৌজিক সপোর্ত পীবদা য়াম্না মরু ওইরিবা ইন্দস্ত্রীনা শরুক য়ারকপা অসিনা প্রোজেক্ত অসিবুসু ঙাক্লগনি৷ ত্রেনর ১৫০ ত্রেনিং তৌবা, ইনফ্রাস্ত্রকচর শেমগৎপা, রো মেতরিএল ফংহনবা অমদি দোমেস্তিক অমসুং ইন্তরনেস্নেল মার্কেৎশিংদা ক্রাফতশিং য়োকখৎপগুম্বা এরিয়াশিং অসিদা ইন্দস্ত্রী অসিনা সপোর্ত তৌরগনি৷

২০২১গী সেপ্তেম্বরদা, শ্রী রজীব চন্দ্রসেখরনা নাগালেন্দ অমসুং জম্মু অমসুং কাশ্মীরদা(জে. অমসুং কে.)দা চৎখি৷ মহাক্কী খোংচৎকী মতুংদা, হেন্দিক্রাফত সেক্তর অসিনা লমদমশিং অসিগী মরু ওইবা এমপ্লোইমেন্ত জেনেরেতর ওইবনা মশা মশাগী লমদমশিংদা মাংথরুরবা ত্রেদিস্নেল ক্রাফতশিং য়োকখৎপা অমদি অমুক হন্না হিংগৎহন্নবগীদমক প্রোজেক্ত অমা শিনবগী তঙাই ফদবা লৈরে হায়না মহাক্না ফোংদোকখি৷ নাগালেন্দ অমদি জে. অমসুং কে.দা ত্রেদিস্নেল ক্রাফতসকী দিমান্দ অসি পীবা ঙম্নবা হেরিতেজ অমসুং ত্রেদিস্নেল স্কিল ক্লস্তরশিং অসিনা খুঙ্গংশিংদগী স্কিল হৈরবা আর্তিসনশিং দরকার ওইরকই হায়বসি খঙবা ঙমখি৷ মসিগী মথক্তা, জে. অমসুং কে.গী প্রোজেক্ত কন্সেপ্তচুয়েলাইজ তৌখি অমদি থাজবা পীখিবগী মতুং ইন্না মন্ত্রীগী খোঙচৎকী থা অনিগী মনুংদা ফংহনবা ঙমখি৷ ইনিসিয়েতিব অসিনা মাইক্রো-ওল্তরপ্রিনরশিপপু পুক্নিং থৌগৎলদুনা ইন্দস্ত্রী অমসুং মার্কেৎ লিঙ্কেজশিংদা মীৎয়েং থম্লি৷

*****

(Release ID: 1786190) Visitor Counter : 148