প্রধানমন্ত্রীগী লোইশঙ
সুপ্রিম কোর্তনা শিনবা কন্সতিত্যুসন দে থৌরমদা পি.এম.না ৱা ঙাংখ্রে
“ঐখোয় পুম্বা শক্লোন তোঙানবা য়াই, ইথৌদাং তোঙানবা য়াই, ঐখোয়গী থবক খুৎশু তোঙানবা য়াই, অদুবু ঐখোয়গী থাজবা, ইথিল অমসুং শক্তিগী হৌরকফমদি চপ মান্নৈ – ঐখোয়গী কন্সতিত্যুসন”
“সবকা সাথ-সবকা বিকাস, সবকা বিস্বাস-সবকা প্রয়াস, হায়বা অসি কন্সতিত্যুসনগী ইথিলগী খ্বায়দগী শক্তি লৈবা খুদম অমনি। সরকারনা কন্সতিত্যুসন্দা কৎথোক্লি, চাউখৎ থৌরাংদা খেন্নবা থমদে”
“ভারত অসি মতমগা মাংওইননা পেরিস এগ্রিমেন্তকী পন্থুং ফংবা লৈবাক্নি। অদুম ওইনমক, অকোইবগী মিংদা, ভারত্তা প্রেসর কয়া অমা থোক্লক্লি। মসি পুম্নমক অসি কোলোনিএল ওইবা ৱাখল্লোনগী মহৈনি”
“শক্তি খায়দোক্নবগী অকনবা য়ুমফম অসিদা, ঐখোয়না অপুনবগী থৌদাংগা লোয়ননা লম্বী অমদা চৎমিন্নবা, লম্বী পরিং অমা শেম্বা, পান্দম অমা লেপ্পা অমসুং লৈবাক অসিবু মসিগী পন্থুং য়ৌহনবা তাই”
Posted On:
26 NOV 2021 7:20PM by PIB Imphal
প্রধান মন্ত্রী নরেন্দ্র মোদীনা ঙসি সুপ্রিম কোর্তনা শিনবা কন্সতিত্যুসন দে থৌরমদা পি.এম.না ৱা ঙাংখ্রে। ভারতকী চীফ জস্তিস শ্রী জস্তিস এন.ভি. রামানা, কেন্দ্রগী মন্ত্রী শ্রী কিরেন রিজুজু, সেনিয়র সুপ্রিম কোর্ত অমসুং হায় কোর্ত জস্তিসেস, ভারতকী এত্রোনী জেনেরেল শ্রী কে. কে. বেনুগোপাল অমসুং সুপ্রিম কোর্ত বার এসোসিএসনগী প্রসিদেন্ত শ্রী বিকাস সিংহনা থৌরম অসিদা শরুক য়াখি।
মীতিন অসিদা ৱা ঙাংলদুনা, প্রধান মন্ত্রীনা হায়খি অয়ুক্তা মহাক্না লেজিস্লেতর অমসুং একজিক্যুতিবকী কোলিকশিংগা পুনখি। অমদি হৌজিক্না মহাক্না জুদিসিএরীদা নিংথিনা খঙলবা মেম্বরশিংগী মরক্তা লৈরি। “ঐখোয় পুম্বা শক্লোন তোঙানবা য়াই, ইথৌদাং তোঙানবা য়াই, ঐখোয়গী থবক খুৎশু তোঙানবা য়াই, অদুবু ঐখোয়গী থাজবা, ইথিল অমসুং শক্তিগী হৌরকফমদি চপ মান্নৈ – ঐখোয়গী কন্সতিত্যুসন”, হায়না প্রধান মন্ত্রীনা মরুওইবা পীখি।
প্রধান মন্ত্রীনা হায়খি মদুদি ঐখোয়গী কন্সতিত্যুসন শেম্বশিংনা ঐখোয়দা ভারতকী চহি লিশিং কয়া অমসুং নিং তম্বগী মঙালগী আসাদা হিংজরম্বা অমসুং শিখ্রবা গী ফজরবা কন্সতিত্যুসন পীরি।
প্রধান মন্ত্রীনা মরুওইবা পীখি মদুদি নিং-খা তম্লবা মতুং চহি কয়া অমগী মতুংদসু, নাগরীক কয়া অমনা নোংমদা চংদবা য়াদ্রবা তঙাইফদবশিং হায়বদি থক্ননবা ঈশিং, তোইলেৎশিং, ইলেক্ত্রিসিতী অসিনচিংবশিং অসিদা অৱাবা মায়োক্নরি হায়না নুংনাংবা ফোংদোক্নরি। মখোয়গী পুন্সিবু হেন্না নুঙাইবা অমা ওইহনবা হায়বা অসি কন্সতিত্যুসন্দা ইকাই খুম্নবা পীবনি। মহাক্না অপেনবা ফোংদোকখি মদুদি লৈবাক অসিদা মসিগী এক্সক্লুজন অসি কনক্লুজন্দা ওন্থোক্নবা কেম্পেন চৎথরিবা অসিনি।
প্রধান মন্ত্রীনা হায়খি কোরোনা মতমদা, থা কয়া অমা মীওই কোতি ৮০ হেন্না লেম্না চেং-হৱায় ফংহনখি। সরকারনা পি.এম. গরিব কল্যন অন য়োজনাগী মখাদা লুপা কোতি লাখ ২ লিশিং ৬০ হেন্না চাদিং তৌদুনা লায়রবশিংদা চেং-হৱায় পীখি। মহাক্না মখা তাখি মদুদি স্কীম অসি মথং চহিগী মার্চ ফাওবা ঙরাং শাংদোকখ্রে। মহাক্না হায়খি তঙাইফদবা অমসুং লায়রবগী মতাং লাকপদা, নুপী, ত্রান্সজেন্দর, স্ত্রীত ভেন্দরশি, দিব্যাং অমসুং অতৈ সেগমেন্তশিংদা কোকহনবদা, মখোয়না লৈবাক অমা শেমগৎপদা য়াওশিল্লকই অমসুং মখোয়না কন্সতিত্যুসন্দা থাজবা হেনগৎলকই।
প্রধান মন্ত্রীনা হায়খি সবকা সাথ-সবকা বিকাস, সবকা বিস্বাস-সবকা প্রয়াস, হায়বা অসি কন্সতিত্যুসনগী ইথিলগী খ্বায়দগী শক্তি লৈবা খুদম অমনি। সরকারনা কন্সতিত্যুসন্দা কৎথোক্লি, চাউখৎ থৌরাংদা খেন্নবা থমদে। ঙসিদি লায়ররবদগী খ্বায়দগী লায়ররবশিংনা অতৈ মীওইশিংনা ফংফম থোকপা ফংলিবা অদুগুম্না অফবা মখলগী ইনফ্রাস্ত্রকচর চপ মান্ননা ফংলি। ঙসিদি লৈবাক অসিনা মেত্রো সিতীশিং হায়বদি দিল্লী অমসুং মুম্বাইদা পীবগুম্না লাদাথ, আন্দমান অমসুং অৱাং-নোংপোক্কী চাউখৎ থৌরাংদা মিৎয়েং চংলি হায়না মহাক্না হায়খি।
হন্দক্তা নেস্নেল ফেমিলী হেলথ সর্ভেনা থোকখিবা রিজল্ত অমদা ৱাফম থমদুনা প্রধান মন্ত্রীনা হায়খি মদুদি জেন্দর খেন্নবা অসিদা, হৌজিক্তি নুপামচাশিংগা য়েংনবদা নুপীমচাগী মশিং হেনগৎলক্লে। মীরোলবী নুপীশিংগী হোস্পিতালদা অঙাক পোকপগী খুদোংচাবা হেন্না ফংলে। মাতর্নেল মোর্তালিতী চাং মতুং ইন্না, অঙাং শিবগী চাংসু হন্থরক্লি।
প্রধান মন্ত্রীনা হায়খি ঙসিদি মালেম অসিদা অতোপ্পা লৈবাক অমনগী কোলোনী লৈবা লৈবা অমত্তা লৈত্রে। অদুবু কোলোনীগী ৱাখল্লোন অসিদি লোইবা নত্ত্রি। “ঐখোয়না মসিগী ৱাখল্লোন অসি মফম কয়া অমদা উবা ফংলি। খ্বায়দগী তশেংনা খুদম অমা উবা হায়রগদি মসিগী খোঙয়েৎ অসি চাউখৎলক্লিবা লৈবাকশিংগী চাউখৎ লম্বীদা মায়োক্নরি। চাউখৎলক্লিবা লৈবাকশিং অসিদা চপ মান্ননা পাম্বৈ থীদুনা, মান্নবা লম্বী অমদা চাউখৎলবা লৈবাকশিংনা তৌখিবা অসুম্না তৌনবা কন্না হোৎনরি”, হায়না মহাক্না হায়খি। প্রধান মন্ত্রীনা পনখি মদুদি ভারত অসি মতমগা মাংওইননা পেরিস এগ্রিমেন্তকী পন্থুং ফংবা লৈবাক্নি। অদুম ওইনমক, অকোইবগী মিংদা, ভারত্তা প্রেসর কয়া অমা থোক্লক্লি। মসি পুম্নমক অসি কোলোনিএল ওইবা ৱাখল্লোনগী মহৈনি। মহাক্না হায়খি “লাইবক থিবদি অসিগুম্বা ৱাখল্লোন অসিনা, ঐখোয়গী ইশামক্কী লৈবাক অসিদা চাউখৎ থৌরাং কয়াদা অয়েৎপা কয়া অমা লৈরি। করিগুম্বা মতমদা নিংতম্বগী মিংদা অমসুং করিগুম্বা মতমদা অতোপ্পা অমা” , হায়না মহাক্না মরুওইবা পীখি। মহাক্না মখা তাখি মদুদি অসিগুম্বা কোলোনীগী ৱাখল্লোন অসিনা নিংতম খোঙজংদসু অয়েৎপা কয়া অম ওইখি। “ঐখোয়না মসি লৌথোক্কদবনি। মসিগীদমক, ঐখোয়গী খ্বায়দগী চাউবা থৌনা, ঐখোয়গী কন্সতিত্যুসন অসিনি”, হায়না মহাক্না হায়খি।
প্রধান মন্ত্রীনা হায়খি মদুদি সরকার অমসুং জুদিসরী অনিমক কন্সতিত্যুসনগী পুকনুংদগী পোক্লকপনি। মরম অদুনা, অনিমক ফাইবোক্নি। অনি অসি লৈরম্লিবা অসি কন্সতিত্যুসন লৈবননি। মরম অদুনা, খরা পাক চাউনা য়েংবা মতমদা, অনি অসি য়াম্না চাউনা খেন্নরবসু অমগা অমগা য়াম্না নক্নৈ। মহাক্না শক্তি খায়দোক্নবগী ৱাখল্লোন্দা মরুওইবা পীদুনা হায়খি মদুদি, অমৃত কালদা, মীচম অমনা মহাক্না হৌজিক ওইরিবা অসিদগী হেন্না মতিক চাই হায়দুনা অপুনবা ইথিল অমগা লোয়ননা উৎপা অমা চংই। “শক্তি খায়দোক্নবগী অকনবা য়ুমফম অসিদা, ঐখোয়না অপুনবগী থৌদাংগা লোয়ননা লম্বী অমদা চৎমিন্নবা, লম্বী পরিং অমা শেম্বা, পান্দম অমা লেপ্পা অমসুং লৈবাক অসিবু মসিগী পন্থুং য়ৌহনবা তাই” হায়দুনা মহাক্না লোইশিনখি।
***
(Release ID: 1775481)
Visitor Counter : 138
Read this release in:
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam