তুরিজম মন্ত্রালয়

নাগালেন্দগী মুখ্য মন্ত্রী শ্রী নৈফিউ রাইও অমসুং এম.ও.এস. তুরিজম শ্রী অজে ভাতনা কোহিমাদা নুমিৎ হুম্নিগী ইন্তরনেস্নেল তুরিজম মার্ত অমা হাংদোকখ্রে


তুরিজম মার্তনা নেস্নেল অমসুং ইন্তরনেস্নেল মার্কেৎতা অৱাং-নোংপোক লমদমগী তুরিজম পোতেন্সিয়েল অদু উৎপদা মাই পাক্লগনি: শ্রী নৈফিউ রাইও

অৱাং-নোপোক্তা বোর্দর তুরিজম অমসুং ৱাইল্দলাইফ তুরিজমগী অচৌবা পোতেন্সিয়েল লৈ: শ্রী অজে ভাত

Posted On: 27 NOV 2021 8:53PM by PIB Imphal

মরু ওইবা ৱারোলশিং

  • ইন্তরনেস্নেল তুরিজম মার্তনা দোমেস্তিক অমসুং ইন্তরনেস্নেল মার্কেৎতা লমদম অসিগী তুরিজম পোতেন্সিয়েল অদু উৎলি
  • এক ভারত শ্রেস্থ ভারতকী মখাদা স্তদী তুর অমগী শরুক ওইনা লৈবাক অসিদা লৈরিবা মহৈরোইশিংনা দেলিগেসন অসিদা য়াওরি
  • তুরিজমগী এস্পেক্ত কয়ামরোমদা অমসুং অৱাং-নোংপোক লমদমদা লৈরিবা অখন্নবা তুরিজম প্রদক্তশিং অমদি মখোয়গী পোতেন্সিয়েলগী মতাংদা রাজ্য সরকারশিংনা উৎপা অমসুং খন্ন-নৈনবনা থৌরম অসিগী শরুক ওইরি

ঙসি নাগালেন্দগী কোহিমাদা অৱাং-নোংপোক লমদমগীদমক নাগালেন্দগী মুখ্য মন্ত্রী শ্রী নৈফিউ রাইও, ভারত সরকারগী তুরিজম অমসুং দিফেন্সকী রাজ্য মন্ত্রী শ্রী অজে ভাত অমসুং নাগালেন্দ সরকারগী এম.এল.এ. অমদি এদভাইজর তুরিজম শ্রী ঐচ. খেহোবি য়েপুথোমিনা খুৎশম্নদুনা নুমিৎ হুম্নি শাংবা ৯শুবা ইন্তরনেস্নেল তুরিজম মার্ত হাংদোকখ্রে৷ ভারত সরকারগী সেক্রেতরী তুরিজম শ্রী আর্বিন্দ সিংহ, ভারত সরকারগী এ.দি.জি. তুরিজম শ্রীমতি রুপিন্দর ব্রার অমসুং কেন্দ্র সরকার অমদি অৱাং-নোংপোক রাজ্যশিংগী মশক নাইরবা মীওইশিংনা থৌরম অসিদা শরুক য়াখি৷ দোমেস্তিক অমসুং ইন্তরনেস্নেল মার্কেৎশিংদা লমদম অদুগী তুরিজম পোতেন্সিয়েল উৎপা অসিনা থৌরম অদুগী ওবজেক্তিবনি৷ থৌরম অদুদা নাগালেন্দগী কোফী তেবল বুক অমসু লোঞ্চ তৌখ্রে৷ এস.আই.ঐচ.এম. ওপরেসনশিংগীদমক নাগালেন্দ সরকারগী তুরিজম দিপার্তমেন্ত অমসুং ত্রেদ প্রমোসন কাউন্সিল ওফ ইন্দিয়া(তি.পি.সি.আই.)না য়ানা ৱারোল শহি পীনখ্রে৷

থৌরম অদুদা ৱা ঙাংলদুনা, কোহিমাগী ইন্তরনেস্নেল তুরিজম মার্ত অসিনা নাগালেন্দ খক্ত নত্তনা অৱাং-নোংপোক পুম্বগী তুরিজম অমসুং বিজিনেস সেক্তরদা চাওনা কান্নবা পীরগনি হায়বসি অশা অদু নাগালেন্দগী মুখ্য মন্ত্রী শ্রী নৈফিউ রাউওনা ফোংদোকখি৷ লৈবাক অসিদা অৱাং-নোংপোক্না তুরিজম অমসুং বিজিনেসকী চুনবা পন্থুংফম অমা ওইরগনি হায়না মহাক্না থাজবা ফোংদোকখি৷ লাইনা-লাইচৎ অসিনা তুরিজম সেক্তরদা চাওনা অকাইবা পীরে হায়না পল্লদুনা, অসিগুম্বা থৌরম অমা কোহিমাদা শিনবিরকপা অসিগীদমক তুরিজম মন্ত্রালয়বু মহাক্না থাগৎপা ফোংদোকখি৷

মহাক্কী ৱারোলদা, মীপুম খুদিংমক অৱাং-নোংপোক্তা লাকপিয়ু, মসিদা তুরিজম পোতেন্সিয়েল চাওনা লৈ হায়না প্রধান মন্ত্রী শ্রী নরেন্দ্র মোদীনা রেদ ফোর্ততগী লাওথোকখি হায়না শ্রী অজে ভাতনা ফোংদোকখি৷ মফম অসিদা লৈরিবা মীওইশিংনা ই ইশামক্তা উৎলিবা ইচম-চমজবা মতৌ অমসুং হোস্পিতেলিতী অসি চাংদম্নিংহাই লৈতে হায়না মহাক্না ফোংদোকখি৷ তুরিজম অমসুং কল্চর অসি অমগা অমগা কমপ্লিমেন্ত ওই৷ ঐখোয়গী কল্চর অসি রিচ ওইরবদি, কল্চর অদুবু খঙনবগী খ্বাইদগী ফবা লম্বী অসি তুরিজমনি৷ তুরিজম মার্ত অসিদা ঐখোয়না দোমেস্তিক তুরিজমদা মীৎয়েং থম্লি হায়না শ্রী ভাতনা মখাতাখি৷ অৱাং-নোংপোক্তগী সেল্লর ৭৫রোম অমদি লৈবাক অসিগী সেল্লর ৫০রোম্না মার্ত অসিদা শরুক য়ারি৷ “তুরিস্তশিংগী মীৎয়েংদগী লমদম অসিগী শরুক কয়া অমা হৌজিক ফাওবা খঙবা ঙমদ্রি৷ মফম অসিদা বোর্দর তুরিজম অমসুং ৱাইল্দলাইফকী অচৌবা পোতেন্সিয়েল অমা লৈ”, হায়না মহাক্না মখাতাখি৷

চহি অসিগী ওইনদি লৈবাক অসিগী তোঙান তোঙানবা শরুকশিংদগী মহৈরোই ৫০না প্রোগ্রাম অসিগী মতেংদগী অৱাং-নোংপোক লমদমগী মরমদা খঙনবা অমসুং জ্ঞান তাহন্নবগী খুদোংচাবা অমা ফংহনখ্রে হায়না শ্রী ভাতনা মখাতানা ফোংদোকখি৷ তোঙান তোঙানবা লৈবাকশিংগী এম্বাসেদরশিংনা মখোয় মখোয়গী লৈবাক্তা লৈরিবা তুরিস্তশিংবু পুক্নিং শুমহৎতুনা ভারতকী লমদম অসিদা লাকহন্নবা ঐনা হায়জবা পাম্মী৷ ইনফ্রাস্ত্রকচর অসি শেমগৎনবা, ভারত সরকারনা ‘স্বাদেশ দর্শন’ অমসুং ‘প্রশাদ’ স্কিমশিংগী মখাদা অৱাং-নোংপোক রাজ্যশিংদা ফন্দশিং সেঙ্কসন তৌখ্রে৷ 'স্বাদেশ দর্শন' স্কিমগী মখাদা, অৱাং-নোংপোক্তা এপ্রুব তৌখিবা প্রোজেক্ত ১৬ অদু মপুং ফানা লোইশিনখিবা নত্রগা লোইশিনবা য়ানা লৈরে৷ হরাউ-তরাম্বগা লোইননা অজাদি কা অমিৃত মহোতসব পাংথোকপিনবা মহাক্না রাজ্য সরকারশিংদা হায়জখি৷

থৌরম অসিদা ৱা ঙাংলদুনা শ্রী আর্বিন্দ সিংহনা হায়খি, “ইন্তরনেস্নেল তুরিজম মার্ত অসি লৈবাক অসিগী অৱাং-নোংপোক লমদমদা খ্বাইদগী চাওবা ত্রাবেল অমসুং তুর নেতৱার্কিং ইভেন্ত অমনি৷ অৱাং-নোংপোক ভারত্তা লৈরিবা মহৌশাগী ফজবা, সেরেনিতী অমসুং একজোতিক ফ্লোরা অমসুং ফৌনা অসি তুরিজমগী মরু ওইনা ইকো-তুরিজমগী চাওখৎ-থৌরাংগী ওইনা মমল নাইদ্রবা রিসোর্সশিংনি৷ তুরিস্তশিংনা লৈননবা, চানবগী, শোপ্পিংগী অমসুং এন্তরতেনমেন্তগী ফেসিলিতীশিং অসি চাওনা ফগৎলক্লি৷” ত্রাবেল অমসুং তুরিজম অসি মালেম পুম্বদা এক্সপোর্তশিং অমসুং প্রোস্পরিতী লৈহল্লিবা মালেমগী খ্বাইদগী চাওবা ইকোনোমিক সেক্তরশিংগী মনুংদা অমনি হায়না শ্রী সিংহনা মখাতাখি৷ ইন্দিয়ন তুরিজম সেক্তরনা ইন্দিয়ন ইকোনোমীগী গ্রোথ লাকহনবগী মরু ওইবা দ্রাইভরশিংগী মনুংদা অমা ওইরি৷ অৱাং-নোংপোক লমদমগী মমল লৈরবা কলচর অমসুং হেরিতেজপু মহৈরোইশিংদা খঙহনবগী তঙাই ফদবা লৈ হায়না প্রধান মন্ত্রীনা ফোংদোকখিবা অদুনা ঙসি থৌরম অসিদা লৈবাক পুম্বদগী মহৈরোইশিংনা থৌরম অসিদা শরুক য়ারিবনি হায়না শ্রী আর্বিন্দ সিংহনা মখাতানা ফোংদোকখি৷

থৌরম অসিদা হাই কম্মিশনার, ব্রুনৈ দারুসালম, মালেসিয়াগী হাই কম্মিশনার, রিপব্লিক ওফ দি য়ুনিয়ন ওফ ম্যানমারগী এম্বাসেদর এক্সত্রা ওর্দিনরী, দি সোসিয়েলিস্ত রিপব্লিক ওফ বিয়েতনামগী এম্বাসেদর, অতোপ্পা মশক নাইবা মীওইশিং অমসুং দিপ্লোমেতশিংনা শরুক য়াখি৷ শরুক য়ারিবা মন্ত্রালয়শিং/সরকারগী বোদীশিংদগী অতোপ্পা থাক ৱাংনা পাইরিবা ওপিসিয়েলশিংসু থৌরম অসিদা শরুক য়াখি৷ নুমিৎ হুম্নিগী থৌরম অসিদা সরকারগী ওফিসিয়েলশিং, ইন্দস্ত্রী স্তেকহোল্দরশিং অমসুং লোকেল পার্তিসিপেন্তশিং য়াওনা দিলিগেৎ ৩০০ হেনবনা শরুক য়াগনি৷ প্রধান মন্ত্রীগী বিজন “এক ভারত শ্রেস্থ ভারত”কা মরী লৈননা,  দিলিগেসন অসিদা স্তদী তুর অমগী শরুক অমা ওইনা শরুক য়ারিবা মহৈরোইশিংনা লমদম অদুদা লৈরিবা মহৈরোইশিংগা ৱারি-ৱাতায় শানরগনি৷

বাইয়রশিং, সেল্লরশিং, মেদিয়া, সরকারগী এজেন্সীশিং অমসুং অতোপ্পা স্তেকহোল্দরশিংগী মরক্তা ইন্তরেক্সন তৌবা লাইহন্নবা থৌরম অসি প্লান তৌখিবনি অমদি মতম লেপখিবনি৷ লৈবাক অসিগী তোঙান তোঙানবা লমদমগী বাইয়র ৫০রোম্না মার্ত অসিদা শরুক য়াগনি অমদি অৱাং-নোংপোক লমদমদগী লাক্লিবা সেলর ৭৫গা লোইননা হকথেংননা মীফম পাংথোক্লগনি৷ মসিনা লমদম অসিগী তুরিজম প্রদক্ত সপ্লাইয়রশিংনা দোমেস্তিক বাইয়রশিং য়ৌহনবা ঙম্লগনি অমদি তুরিজম চাওখৎহনবা ঙম্লগনি৷ দোমেস্তিক বাইয়রশিংনা অৱাং-নোংপোক লমদমগী সেলরশিংগা লোইননা বিজিনেস-তু-বিজিনেস মীফমশিংসু পাংথোক্লগনি৷

মসিগী মথক্তা, থৌরম অসিদা রাজ্য সরকারশিংনা মখোয়গী তুরিজম পোতেন্সিয়েল উৎপা অমদি মশা মশাগী শরুক য়ারিবা রাজ্যশিংগী তুরিজম প্রদক্তশিং উৎনবা অৱাং-নোংপোক লমদমগী রাজ্যগী তুরিজম দিপার্তমেন্তশিংনা বাইব্রেন্দ এগজিবিসন অমসু থৌরম অসিদা য়াওরগনি৷ তুরিজমগী এস্পেক্ত কয়ামরোমদা অমসুং অৱাং-নোংপোক লমদমদা লৈরিবা অখন্নবা তুরিজম প্রদক্তশিং অমদি মখোয়গী পোতেন্সিয়েলগী মতাংদা রাজ্য সরকারশিংনা উৎপা অমসুং খন্ন-নৈনবনা থৌরম অসিগী শরুক ওইরগনি

শরুক য়ারিবা মীওইশিংগী এক্সপরিয়েন্স হেন্না লৈহন্নবা, কিসামা হেরিতেজ ভিলেজ, কিসামা ৱার ম্যুজিয়ম অমদি কোহিমা ৱার্ল্দ ৱার II  সিমিত্রী অমদি মোরুঙ্গস, খোনোমা ভিলেজতা খোঙচৎ অমা চৎনবা মন্ত্রালয় অসিনা শিনখি৷ বিজিতিং দেলিগেসন অদুনা লোকেল কম্ম্যুনিতী, তোকেল আর্ত অমসুং কলচর অমদি নাগালেন্দগী রিচ হেরিতেজ অদুদা ফেমিলিয়র ওইরগনি৷

রোতেসন বেসিস অমদা অৱাং-নোংপোক রাজ্যশিংদা ইন্তরনেস্নেল তুরিজম মার্তশিং শিল্লি৷ নাগালেন্দনা ইহান হানবা ওইনা মার্ত অসি শিল্লি৷ মার্ত অসিগী মমাংগী ইদিসনশিং অদু গুৱাহতি(অসাম), তৱাঙ্গ(অরুনাচল প্রদেশ), শিল্লোং(মেঘালয়), গেংতোক(সিক্কিম), অগর্তালা(ত্রিপুরা) অমসুং ইম্ফাল(মনিপুর)দনি৷

*****



(Release ID: 1775873) Visitor Counter : 131


Read this release in: English , Urdu , Hindi , Punjabi