এন.ই.আর.দা হৌজিক হৌজিক চৎনরিবা সরকারগী/এম.দি.ও.এন.ই.আর.গী তোঙান তোঙানবা স্কিমশিংগী প্রোগ্রেস অদু য়েংশিন্নবগীদমক, দিবেলপমেন্ত ওফ নোর্থ ইস্তর্ন স্তেতস মন্ত্রালয়না এন.ই. রাজ্য খুদিমক্কী ওইনা মন্ত্রালয়দগী সেনিযর ওফিসিয়েলশিংবু চীফ নোদেল ওফিসর(সি.এন.ও.)/নোদেল ওফিসর(এন.ও.) ওইনা মফম হাপখ্রে৷ স্কিমশিং অমসুং প্রোজেক্তশিংগী প্রোগ্রেস অদু চাং-নাইনা য়েংশিন্নবা অমদি প্রোজেক্তশিং/স্কিমশিং অসি চৎনহনবা মতমদা থেংনরিবা প্রোব্লেমশিং অদুগী মতাংদা রাজ্য সরকারদগী লাক্লিবা মখোয়গী কাউন্তর পার্তশিংগা লোইননা ৱারি-ৱাতায় শাননবা হায়রিবা সি.এন.ও./এন.ও. অসিনা এন.ই. রাজ্যশিংদা চৎনবা খঙহনখ্রে৷ সরকারনা অৱাং-নোংপোক লমদমবু অখন্ননা য়েংশিল্লি অমদি লমদম অসিবু লৈবাক অসিগী অতোপ্পা মফমশিংদা হেন্না ফবা মওং অমদা শম্নহন্নবা হোৎনবা য়াবা হোৎনরিবা অসিসু হেন্না মরু ওই৷ রোদ, রেল, এয়র অমসুং ৱাতরৱেজ কন্নেক্তিবিতীগা মরী লৈননা লমদম অসিদা পাংথোক্লিবা অচৌবা ইনফ্রাস্ত্রকচর প্রোজেক্তশিং অসিদসু মতেং পাংগদবনি৷

মিনিস্ত্রী ওফ দিবেলপমেন্ত ওফ নোর্থ ইস্তর্ন রিজন(এম.দি.ও.এন.ই.আর.), সিক্কিম রাজ্যগী দাইরেক্তর অমসুং নোদেল ওফিসর, শ্রী উমেশ কুমারনা মহাক্কী সিক্কিমগী নুমিৎ হুম্নিগী খোংচৎতা ৱেস্ত সিক্কিমগী দিস্ত্রিক কল্লেক্তর, শ্রী কর্ম আর. বোনপোগা লোইননা রিভ্যু মীফম অমা পাংথোকখি৷ এনিমেল হসবেন্দরী অমদি ভেতিরিনরী সর্ভিসেস দিপার্তমেন্তগী ওফিসিয়েলশিংসু শরুক য়াখি৷ সিক্কিমগী নোংচুপ থংবা জিলা অসিবুসু লৈবাক অসিগী এস্পিরেস্নেল জিলা অমনি হায়খি৷ মীফম অসিদা খন্ন-নৈনখিবদা, চোন্থদুনা লৈরিবা প্রোজেক্তশিং য়েংশিনবা, বেকৱার্দ ব্লোক্কী মখাদা লৈরিবা খুঙ্গংগী মীওইশিংগী হিংবগী থাকশিং য়েংশিনবা অমদি নোংচুপ থংবা জিলাগী হিরম খুদিংমক্তা চাওখৎপা পুরক্নবা খন্ন-নৈনখি৷ হৌজিক হৌজিক্কী ওইনা মৈ, থক্নবা ইশিং, ব্রোদবেন্দ অমদি রোদ কন্নেক্তিবিতী দরকার ওইরিবা নোংচুপ থংবা জিলাগী মখাদা লৈরিবা খুঙ্গংশিংগী লিস্ত পীশিল্লক্নবা দিস্ত্রিক কল্লেক্তর ৱেস্ততা হায়খি৷ মীফম অসিগী মখা চত্থরকপা ওইনা দিবেলপমেন্তগী থবকশিং য়েংশিনবা অমদি পঞ্চায়ত মেম্বরশিং/সেল্ফ হেল্প গ্রুপশিং(এস.ঐচ.জি.শিং)/চোংগ্রাং ব্লোক্কী প্রজা মীয়ামগা উনখিবা অমদি চোংগ্রাংগী কল্চরেল সাইততা চৎখিবা অসিনা ওইখি৷

 

লোইশিল্লকপদা, মখাগী দিমান্দশিং অসি মন্ত্রালয়দা পীশিনখি:

• তাশিদিং বজারদগী গঙ্গয়াপ হোতস্প্রিং ফাওবগী লম্বী শম্নহনবা৷
• তাশিদিং লাস্সোদা কোলেজ/য়ুনিভর্সিতী শাবগী দিমান্দ৷
• সিনেক পি.ঐচ.সি. সি.ঐচ.সি.দা অপগ্রেদ তৌবা৷
• লোদুং তুরেলগা লোইননা পিউথাঙ্গদগী দিস্ত্রিক হেদক্বাতর ফাওবা থোং শম্নহনবা৷
• লেগশিপতগী চোংগ্রাং ফাওবা রোদ কার্পেতিং তৌবা৷
• ইন্দোর ফেসিলিতী হাপতুনা তাশিদিংগী কম্ম্যুনিতী হোল শেমগৎপা৷
• তাশিদিং বজারদা কার পার্কিং থম্বা৷
• লিঙ্গদিং অমসুং নর্ধঙ্গগী মরক্তা থোং শেমদুনা শম্নহনবা৷

******

(Release ID: 1779447) Visitor Counter : 125