വിദ്യാഭ്യാസ മന്ത്രാലയം
azadi ka amrit mahotsav

വിദ്യാലയങ്ങളിൽ കുട്ടികളുടെ സുരക്ഷ

Posted On: 13 DEC 2021 5:11PM by PIB Thiruvananthpuram



ന്യൂ ഡൽഹി: ഡിസംബർ 13, 2021  

വിദ്യാഭ്യാസം, ഭരണഘടനയുടെ കണ്‍കറന്റ് ലിസ്റ്റിൽ ഉള്ള വിഷയം ആയതിനാൽ, വിദ്യാലയങ്ങളിലെ കുട്ടികളുടെ സുരക്ഷ ബന്ധപ്പെട്ട സംസ്ഥാന/കേന്ദ്ര ഭരണ പ്രദേശത്തിന് കീഴിൽ വരുന്നു. കേന്ദ്ര വിദ്യാഭ്യാസ മന്ത്രാലയത്തിന്റെ കീഴിലുള്ള സ്കൂൾ വിദ്യാഭ്യാസ-സാക്ഷരത വകുപ്പ് (DoSEL),  വിദ്യാലയങ്ങളിലെ    കുട്ടികളുടെ സുരക്ഷാ സംബന്ധിച്ഛ് മാർഗ്ഗനിർദ്ദേശങ്ങൾ എല്ലാ സംസ്ഥാനങ്ങൾക്കും, കേന്ദ്രഭരണ പ്രദേശങ്ങൾക്കും, DoSELന് കീഴിലുള്ള സ്വയംഭരണ സ്ഥാപനങ്ങൾക്കും, ബന്ധപ്പെട്ട മന്ത്രാലയങ്ങൾക്കും 01.10.2021 നൽകിയിരുന്നു. ഇതിൽ ഗവണ്മെന്റ്, ഗവണ്മെന്റ്-എയ്ഡഡ്, സ്വകാര്യ വിദ്യാലയങ്ങളിൽ പഠിക്കുന്ന കുട്ടികളുടെ സുരക്ഷാ ചുമതലയുടെ ഉത്തരവാദിത്വം സ്കൂൾ മാനേജ്മെന്റുകൾക്കാണ്  നൽകിയിരിക്കുന്നത്.

 

ഈ മാർഗ്ഗനിർദ്ദേശങ്ങൾ, സംസ്ഥാനങ്ങൾ/കേന്ദ്ര ഭരണ പ്രദേശങ്ങളാണ് നടപ്പാക്കേണ്ടത്. മാത്രമല്ല, ആവശ്യാനുസരണം മാറ്റങ്ങൾ വരുത്താനുള്ള സ്വാതന്ത്യ്രവും അവർക്കുണ്ട്. DoSEL-ഇന്റെ  വെബ്‌സൈറ്റിൽ ഈ മാർഗ്ഗനിർദ്ദേശങ്ങൾ ലഭ്യമാണ് - https://dsel.education.gov.in/archivesupdate?title=&field_update_category_target_id=All


കേന്ദ്ര വിദ്യാഭാസ സഹമന്ത്രി ശ്രീമതി അന്നപൂർണ ദേവി ഇന്ന് രേഖ മൂലം ലോക് സഭയിൽ അറിയിച്ചതാണ് ഈ കാര്യം.

 
RRTN

(Release ID: 1781012)
Read this release in: English , Urdu