ঙসি পার্লিয়ামেন্ত হাউসতা #MDoNERনা চৎনরিবা লিবলিহুদ স্কিমশিং অদু য়েংশিন্নবা অমদি খন্ন-নৈননবা দিবেলপমেন্ত ওফ নোর্থ ইস্ত রিজন মন্ত্রালয়গা মরী লৈনবা কন্সল্তেতিব কম্মিতীগী মীফম অমদা তুরিজম, কল্চর, দিবেলপমেন্ত ওফ নোর্থ ইস্তর্ন রিজন(দোনর)গী কেন্দ্রগী মন্ত্রী শ্রী জি. কিসন রেদ্দীনা থৌবুরেল ওইদুনা পাংথোকখি৷ এম.ও.এস., শ্রী বি.এল. বর্ম অমসুং কম্মিতীগী মেম্বরশিং, শ্রী অবদুল খেলেক, রমপৃত মন্দল, সি. লালরোসঙ্গা অমসুং রেবাতি ত্রিপুরানা শরুক য়াখি৷ অৱাং-নোংপোক লমদম অসি লৌউ-শিংউবদা হৌজিক ফাওবা মখা পোন্দুনা লৈরিবা লমদম অমা ওইরিবনা লমদম অসিদা থবক্কী খুদোংচাবা হেন্না-হেন্না ফংহন্নবগীদমক সরকারনা প্রো-এক্তিব ওইবা খোংথাংশিং অমসুং মীয়ামদা মীৎয়েং থম্বা স্কিমশিং পাইখৎলক্নবা শরুক য়ারিবা মীওইশিং অসিনা পামখি৷

এম.দি.ও.এন.ই.আর.গী সেক্রেতরী শ্রী লোক রঞ্জন, তুরিজম সেক্রেতরী শ্রী আর্বিন্দ সিংহ, এন.ই.সি. সেক্রেতরী শ্রী কে. মোসেস চলাই অমসুং এম.দি.ও.এন.ই.আর.গী অতোপ্পা সেনিয়র ওফিসিয়েলশিং অমসুং মদুগী সব-ওর্দিনেৎ ওফিসশিং, তুরিজম মন্ত্রালয়. অমদি অৱাং-নোংপোক লমদমদা হিংনবগীদমক স্কিমশিং পাইখৎলিবা অতোপ্পা মরু ওইবা মন্ত্রালয়শিংনা মীফম অসিদা শরুক য়াখি৷

জোইন্ত সেক্রতরী শ্রী অনুরধা এস. চগতি, এম.দি.ও.এন.ই.আর.না অৱাং-নোংপোক লমদম(এন.ই.আর.)দা হিংনবগীদমক হৌজিক হৌজিক পাইখৎলিবা প্রোজেক্তশিং/স্কিমশিংগী মতাংদা কমপ্রিহেন্সিব প্রজেন্তেসন অমা থমখি অমদি লমদম অসিদা লৈরিবা মীয়ামগী পুন্সি মরেল অসি ফগৎহন্নবগীদমক পাংথোক্কদৌরিবা থবক-থৌরমশিং অমসুং প্রোগ্রামশিংগী মতাংদসু ফোংদোকখি৷

মীফম অসিদা, কেন্দ্রগী মন্ত্রালয়শিং/দিপার্তমেন্ত পুম্নমক্না লমদম অসিদা হোলিস্তিক দিবেলপমেন্ত লাকহন্নবগীদমক লৌখৎলিবা খোংথাংশিং, লমদম অসিদা লম্বী-থোংগী অমদি ইনফ্রাস্ত্রকচরগী ফিভম ফগৎনবা হোৎনরিবা অসিগী মথক্তা এন.ই.আর.দা লৈরিবা মীয়ামগী হিংবগী স্তেন্দর্দ অসি হেন্না ফগৎহন্নবা ভারত সরকারনা মপুং-ফানা হোৎনরি হায়না শ্রী রাদ্দীনা ফোংদোকখি৷ লমদম অসিগী সোসিয়ো-ইকোনোমিক দিবেলপমেন্তদা অহেনবা থৌদাংশিং লৌবা কম্মিতীগী চিয়রমেন অমদি অতোপ্পা মীহুৎশিংনা পামখি৷ এন.ই.আর.বু হেন্না খোংজেল য়াংনা চাৎখৎহন্নবগীদমক কম্মিতীগী মেম্বরশিংনা পীবিরকখিবা মমল য়াম্লবা সজেসনশিং অমসুং ফীদবেক অদু চিয়রমেন্না পনখি৷

******

(Release ID: 1784565) Visitor Counter : 118