ایس جے وی این کے سی ایم ڈی جناب این ایل شرما نے ورچوئل طریقے سے 1320  میگاواٹ  (2 X 660)   کے  بکسر حرارتی بجلی گھر کے دوسرے یونٹ کے کام کام افتتاح کیا۔

عزت مآب وزیراعظم جناب نریندر مودی نے 9  مارچ 2019  کو  1320  میگاواٹ کے بکسر حرارتی بجلی گھر کا سنگ بنیاد رکھا تھا۔ جناب شرما نے  بتایا کہ بجلی  اور این آر ای کے محترم  مرکزی وزیر جناب آر کے سنگھ پروجیکٹ کی پیش رفت کی مسلسل نگرانی کر رہے ہیں۔ انہوں نے تمام متعلقہ فریقوں کو تلقین کی کہ وہ  مقررہ مدت سے پہلے پروجیکٹ کو شروع کرنے کی غرض سے  جوش  وخروش  کے ساتھ سخت کوشش کریں۔

مذکورہ پروجیکٹ دو یونٹوں پر مشتمل ہے اور پہلے یونٹ  سے متعلق  50  فیصد  سے زیادہ کام پہلے ہی مکمل  ہو چکا ہے۔  ایس جے وی این تھرمل پرائیویٹ لمیٹڈ جدید ترین نوعیت  کی از حد اہم  ترین ٹیکنالوجی والا  1320  میگاواٹ کا بکسر حرارتی بجلی کا پلانٹ تیار کر رہا ہے، جو ایس جے وی این لمیٹڈ کی پوری ملکیت والی ایک ذیلی کمپنی ہے، اس پلانٹ میں تقریباً  11000 کروڑ روپے کا سرمایہ لگا ہے۔ جب یہ پلانٹ کام کرنے لگے گا تو اس میں 9828  ملین یونٹ بجلی  تیار ہوگی۔ انہوں نے  سب کے لئے ہمہ وقت  بجلی  کے مقصد کی جانب تعاون پر زور دیا۔ یہ مقصد  بھارت کے وزیراعظم نے طے کیا تھا۔ انہوں نے کہا کہ اس پلانٹ کی سرگرمیوں سے وابستہ   ہر ایک شخص کو جون 2023  تک پلانٹ کے پہلے  یونٹ  اور جنوری 2024  تک دوسرے یونٹ کے چالو ہونے کی جانب مل کر کام کرنا چاہئے۔

ایس جے وی این کی نصب شدہ  فوری صلاحیت  2016.51  میگاواٹ ہے اور اس کی گنجائش  11000  میگاواٹ  کی ہے نیز اس کا مقصد 2023  تک 5000  میگاواٹ  بجلی،  2030  تک 12000  میگاواٹ بجلی اور 2040  تک 25000  میگاواٹ  بجلی تیار کرنا ہے۔ ایس جے وی این  توانائی  پیدا کرنے والے مختلف  شعبوں میں موجود ہے، جن میں پن بجلی،  ہوائی چکی،  شمسی توانائی اور حرارتی بجلی شامل ہیں۔ یہ کمپنی بجلی  کی  ترسیل کے میدان میں بھی موجود ہے۔

۔۔۔۔۔۔۔۔۔۔۔۔۔۔۔۔۔۔

(ش ح- ع م- ق ر)

U-13231

(Release ID: 1774561) Visitor Counter : 165