لیفٹننٹ جنرل منوج کمار ماگو نے 30 نومبر ، 2021 ء کو  نئی دلّی میں  نیشنل ڈیفنس کالج ( این ڈی سی ) کے 34 ویں کمانڈنٹ کے طور پر ایئر مارشل  ڈی چودھری سے   عہدے کا چارج لیا  ۔

          لیفٹننٹ  جنرل منوج کمار ماگو  دہرہ دون کی انڈین ملٹری اکیڈمی  کے طالب  علم رہے ہیں ۔ انہوں نے 15 دسمبر ، 1984 ء کو گارڈس کی 7 ویں بٹالین بریگیڈ میں کمیشن لیا اور بعد میں  16 گارڈس کی کمان سنبھالی ۔

          36 سال پر محیط  اپنے فوجی کیریئر میں جنرل آفیسر نے  آپریشنل ماحول میں چیلنج بھرے عہدوں پر  کمان کی  ۔ انہوں نے چیلنج بھرے انفینٹری بریگیڈ کی کمان سنبھالی اور جموںو کشمیر میں کنٹرول لائن پر  انفینٹری ڈویژن کی کمان سنبھالی ۔

          لیفٹننٹ جنرل منوج کمار ماگو نے ویلنگٹن کے ڈیفنس سروس اسٹاف کالج  میں تربیت  حاصل کی ہے  اور اعلیٰ کمان اور نیشنل ڈیفنس  کالج کے کورس مکمل کئے  ہیں ۔ انہوں نے  ماؤنٹین بریگیڈ  کے بریگیڈ میجر ( انسدادِ شورش کے آپریشن ) اور جموں و کشمیر میں ملٹری آپریشن کے ڈائریکٹوریٹ کے ڈائریکٹر  کے طورپر بھی فرائض انجام دیئے ہیں ۔ جنوبی کمان کے صدر دفتر میں ڈپٹی ملٹری سکریٹری  رہے ہیں ۔  جناب ماگو آرمی وار کالج مؤ کے سینئر کمان وِنگ  کے ڈائریکٹنگ اسٹاف  اور   معروف انسدادِ شورش اور جنگل وار فیئر اسکول  کے کمانڈنٹ  میں سے ایک رہے ہیں ۔

          انہیں منفرد خدمات کے لئے یُدھ سیوا میڈل اور دو مرتبہ  سینا میڈل سے نوازا گیا ۔ جنرل آفیسر نے  صومالیہ میں اقوامِ متحدہ کے قیام امن کورس ( یو  این او ایس او  ایم – II ) اور کانگو میں  فورس چیف  آف اسٹاف ( ایم او این یو ایس سی او ) رہے ہیں ، جہاں انہیں  فورس کمانڈر  ( ایم او این یو ایس سی او ) کے توصیف نامے سے سرفراز کیا گیا ۔

          این ڈی سی کے کمانڈنٹ  کا عہدہ سنبھالنے سے پہلے لیفٹننٹ جنرل منوج کمار ماگو  10 ویں کور پس  کی کمان سنبھالے ہوئے تھے ۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( ش ح  ۔ و ا ۔ ع ا ) 

U. No.  13498

(Release ID: 1776650) Visitor Counter : 127