এজুকেসন অমসুং স্কীল দিবলপমেন্তগী কেন্দ্রগী মন্ত্রী শ্রী ধর্মেন্দ্র প্রধান্না ঙসি ইস্ত খাসি হিলসকী, মোওদিয়াংদিয়াংদা নৌনা শাবা বিল্দিং শঙ্গাখ্রে। মেঘালয়গী মুখ্য মন্ত্রী  শ্রী কোনার্দ কে. সংমাসু হৌদোকপগী থৌরম অসিদা শরুক য়াখি। কেন্দ্রগী মন্ত্রীনা মেঘালয়গী মোওদিয়াংদিয়াংদা ইন্সতিত্যুৎ অসিবু শাবদা চংগদবা লম য়াওনা তঙাইফদবা পোৎলমশিং মতেং পাংলকপগীদমক মেঘালয়গী সরকারবু থাগৎপা ফোংদোকখি। ইন্সতিত্যুৎ অসিনা হিন্দীগী ওজাশিং অমসুং মসিবু তম্বা পামজবা মীওইশিংদা কান্নবা পীরগনি অমসুং লোল অসিদা রিসর্স তৌদুনা মেঘালয়, ত্রিপুরা অমসুং মিজোরামগী রাজ্যশিংদা কান্নবা পীরগনি।

থৌরম অসিদা ৱা ঙাংলদুনা কেন্দ্রগী মন্ত্রীনা হায়খি মদুদি এন.ই.পি. ২০২০ অসি লৈবাক অসিগী এজুকেসন্দা অহোংবা অমা পুরক্নবা পান্দম থম্লি অমসুং মসিবু তশেংনা পান্দম অমা ফংনবা হোৎনরি। মন্ত্রীনা হায়খি, এন.ই.পি.গী খ্বায়দগী মরু ওইবা শক্তম অসি এন.ই.পি. -২০২০না প্রাইমারী থাক্তগী এজুকেসন্দা ইমা লোলনা তমহন্নবা মরুওইবা পীরি অমসুং সরকার অসিনা অকক্নবা মতম অমদা পান্দম অসিবু থুংনবা কন্না হোৎনরি।

লৈবাক অসিদা লৈরিবা মখল কয়াগী সংস্কৃতী, লোল অমসুং চৎনবী অমসুং দাবর্সিতী অসিগী কো-একজিস্তেন্স অসি য়েংলদুনা মন্ত্রীনা হায়খি মদুদি লোল অসিগী ফজনা মরম ওইদুনা মীয়াম্না সংস্কৃতী অমসুং মরাং কাইরবা হেরিতেজ অসি অমগা-অমগা খঙনবা ঙম্লিবনি। মন্ত্রীনা হায়খি মদুদি তেক্নোলোজী শিজিন্নদুনা ইমা লোলশিং অসিবু য়োকখৎতুনা ইন্তর্নেত্তা মখোয়গী লোলদা শিজিন্নবা য়াই অমসুং মালেমগী অতৈ শরুক্তা লৈরিবা মীওইশিংনা মখোয়গী সংস্কৃতী অমসুং চৎনবী খঙবদা মতেং ওইগনি।    

মন্ত্রীনা হায়খি, “মফম অসিদগী তমজগদবা য়াম্না লৈরি, মসিদা হেরিতেজ মরাং কাইনা লৈরি অমসুং মহৌশাগী ওইবা রিসোর্সতা য়াম্না লিংনা লৈরি”। মফম অসিদা আই.আই.এম.গী অনৌবা কেম্পস য়াওনা অফবা এজুকেসনেল ইন্সতিত্যুৎ কয়া অমা লাক্লি”। মন্ত্রীনা হায়খি মদুদি মফম অসিগী নহারোলশিংনা তৌবা য়াবা কয়া অমসু লৈরি অমসুং মীপুম খুদিংমক্না নহা ওইরিবা তুংগী মীরোলগীদমক হেন্না ফবা থবকশিং পায়খৎনবা কন্না হায়খি। মহাক্না হায়ি, “মেঘালয়দা চাওরাক্না কোলেজ মহৈরোই লাখ ৩.৫ রোম লৈরি অমসুং হায়রিবা অসিদা মীপুম খুদিংমক্না পুন্না থৌদাং লৌমিন্নদুনা মখোয়গী ক্বালিতী এজুকেসন, স্কীলিং, মখোয়দা থবক পীবা ঙম্নবা হোৎনগদবনি। হোৎনরিবা অসিগী অহানবা খোঙথাং অসি তম্নবগী লোলগী থৌওংশিং অসি লায়থোকহনবা অসিনি”।

মন্ত্রীনা থাংজা নুমিৎতা গুৱাহাতিদা পাংথোকখিবা নোর্থ-ইস্ত এজুকেসন কনক্লেবতা পনখি মদুদি অৱাং-নোংপোক্কী লমদমদা চাওরাক্না লোল ১৮০ অমসুং দাইলেক ঙাংবা ত্রাইব অমসুং কাংলুপ কয়া অমা লৈরি অমসুং এন.ই.পি.না মসিবু য়োকখৎনবা অমসুং চাউখৎনবা শোইদনা য়াওরি। কেন্দ্রিয়া হিন্দী সংস্থান অমসুং ইংলিশ অমসুং ফোরেন লেঙ্গোইজেজ য়ুনিভর্সিতী (ই.এফ.এল.য়ু.)না সেন্তর ওফ এক্সেলেন্স ওইনা মথৌ তৌহনবা মেঘালয় সরকারগা লোয়ননা মরাং কাইনা লৈরবা খাসি, গারো অমসুং জ্যেনতিয়াগী লোলবু তেক্নোলোজীগী মতেংনা য়োকখৎনবা হোৎনগনি, হায়না মন্ত্রীনা হায়খি।  

থৌরম অসিদা মন্ত্রীনা লাইরিক অনিসু ফোংখি – সামানবেপুর্বোত্তারসনচয়ন অমসুং হিন্দী-খাসি-গারো-জ্যেনতিয়া-ইংলিস কোন্সাইস দিক্সনরী। মন্ত্রীনা দিক্সনরী অসিদা য়াম্না নুঙাইবা ফাওখি অমসুং মসিনা লোলশিং অসিদা য়াম্না কান্নবা পীরগনি হায়খি।

মেঘালয়গী মুখ্য মন্ত্রী শ্রী কোনার্দ কে. সংমানা রাজ্য অসিদা কেন্দ্রিয়া হিন্দী সংস্থান শঙ্গাবা অসিদা নুঙাইবা ফোংদোকখ্রে অমসুং ইন্সতিত্যুৎ অসি লৈবনা মেঘালয় অমসুং অৱাং-নোংপোক্কী লমদা হিন্দী তম্বা অমসুং লোল অসিদা নিংথিনা খঙহন্দুনা নহারোলশিংদা কান্নবা পীরগনি হায়না হায়খি। 

মেঘালয়গী এজুকেসন মন্ত্রী শ্রী লাখমেনরাইমবুই, শক্নাইরবা এজুকেস্নিস্ত অমসুং সংস্কৃত ভারতীগী কো-ফাউন্দর শ্রী চামু কৃষ্ণ শাস্ত্রী, কেন্দ্রিয়া হিন্দী সংস্থানগী দাইরেক্তর প্রোফেসর বীনা শর্ম্ম অমসুং কেন্দ্র অমসুং রাজ্য সরকারগী মকোক থোংবা ওফিসিএলশিংনা থৌরম অসিদা শরুক য়াখি।

******

(Release ID: 1773848) Visitor Counter : 129