মরু ওইবা হাইলাইতশিং

• ইন্তরনেস্নেল তুরিজম মার্তনা দোমেস্তিক অমসুং ইন্তরনেস্নেল মার্কেৎতা লমদম অসিগী তুরিজম পোতেন্সিয়েল অদু উৎলগনি
• এক ভারত শ্রেস্থ ভারতকী মখাদা স্তদী তুর অমগী শরুক ওইনা লৈবাক অসিদা লৈরিবা মহৈরোইশিংনা দেলিগেসন অসিদা য়াওরগনি
• তুরিজমগী এস্পেক্ত কয়ামরোমদা অমসুং অৱাং-নোংপোক লমদমদা লৈরিবা অখন্নবা তুরিজম প্রদক্তশিং অমদি মখোয়গী পোতেন্সিয়েলগী মতাংদা রাজ্য সরকারশিংনা উৎপা অমসুং খন্ন-নৈনবনা থৌরম অসিগী শরুক ওইরগনি

দোমেস্তিক অমসুং ইন্তরনেস্নেল মার্কেৎতা অৱাং-নোংপোক লমদমগী তুরিজম পোতেন্সিয়েল অদু উৎনবগী ওবজেক্তিব অসিগা লোইননা ভারত সরকারগী তুরিজম মন্ত্রালয়না ২০২১গী নবেম্বর ২৭তগী নবেম্বর ২৯ ফাওবা নাগালেন্দগী কোহিমাদা চহিগী ওইবা থৌরম “ইন্তরনেস্নেল তুরিজম মার্ত” শিল্লি৷ নাগালেন্দগী মুখ্য মন্ত্রী শ্রী নৈফিউ রাউও, ভারত সরকারগী তুরিজম অমসুং দিফেন্সকী রাজ্য মন্ত্রী শ্রী অজে ভাত অমসুং নাগালেন্দ সরকারগী এম.এল.এ. অমসুং এদভাইজর তুরিজম, শ্রী ঐচ. খেহোবি য়েপুথোমিনা থৌরম অসি হৌদোক্লগনি৷ থৌরম অসিদা কেন্দ্র মন্ত্রালয়শিংগী অমসুং অৱাং-নোংপোক রাজ্যশিংগী অতোপ্পা মশক নাইরবা মীওইশিংবু শরুক য়াগনি৷ থৌরম অসি অৱাং-নোংপোক লমদমদা তুরিজম চাওখৎনবগী লম্বী অদু খন্ন-নৈননবা অসাম রাজ্যদা ২০২১গী সেপ্তেম্বর থাদা পাংথোকখিবা অৱাং-নোংপোক লমদমগী তুরিজম অমসুং কলচর মন্ত্রীশিংগী কনফরেন্স অদুগী মখাদা চৎথরকপনি৷

মার্তকী ইদিসন অসিনা “দোমেস্তিক তুরিজম”দা স্পোতলাইত অমা থম্লগনি৷ অৱাং-নোংপোক লমদমদা তুরিজম চাওখৎনবগীদমক খন্ন-নৈনরিবা অসিগী মথক্তা, মার্ত অসিনা কলচরগী ওইবা মরীশিং ফগৎহন্নবগীদমক প্লেতফোর্ম অমসু পীরগনি অমদি অৱাং-নোংপোক লমদমগী রাজ্যশিংবু লৈবাক অসিগী অতোপ্পা শরুকশিংগা হেন্না শম্নহল্লগনি৷

নুমিৎ হুম্নিগী থৌরম অসিদা সরকারগী ওফিসিয়েলশিং, ইন্দস্ত্রী স্তেকহোল্দরশিং অমসুং লোকেল পার্তিসিপেন্তশিং য়াওনা দিলিগেৎ ৩০০ হেনবনা শরুক য়াগনি৷ থৌরম অসিদা হাই কম্মিশনার, ব্রুনৈ দারুসালম, মালেসিয়াগী হাই কম্মিশনার, রিপব্লিক ওফ দি য়ুনিয়ন ওফ ম্যানমারগী এম্বাসেদর এক্সত্রা ওর্দিনরী, দি সোসিয়েলিস্ত রিপব্লিক ওফ বিয়েতনামগী এম্বাসেদর, অতোপ্পা মশক নাইবা মীওইশিং অমসুং দিপ্লোমেতশিংনা শরুক য়াখি৷ শরুক য়ারিবা মন্ত্রালয়শিং/সরকারগী বোদীশিংদগী অতোপ্পা থাক ৱাংনা পাইরিবা ওপিসিয়েলশিংসু থৌরম অসিদা শরুক য়াখি৷ প্রধান মন্ত্রীগী বিজন “এক ভারত শ্রেস্থ ভারত”কা মরী লৈননা,  দিলিগেসন অসিদা স্তদী তুর অমগী শরুক অমা ওইনা শরুক য়ারিবা মহৈরোইশিংনা লমদম অদুদা লৈরিবা মহৈরোইশিংগা ৱারি-ৱাতায় শানরগনি৷

বাইয়রশিং, সেল্লরশিং, মেদিয়া, সরকারগী এজেন্সীশিং অমসুং অতোপ্পা স্তেকহোল্দরশিংগী মরক্তা ইন্তরেক্সন তৌবা লাইহন্নবা থৌরম অসি প্লান তৌখিবনি অমদি মতম লেপখিবনি৷ লৈবাক অসিগী তোঙান তোঙানবা লমদমগী বাইয়র ৫০রোম্না মার্ত অসিদা শরুক য়াগনি অমদি অৱাং-নোংপোক লমদমদগী লাক্লিবা সেলর ৭৫গা লোইননা হকথেংননা মীফম পাংথোক্লগনি৷ মসিনা লমদম অসিগী তুরিজম প্রদক্ত সপ্লাইয়রশিংনা দোমেস্তিক বাইয়রশিং য়ৌহনবা ঙম্লগনি অমদি তুরিজম চাওখৎহনবা ঙম্লগনি৷ দোমেস্তিক বাইয়রশিংনা অৱাং-নোংপোক লমদমগী সেলরশিংগা লোইননা বিজিনেস-তু-বিজিনেস মীফমশিংসু পাংথোক্লগনি৷

মসিগী মথক্তা, থৌরম অসিদা রাজ্য সরকারশিংনা মখোয়গী তুরিজম পোতেন্সিয়েল উৎপা অমদি মশা মশাগী শরুক য়ারিবা রাজ্যশিংগী তুরিজম প্রদক্তশিং উৎনবা অৱাং-নোংপোক লমদমগী রাজ্যগী তুরিজম দিপার্তমেন্তশিংনা বাইব্রেন্দ এগজিবিসন অমসু থৌরম অসিদা য়াওরগনি৷ তুরিজমগী এস্পেক্ত কয়ামরোমদা অমসুং অৱাং-নোংপোক লমদমদা লৈরিবা অখন্নবা তুরিজম প্রদক্তশিং অমদি মখোয়গী পোতেন্সিয়েলগী মতাংদা রাজ্য সরকারশিংনা উৎপা অমসুং খন্ন-নৈনবনা থৌরম অসিগী শরুক ওইরগনি

শরুক য়ারিবা মীওইশিংগী এক্সপরিয়েন্স হেন্না লৈহন্নবা, কিসামা হেরিতেজ ভিলেজ, কিসামা ৱার ম্যুজিয়ম অমদি কোহিমা ৱার্ল্দ ৱার II  সিমিত্রী অমদি মোরুঙ্গস, খোনোমা ভিলেজতা খোঙচৎ অমা চৎনবা মন্ত্রালয় অসিনা শিনখি৷ বিজিতিং দেলিগেসন অদুনা লোকেল কম্ম্যুনিতী, তোকেল আর্ত অমসুং কলচর অমদি নাগালেন্দগী রিচ হেরিতেজ অদুদা ফেমিলিয়র ওইরগনি৷

রোতেসন বেসিস অমদা অৱাং-নোংপোক রাজ্যশিংদা ইন্তরনেস্নেল তুরিজম মার্তশিং শিল্লি৷ নাগালেন্দনা ইহান হানবা ওইনা মার্ত অসি শিল্লি৷ মার্ত অসিগী মমাংগী ইদিসনশিং অদু গুৱাহতি(অসাম), তৱাঙ্গ(অরুনাচল প্রদেশ), শিল্লোং(মেঘালয়), গেংতোক(সিক্কিম), অগর্তালা(ত্রিপুরা) অমসুং ইম্ফাল(মনিপুর)দনি৷

******

(Release ID: 1775484) Visitor Counter : 122