نئی دلّی ،29 نومبر/ اقلیتی امور کی وزارت چھ نوٹیفائیڈ اقلیتی برادریوں یعنی سکھ ، جین ، مسلمان ، عیسائی ، بودھ اور پارسی  سے تعلق رکھنے والے  طلباء / امید واروں کو  پبلک سیکٹر کی کمپنیوں ، بینکوں ، انشورنس کمپنیوں کے ساتھ ساتھ  خود مختار اداروں سمیت مرکزی اور ریاستی حکومتوں  کے تحت  گروپ  ’ اے  ‘ ، ’ بی ‘ اور ’ سی ‘ کی ملازمتوں میں بھرتی کے لئے  مسابقتی امتحانوں اور تکنیکی / پیشہ ورانہ کورسوں میں داخلے کے لئے ہونے والے امتحانات میں  پاس ہونے کی خاطر خصوصی کوچنگ  کے ذریعے  مفت کوچنگ  اور متعلقہ اسکیم ( نیا سویرا ) کو نافذ کرتی ہے ۔  یہ اسکیم پورے ملک میں پروجیکٹ نافذ کرنے والی ایجنسیوں / غیر سرکاری تنظیموں ( این جی اوز ) کے ذریعے نافذ کی جاتی ہے ۔

          پچھلے چار برسوں کے دوران ( 18-2017 ء سے 21-2020 ء تک ) چھ نوٹیفائیڈ برادریوں سے تعلق رکھنے والے 36839 طلباء / امید واروں  نے فائدہ حاصل کیا ہے ۔  پچھلے چار برسوں کے دوران ریاستوں کے حساب سے فیض پانے والے طلباء کی تعداد کی تفصیلات ضمیمے میں دی گئی ہیں ۔ اس اسکیم کے تحت مدد کی بنیاد پر فیض پانے والوں کے اعداد و شمار  تیار نہیں کئے جاتے ۔

          اسکیم شروع ہونے کے بعد سے اسکیم کے نفاذ کے لئے 344.24 کروڑ روپئے استعمال کئے جا چکے ہیں ۔

          نیا سویرا اسکیم اقلیتی برادریوں کے  اقتصادی طور پر کمزور طبقے  ( ای ڈبلیو ایس ) کے طلباء / امید  واروں  کے لئے ، جن کی کنبے کی سالانہ آمدنی 6 لاکھ روپئے سے کم ہے ، فلاح و بہبود کے لئے نافذ کی جاتی ہے اور دیہی یا شہری زون کے لئے  علیحدہ زمرہ فراہم نہیں کیا گیا ہے ۔ 30 فی صد سیٹیں اقلیتوں سے تعلق رکھنے والی طالبات  کے لئے ریزرو ہیں ۔

 

ضمیمہ

 

 

          مذکورہ معلومات  آج اقلیتی امور کے مرکزی وزیر جناب مختار عباس نقوی نے راجیہ سبھا میں ایک تحریری جواب میں فراہم کیں  ۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( ش ح  ۔ و ا ۔ ع ا ) (29-11-2021)

U. No.  13458

(Release ID: 1776234) Visitor Counter : 110