حکومت ہند کی شمال مشرقی خطہ کی ترقیات (ڈی او این ای آر) کی وزارت کے تحت کام کرنے والی شیلانگ کی شمال مشرقی کونسل کی شمال مشرق کی بید اور بانس کی ترقیاتی کونسل (این ای سی بی ڈی سی)، بانس کے قدیم ترین شعبہ کو نئے دور سے ہم آہنگ کرنے کے لیے اپنی تخلیقی صلاحیت اور وسائل کو صلاحیت سازی، تربیت، ٹیکنالوجی کی فراہمی، اور اسے بازار سے جوڑنے میں لگاتی ہے۔ عالمی بازار میں تیز رفتار تبدیلیوں کے مدنظر، بانس سے تیار ہونے والی مصنوعات کی روایتی پیشکش کی جمالیات کو ہم آہنگ کرنا ہماری ترجیحات میں شامل ہے۔

شمال مشرقی کونسل، شیلانگ کے رکن، ایئر مارشل جناب انجن کمار نے شمال مشرقی بید اور بانس کی ترقیاتی کونسل (این ای سی بی ڈی سی) کے گوہاٹی میں واقع دفتر کا دورہ کیا اور بانس کے شعبہ کی ترقی کے موضوع پر وہاں کے مینیجنگ ڈائرکٹر، ڈاکٹر شیلندر چودھری اور دیگر افسران سے تفصیلی گفتگو کی۔

مینیجنگ ڈائرکٹر، ڈاکٹر شیلندر چودھری نے شمال مشرقی کونسل کے رکن، ایئر مارشل جناب انجن کمار گوگوئی کو آئندہ ہونے والا  آزادی کا امرت مہوتسو، متعینہ شمال مشرقی تہوار کے لیے این ای سی بی ڈی سی کے ذریعے کی جانے والی تیاریوں کے بارے میں بھی بتایا، جسے 15 سے 21 جنوری، 2022 کے درمیان گوہاٹی کے کلا شیتر میں منعقد کیا جائے گا۔

*****

ش  ح –  ق ت –  ت  ع

U:14866

(Release ID: 1785593) Visitor Counter : 117