‘ਰਾਜ ਕਪੂਰ :  ਦ ਮਾਸਟਰ ਐਟ ਵਰਕ ਇਹ ਕਿਤਾਬ ਸ਼ੋਅਮੈਨ ਰਾਜ ਕਪੂਰ ਬਾਰੇ ਨਹੀਂ ਹੈ,  ਬਲਕਿ ਉਨ ‘ਰਾਜ ਕਪੂਰ’  ਬਾਰੇ ਹੈ ਜੋ ਇੱਕ ਜਨੂਨੀ ਕਰਮਕਾਰ ਅਤੇ ਪੇਸ਼ੇਵਰ ਸਨ।  ਇਹ ਗੱਲ ਅਨੁਭਵੀ ਫ਼ਿਲਮਕਾਰ ਅਤੇ ਇਸ ਕਿਤਾਬ ਦੇ ਲੇਖਕ ਰਾਹੁਲ ਰਵੈਲ ਨੇ ਕਹੀ ਜੋ ਗੋਆ ਵਿੱਚ 20 - 28 ਨਵੰਬਰ  ਦੇ ਦੌਰਾਨ ਆਯੋਜਿਤ 52ਵੇਂ ਭਾਰਤੀ ਅੰਤਰਰਾਸ਼ਟਰੀ ਫਿਲਮ ਫੈਸਟੀਵਲ  ( ਇੱਫੀ )  ਵਿੱਚ ਅੱਜ 24 ਨਵੰਬਰ ,  2021 ਨੂੰ ਇਸ - ਕਨਵਰਸੇਸ਼ਨ ਸ਼ੈਸਨ ਵਿੱਚ ਹਿੱਸਾ ਲੈ ਰਹੇ ਸਨ।  ਇਸ ਸ਼ੈਸਨ ਵਿੱਚ ਰਾਜ ਕਪੂਰ  ਦੇ ਬੇਟੇ ਅਤੇ ਉੱਘੇ ਅਭਿਨੇਤਾ - ਡਾਇਰੈਕਟਰ ਅਤੇ ਨਿਰਮਾਤਾ ਰਣਧੀਰ ਕਪੂਰ ਵੀ ਮੌਜੂਦ ਸਨ ।

ਇਸ ਅਵਸਰ ‘ਤੇ ਇਸ ਕਿਤਾਬ ਦੇ ਪੋਸਟਰ ਰਾਹੁਲ ਰਵੈਲ ਅਤੇ ਰਣਧੀਰ ਕਪੂਰ ਨੇ ਸੰਯੁਕਤ ਰੂਪ ਨਾਲ ਜਾਰੀ ਕੀਤਾ ।

ਰਵੈਲ ਨੇ ਦੱਸਿਆ ਕਿ ਸੁਰਗਵਾਸੀ ਅਭਿਨੇਤਾ ਰਿਸ਼ੀ ਕਪੂਰ ਨੂੰ ਸਮਰਪਿਤ ਇਹ ਜੀਵਨੀ 14 ਦਸੰਬਰ 2021 ਨੂੰ ਰਾਜ ਕਪੂਰ  ਦੀ 97ਵੀਂ ਜਯੰਤੀ ਦੇ ਅਵਸਰ ‘ਤੇ ਰਿਲੀਜ਼ ਹੋਵੇਗੀ ।

ਰਣਧੀਰ ਕਪੂਰ ਨੇ ਦਰਸ਼ਕਾਂ ਨੂੰ ਦੱਸਿਆ ਕਿ ਇਹ ਕਿਤਾਬ ਕਿੰਨੀ ਖਾਸ ਹੈ। ਉਨ੍ਹਾਂ ਨੇ ਕਿਹਾ, “ਮੇਰੇ ਪਿਤਾ ਇੱਕ ਮਾਸਟਰ ਸਟੋਰੀਟੈੱਲਰ ਸਨ।  ਹਾਲਾਂਕਿ ਉਨ੍ਹਾਂ ਦੀ ਵਿਰਾਸਤ ‘ਤੇ ਕਈ ਕਿਤਾਬਾਂ ਲਿਖੀਆਂ ਜਾ ਚੁੱਕੀਆਂ ਹਨ ,  ਲੇਕਿਨ ਰਾਹੁਲ ਰਵੈਲ ਜਿਨ੍ਹਾਂ ਨੇ ਮੇਰੇ ਪਿਤਾ  ਦੇ ਨਾਲ ਇੱਕ ਸਮ੍ਰਿੱਧ ਇਤਿਹਾਸ ਸਾਂਝਾ ਕੀਤਾ ਹੈ,  ਉਨ੍ਹਾਂ ਦੀ ਇਹ ਕਿਤਾਬ ਕੁਝ ਖਾਸ ਹੈ ।  ਉਨ੍ਹਾਂ ਨੇ ਕਿਹਾ ਕਿ ਇਹ ਕਿਤਾਬ ਬਹੁਤ ਚੰਗੀ ਬਣੀ ਹੈ ।

ਰਵੈਲ ਦੇ ਅਨੁਸਾਰ ,  ਇਹ ਕਿਤਾਬ ਪਾਠਕਾਂ ਨੂੰ ਉਸਤਾਦ ਫਿਲਮ ਸ਼ਿਲਪਕਾਰ ਰਾਜ ਕਪੂਰ  ਦੀ ਫਿਲਮ ਨਿਰਮਾਣ ਸ਼ੈਲੀ ਦਾ ਇੱਕ ਵਿਆਪਕ ਵੇਰਵਾ ਪ੍ਰਦਾਨ ਕਰਦੀ ਹੈ ।  ਇਹ ਕਿਤਾਬ ਨਾ ਸਿਰਫ ਉਨ੍ਹਾਂ ਦੀ ਪ੍ਰਤਿਭਾ ਨੂੰ ਟਟੋਲਣ ਦੀ ਕੋਸ਼ਿਸ਼ ਕਰਦੀ ਹੈ ਬਲਕਿ ਰਾਜ ਕਪੂਰ  ਦੇ ਪਹਿਲੇ ਕਦੇ ਨਾ ਦੇਖੇ ਗਏ ਪਹਿਲੂਆਂ ਨੂੰ ਵੀ ਸਾਹਮਣੇ ਲਿਆਉਂਦੀ ਹੈ ।  ਉਨ੍ਹਾਂ ਨੇ ਕਿਹਾ ,  “ਮੈਂ ਅੱਜ ਜਿੱਥੇ ਹਾਂ ,  ਉਨ੍ਹਾਂ ਦੀ ਵਜ੍ਹਾ ਨਾਲ ਹਾਂ ।  ਮੇਰੀ ਕਿਤਾਬ ਵਿੱਚ ਉਨ੍ਹਾਂ  ਦੇ  ਜੀਵਨ  ਦੇ ਬਹੁਤ ਸਾਰੇ ਬਿਰਤਾਂਤ ਅਤੇ ਕਿੱਸੇ ਹਨ ਜੋ ਉਨ੍ਹਾਂ  ਦੇ  ਮਜ਼ਾਕੀਆ ਸੁਭਾਅ ,  ਅੰਦਰੂਨੀ ਗੱਲਾਂ ,  ਆਪਣੇ ਫਿਲਮ ਕਿਊ  ਦੇ ਨਾਲ ਉਨ੍ਹਾਂ  ਦੇ  ਰਿਸ਼ਤਿਆਂ ,  ਭੋਜਨ ਲਈ ਉਨ੍ਹਾਂ  ਦੇ  ਜਬਰਦਸਤ ਚਾਅ ਅਤੇ ਰੂਸ  ਦੇ ਪ੍ਰਤੀ ਉਨ੍ਹਾਂ  ਦੇ  ਪਿਆਰ ਬਾਰੇ ਦੱਸਦੇ ਹਨ।”

ਇਸ ਮਹਾਨ ਫ਼ਿਲਮਕਾਰ ਦੇ ਨਾਲ ਗਹਿਰਾ ਰਿਸ਼ਤਾ ਰੱਖਣ ਵਾਲੇ ਰਵੈਲ ਨੇ ਕਿਹਾ ਕਿ ਉਹ ਇਸ ਕਿਤਾਬ ਨੂੰ ਉਨ੍ਹਾਂ ਲੋਕਾਂ ਨੂੰ ਸਮਰਪਿਤ ਕਰਨਾ ਚਾਹੁੰਦੇ ਹਨ ਜਿਨ੍ਹਾਂ ਵਿੱਚ ਫਿਲਮਮੇਕਿੰਗ  ਦੇ ਗਿਆਨ ਨੂੰ ਲੈ ਕੇ ਕਦੇ ਨਾ ਬੁਝਣ ਵਾਲੀ ਪਿਆਸ ਹੈ ।  ਉਨ੍ਹਾਂ ਨੇ ਕਿਹਾ ,  “ਰਾਜ ਕਪੂਰ  ਦੁਨੀਆ  ਦੇ ਸਭ ਤੋਂ ਚੰਗੇ ਅਧਿਆਪਕ ਸਨ ।  ਮੈਂ ਉਨ੍ਹਾਂ ਤੋਂ ਜੋ ਸ਼ਾਨਦਾਰ ਚੀਜਾਂ ਸਿੱਖੀਆਂ ਹਨ ,  ਉਨ੍ਹਾਂ ਨੂੰ ਮੈਂ ਕਦੇ ਨਹੀਂ ਭੁੱਲ ਸਕਦਾ। ਫਿਲਮਮੇਕਿੰਗ ਦੀ ਉਨ੍ਹਾਂ ਦੀ ਸ਼ੈਲੀ ਨੂੰ ਵਿਸਤ੍ਰਿਤ ਤੌਰ ‘ਤੇ ਬਿਆਨ ਕਰਨ ਲਈ ਖਾਸ ਤੌਰ ‘ਤੇ 10 ਅਧਿਆਇ ਸਮਰਪਿਤ ਕੀਤੇ ਗਏ ਹਨ। ”

ਲਵ ਸਟੋਰੀ,  ਬੇਤਾਬ ਅਤੇ ਅਰਜੁਨ ਜਿਹੀਆਂ ਵਰਨਣਯੋਗ ਫਿਲਮਾਂ ਬਣਾਉਣ ਵਾਲੇ ਪ੍ਰਸਿੱਧ ਡਾਇਰੈਕਟਰ ਰਾਹੁਲ ਰਵੈਲ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਹ ਕਬੂਲ ਕਰਨ ਵਿੱਚ ਕੋਈ ਸੰਕੋਚ ਨਹੀਂ ਹੈ ਕਿ ਉਨ੍ਹਾਂ ਨੇ ਆਪਣੀਆਂ ਕਈ ਫਿਲਮਾਂ ਵਿੱਚ ਰਾਜ ਕਪੂਰ  ਦੀ ਅਨੋਖੀ ਫਿਲਮ ਸ਼ੈਲੀ ਦੀ ਨਕਲ  ਕਰਨ ਦੀ ਕੋਸ਼ਿਸ਼ ਕੀਤੀ ਸੀ ।

ਇਸ ਕਿਤਾਬ  ਦੇ ਲਿਖਣ ਨੂੰ ਲੈ ਕੇ ਰਵੈਲ ਨੇ ਦੱਸਿਆ ਕਿ ਉਨ੍ਹਾਂ ਨੇ ਰਣਧੀਰ ਕਪੂਰ  ,  ਸਵਰਗੀ ਰਿਸ਼ੀ  ਕਪੂਰ ਅਤੇ ਸ਼੍ਰੀਮਤੀ ਕ੍ਰਿਸ਼ਣਾ ਕਪੂਰ   ਦੇ ਨਾਲ ਇਸ ‘ਤੇ ਚਰਚਾ ਕੀਤੀ ਸੀ ।  ਰਵੈਲ ਨੇ ਕਿਹਾ ,  ਉਨ੍ਹਾਂ ਨੇ ਮੈਨੂੰ ਇਹ ਕਹਿੰਦੇ ਹੋਏ ਆਪਣੀ ਮਨਜ਼ੂਰੀ ਦਿੱਤੀ ਕਿ ਜੋ ਰਾਜ ਜੀ  ਦੇ ਕੰਮ ਕਰਨ ਦੇ ਤਰੀਕੇ ਨੂੰ ਜਾਣਦਾ ਹੈ ,  ਸਿਰਫ ਉਹੀ ਉਨ੍ਹਾਂ ‘ਤੇ ਕੋਈ ਕਿਤਾਬ ਲਿਖ ਸਕਦਾ ਹੈ।”

ਆਯੋਜਨ ਵਿੱਚ ਮੌਜੂਦ ਸਰੋਤਾ ਇਹ ਜਾਣਨ ਦੇ ਲਈ ਉਤਸੁਕ ਸਨ ਕਿ ਕੀ ਉਹ ਰਿਸ਼ੀ ਕਪੂਰ ‘ਤੇ ਵੀ ਕਿਤਾਬ ਦੀ ਯੋਜਨਾ ਬਣਾ ਰਹੇ ਹਨ। ਰਵੈਲ ਨੇ ਦੱਸਿਆ ਕਿ ਪ੍ਰਕਾਸ਼ਕਾਂ ਨੇ ਉਨ੍ਹਾਂ ਨੂੰ ਕਪੂਰ ਪਰਿਵਾਰ ‘ਤੇ ਇੱਕ ਕਿਤਾਬ ਲਿਖਣ ਜਿਹਾ ਸੁਝਾਅ ਦਿੱਤਾ ਹੈ ।

***

ਟੀਮ ਇੱਫੀ ਪੀਆਈਬੀ/ਡੀਜੇਐੱਮ/ਐੱਸਕੇਵਾਈ/ਡੀਆਰ/ਇੱਫੀ-76