فوڈ کارپوریشن آف انڈیا (ایف سی آئی) نے محکمہ خوراک اور عوامی تقسیم (ڈی ایف پی ڈی) کے تحت کھانے کے اناج کے نمونوں کی گھریلو جانچ کے لیے اپنی پہلی جدید ترین لیبارٹری قائم کی ہے۔ امور صارفین، خوراک اور عوامی تقسیم اور ماحولیات، جنگلات اور موسمیاتی تبدیلی کے وزیر مملکت جناب اشونی کمار چوبے نے آج گروگرام (ہریانہ) میں انسٹی ٹیوٹ آف فوڈ سیفٹی (آئی آیف ایس)، ایف سی آئی میں ’کوالٹی کنٹرول لیبارٹری‘ کا افتتاح کیا۔

جناب چوبے نے ’فورٹیفیکیشن آف رائس‘ پر ایک مختصر فلم لانچ کی اور ’برسٹنگ متھ، ریڈیو جنگلز، اور سوشل میڈیا کولیٹرل آن رائس فورٹیفیکیشن‘ پر مختصر فلمیں بھی لانچ کیں۔ ڈی ایف پی ڈی ’آزادی کا امرت مہوتسو‘ کے تحت با وقار ہفتہ منا رہا ہے، جو 15 نومبر 2021 کو شروع ہوا اور 21 نومبر 2021 کو ختم ہو گا۔ دریں اثنا، ڈی ایف پی ڈی کی طرف سے ملک کے تمام حصوں میں بہت سے دوسرے پروگرام منعقد کیے جا رہے ہیں۔

انسٹی ٹیوٹ میں ایف سی آئی کے ملازمین اور افسران سے خطاب کرتے ہوئے، جناب چوبے نے کہا کہ مودی حکومت صارفین کو محفوظ اور صحت مند غذائی اجناس فراہم کرنے کے لیے پرعزم ہے۔ انھوں نے ڈی ایف پی ڈی اور اس کے ماتحت تمام تنظیموں جیسے ایف سی آئی، سی ڈبلیو سی، آئی جی ایم آر آئی، ڈبلیو ڈی آر اے، نیشنل شوگر انسٹی ٹیوٹ اور دیگر کی کوششوں کی تعریف کی جنھوں نے آزادی کا امرت مہوتسو کے پر وقار ہفتہ کے لیے خصوصی پروگرام منعقد کرنے کا منصوبہ بنایا ہے۔

جناب چوبے نے یہ بھی کہا کہ یہ تقریبات لوگوں تک پہنچنے اور مرکزی حکومت کے وژن اور اچھے کاموں کو ان تک پہنچانے میں کارگر ثابت ہوں گی۔ انھوں نے محفوظ اور صحت مند کھانا کھانے کی اہمیت کے تئیں مرکز کی وابستگی پر زور دیا اور ایک صحت مند قوم کے لیے کام کرنے کے لیے ایف سی آئی کے ہمہ جہت نقطہ نظر کی تعریف کی۔ جناب چوبے نے تمام لوگوں کو مناسب، محفوظ اور غذائیت سے بھرپور غذائی اناج فراہم کرنے کی ضرورت پر بھی زور دیا، جو کہ ایک بڑی عالمی تشویش ہے، اور کہا کہ وزیر اعظم ملک کے ہر شہری کی غذائی تحفظ کے لیے ہر ممکن کوشش کر رہے ہیں۔

جناب چوبے نے کہا کہ ”مرکز فورٹیفائیڈ (غذائیت سے بھر پور) چاول کو عوامی تقسیم کے نظام کے علاوہ کھلے بازاروں میں بھی دستیاب کرانے کی کوششیں کر رہا ہے۔

جناب چوبے نے کہا کہ پہلے مرحلے کے دوران آئی سی ڈی ایس اور ایم ڈی ایم اسکیموں کے ذریعے مرحلہ وار 22 مارچ تک 35 لاکھ میٹرک ٹن چاول تقسیم کرنے کا ہدف ہے۔ دوسرے مرحلے میں مارچ 2023 تک 175 لاکھ میٹرک ٹن فورٹیفائیڈ چاول تقسیم کیے جائیں گے اور تیسرے مرحلے میں 350 لاکھ میٹرک ٹن فورٹیفائیڈ چاول مارچ 2024 تک تقسیم کیے جائیں گے۔

جناب چوبے نے کیمیکل پیرامیٹرز کے لیے کھانے کے اناج کے نمونوں کی گھر گھر جانچ کے لیے اپنی پہلی جدید ترین لیبارٹری قائم کرنے کے لیے ایف سی آئی کی تعریف کی، جس سے صارفین کے لیے اطمینان کی سطح میں بہتری آئے گی۔ یہ لیبارٹری کرناٹک میں سنٹرل فوڈ ٹیکنالوجی ریسرچ انسٹی ٹیوٹ، میسور کی قابل رہنمائی میں قائم کی گئی ہے۔

جناب چوبے نے کہا کہ ایف سی آئی ایک فعال نقطہ نظر کے ساتھ شفاف طریقے سے ملک میں کسانوں اور صارفین کے درمیان پل کا کام کرے گا اور ایف سی آئی بین الاقوامی معیار کی تکنیکی ترقی کو اپنانے کے لیے تیار ہے۔

یہ تبدیلی کی اصلاحات صارفین کو محفوظ غذائی اجناس کی بروقت فراہمی کو یقینی بنانے کے عمل کو آسان بنانے میں ایک طویل سفر طے کریں گی۔ انھوں نے آزادی کا امرت مہوتسو کے تحت منائے جانے والے پروگرام کے لیے جناب آتش چندر، سی ایم ڈی، ایف سی آئی کو مبارکباد دی اور کارپوریشن کے تمام ملازمین اور افسران کا شکریہ ادا کیا کہ انھوں نے عزت مآب وزیر اعظم نریندر مودی کے خواب کو شرمندہ تعبیر کرنے کے لیے ٹیم کے جذبے کے ساتھ کام کیا۔

انسٹی ٹیوٹ کی ڈائریکٹر محترمہ موتری موہنتی نے لیبارٹری کے قیام کے پیچھے کی جانے والی کوششوں کی وضاحت کی۔

                                               **************

ش ح۔ ف ش ع- ف ک   

U: 13079