ایم ایس ایم ای کے مرکزی وزیر  جناب  نارائن رانے نے  آج لوک سبھا میں ایک سوال کے تحریری جواب میں ایوان کو مطلع کیا کہ  ایم ایس ایم ای کی وزارت  دستکاروں کو  پائیدار روز گار فراہم کرنے کی خاطر  روایتی صنعتوں اور  دستکاروں کو منظم کرنے کے لئے روایتی صنعتوں کی دوبارہ بحالی  کے فنڈ (ایس ایف یو آر ٹی آئی) اسکیم نافذ کرتی ہے۔ ایس ایف یو آر ٹی آئی کے تحت  وجیا نگر م کوائر کلسٹر کام کرنے لگا ہے اور  اس نے  ربر والی کوائر کی پیداوار شروع کردی ہے۔

پروجیکٹ کے تحت  ٹھوس اقدامات کی خاطر ، جن میں  مشترکہ سہولت مراکز  کی تعمیر ، مشینری کی خریداری اور  خام مال کی خریداری وغیرہ شامل ہے، مختلف سرگرمیوں کے لئے 203.32 لاکھ روپے  کی منظوری دی گئی ہے۔ اس میں سے  40  لاکھ روپے مشترکہ سہولت مرکز کی تعمیر  کے لئے منظور کئے گئے ہیں۔  سافٹ اقدامات کے تحت  اسکیم میں 25  لاکھ روپے کو منظوری دی گئی ہے، جس میں مصنوعات  کے فروغ ، صلاحیت سازی اور مارکیٹ پروموشن کی سرگرمیاں شامل ہیں۔ سافٹ  اقدامات کے تحت  25  لاکھ روپے کی پوری رقم  کلسٹر کو جاری کردی گئی ہے تاکہ وہ  صلاحیت سازی  اور مارکیٹ پروموشن  وغیرہ کے مختلف پروگرا موں کو انجام دے سکے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔

 

ش ح۔و ا ۔ق ر۔

U-14372

(Release ID: 1782156) Visitor Counter : 108