حکومت ہند کی مواصلات کی وزارت کے  مواصلات کے محکمے نے اشارہ دیا ہے کہ اسٹار لنک انٹرنیٹ سروسز  کو  یہ لائسنس حاصل نہیں ہے کہ وہ بھارت میں سٹیلائٹ پر مبنی  انٹرنیٹ خدمات کی پیش کش کرے، جس کی  کہ عوامی سطح پر تشہیر کی جارہی ہے۔

یہ بات علم میں آئی ہے کہ  میسرز  اسٹار لنک نے  بھارت میں سٹیلائٹ پر مبنی  اسٹار لنک انٹرنیٹ سروسز  کی، ماقبل – فروخت / بکنگ شروع کردی ہے۔ اسے اسٹار لنک کی  ویب سائٹ (www.starlink.com)   بھی دیکھا جاسکتا ہے، جس میں سٹیلائٹ پر مبنی انٹرنیٹ خدمات کو بھارتی علاقے میں صارفین کی طرف سے  بک کرایا جاسکتا ہے۔

بھارت میں سٹیلائٹ پر مبنی خدمات  فراہم کرنے کے لئے  حکومت ہند کے مواصلات کے محکمے کی طرف سے  لائسنس درکار ہوتے ہیں۔ لہذا  عوام کو  بڑے پیمانے پر یہ اطلاع دی جاتی ہے کہ  مذکورہ کمپنی نے  سٹیلائٹ پر مبنی  انٹرنیٹ خدمات  فراہم کرنے کے لئے کوئی لائسنس / اختیار نامہ  حاصل نہیں کیا ہے، جنہیں  ان کی  ویب سائٹ پر  بک کیا جا رہا ہے۔ اس کے مطابق  حکومت نے  کمپنی سے کہا  ہے کہ وہ  سٹیلائٹ پر مبنی  مواصلاتی خدمات فراہم کرنے کے لئے بھارتی  ضابطہ کار  کے لائحہ عمل پر   عمل در آمد کرے  اور  بھارت میں  سٹیلائٹ  انٹرنیٹ خدمات  کی بکنگ  /  فراہمی  سے  فوری طور پر گریز کرے۔

اس حقیقت کے پیش نظر  کہ اسٹار لنک کو  کوئی لائسنس  حاصل نہیں ہے، عوام کو مشورہ دیا جاتا ہے کہ وہ اسٹار لنک خدمات  کو ، جن کی تشہیر کی جاری ہے، سبسکرائب نہ کریں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح- ا س- ق ر)

U-13403

(Release ID: 1776014) Visitor Counter : 279