হৌখিবা চহি ৩গী মতম মনুংদা, মখাগী গ্রীনফীল্দ এয়রপোর্ত তরুক অসি মথৌ তৌবা হৌখি: কেরলাদা কান্নুর এয়রপোর্ত (২০১৮), সিক্কিমদা পাকয়োং এয়রপোর্ত (২০১৮), কর্নাতকাদা কালাবুরাগি এয়রপোর্ত (২০১৯), আন্ধ্র প্রদেশতা কুর্নুল এয়রপোর্ত (২০২১), মহারাস্ত্রদা সিন্ধুদুর্গ এয়রপোর্ত (২০২১) অমসুং উত্তর প্রদেশতা কুশিনগর এয়রপোর্ত (২০২১)। মসিগী মথক্তা, হৌখিবা চহি ৩গী মনুংদা, মহারাস্ত্রদা নবি মুম্বাই, গৱাদা মোপা, রাজকোৎতা হিরাসার, উত্তর প্রদেশতা জেৱার (নোইদা) অমসুং ইতানগর, অরুনাচল প্রদেশতা হোল্লোনগিদা গ্রীনফীল্দ এয়রপোর্তশিংগী শেমগৎ শাগৎপা চত্থরি।

মসিগী মথক্তা, ভারত সরকারগী “উরে দেশ কা আম নাগরিক” (উরান) স্কিমগী মখাদা হৌখিবা চহি ৩দা অপুনবা এয়রপোর্ত/এয়রস্ত্রিপ ৪২ মথৌ তৌখ্রে।

ভারত সরকারনা গৱাদা মোপা এয়রপোর্ত, মহারাস্ত্রদা নবি মুম্বাই এয়রপোর্ত, বিজাপুর এয়রপোর্ত, কর্নাতকাদা হাসন এয়রপোর্ত অমসুং শিমোগা এয়রপোর্ত, পুদুচেরীদা করাইকাল এয়রপোর্ত, গুজরাত্তা ধোলেরা এয়রপোর্ত অমসুং ইলিরাসার এয়রপোর্ত, আন্ধ্র প্রদেশতা দগাদর্তি এয়রপোর্ত অমসুং ভোগাপুরম এয়রপোর্ত, উত্তর প্রদেশতা জেৱার (নোইদা) এয়রপোর্ত, মধ্য প্রদেশতা দাতিয়া এয়রপোর্ত অমসুং অরুনাচল প্রদেশ, ইতানগরদা হোল্লোনগি এয়রপোর্ত্তা গ্রীনফীল্দ এয়রপোর্ত ১৩গী দিবেলপমেন্তকীদমক “ইন প্রিন্সিপল” এপ্রুবেল গ্রান্ত তৌখ্রে।

ইনফোর্মেসন অসি ঙসি লোক সভাদা হংলকপা ৱাহং অমদা অইবা পাউখুম অমদা সিভিল এভিয়েসন মন্ত্রালয়গী রাজ্য মন্ত্রী জেনরেল(দি.আর.) ভি.কে. সিংহ (রিতয়ার্দ)না পীখিবনি।

***