نئی دلّی  ، 23 دسمبر / سیاحت ، ثقافت اور شمال مشرقی خطے کی ترقی کے مرکزی وزیر (  ڈی او این ای آر ) جناب جی کشن ریڈی نے آج  پارلیمنٹ ہاؤس انیکسی میں شمال مشرقی خطے کی ترقی کی وزارت سے متعلق مشاورتی کمیٹی کی میٹنگ کی صدارت کی ۔ اس میٹنگ میں  # ایم ڈی او این ای آر  کے ذریعے نافذ کئے جا رہے ذریعۂ معاش  کی اسکیموں پر  تبادلۂ خیال اور اس کا جائزہ لیا گیا ۔  اس موقع پر وزیر مملکت  جناب بی ایل ورما اور کمیٹی کے اراکین  ، جناب عبد الخالق  ، رام پریت منڈل  ، سی لال  روسنگا  اور  ریباتی تری پورہ  موجود تھے ۔ ممبران نے رائے ظاہر کی کہ حکومت کو  زیادہ سے زیادہ  سرگرم  اقدامات اور لوگوں پر مرکوز اسکیموں کا نفاذ  کرنا چاہیئے تاکہ  این ای آر میں ملازمت کے زیادہ سے زیادہ مواقع پیدا ہوں کیونکہ یہ خطہ زراعت پر بہت زیادہ منحصر  ہے ۔

 

          اس اہم میٹنگ میں شمال مشرقی خطے کی ترقی کی وزارت کے سکریٹری جناب لوک رنجن، سیاحت کے سکریٹری شری اروند سنگھ، این ای سی کے سکریٹری جناب کے موسیٰ چلائی اور شمال مشرقی خطے کی ترقی کی وزارت اور اس کے ماتحت دفاتر اور وزارت سیاحت کے سینئر افسران کے ساتھ ساتھ شمال مشرقی خطہ میں ذریعہ معاش  کے منصوبوں کو نافذ کرنے والی  دیگر اہم  وزارتوں کے افسران نے بھی شرکت کی۔

 

          شمال مشرقی خطہ کی ترقی کی وزارت میں جوائنٹ سکریٹری محترمہ انو رادھا ایس چگتی نے شمال مشرقی خطہ ( این ای آر ) میں جاری ذریعہ معاش کے پروجیکٹوں اور منصوبوں اور علاقے کے لوگوں کی روزی روٹی کو بہتر بنانے کے لئے شروع کئے جانے والے ممکنہ پروگراموں/سرگرمیوں کے بارے میں ایک جامع پریزنٹیشن پیش کی ۔

 

میٹنگ کے دوران، جناب ریڈی نے کہا کہ حکومت ہند، تمام مرکزی وزارتوں اور محکموں کی اجتماعی کوششوں کے ذریعے، خطے میں بنیادی ڈھانچے اور کنیکٹیویٹی کو مضبوط کرے گی ۔ اس کے ساتھ ساتھ اس کی مجموعی ترقی کے لئے  دیگر اقدامات کے علاوہ شمال مشرقی خطے کے لوگوں کا معیار زندگی بہتر بنانے کے لئے  پوری طرح پرعزم ہے۔ کمیٹی کے چیئرمین اور دیگر اراکین نے خطے کی سماجی و اقتصادی ترقی میں اپنا تعاون پیش کرنے کے لئے مزید کوششیں کرنے پر آمادگی ظاہر کی۔ کمیٹی کے چیئرمین نے شمال مشرقی خطے کی تیز رفتار ترقی اور ترقی کے لئے کمیٹی کے اراکین کی جانب سے دی گئی اہم تجاویز اور آراء کو  نوٹس میں لیا ۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 ( ش ح   ۔    ع ح     ۔ ع ا  )   

U. No. 14705

(Release ID: 1784539) Visitor Counter : 118