আয়ুশ
কেন্দ্রগী আয়ুশ মন্ত্রী শ্রী সর্বানন্দা সোনোৱালনা অৱাং-নোংপোক্তা আয়ুশ পুখৎনবগীদমক মরুওইবা খোঙথাংশিং লাওথোকখ্রে
Posted On:
20 NOV 2021 5:50PM by PIB Imphal
- পাসিঘাত্তা সীত ৩০ লৈবা অনৌবা মেদিকেল কোলেজ অমা লিংখৎলগনি
- পাসিঘাত্তা বেদ ৬০ লৈবা অনৌবা মেদিকেল কোলেজ অমা লিংখৎলগনি
- এন.ই.আই.এ.এফ.এম.আর.গী কেম্পস্তা অনৌবা ইনফ্রাস্ত্রকচর শেমগৎনবগীদমক লুপা কোতি ৫৩.৭২গী শেনফম থাদগরনি
- খোঙথাং অসি হেন্না লায়থোক্নবা অনৌবা থবক্কী পোস্ত ৮৬ হাপ্লগনি
আয়ুশ অমসুং পোর্ত, শিপ্পিং অমসুং ৱাতরৱেজকী কেন্দ্রগী মন্ত্রী শ্রী সর্বানন্দা সোনোৱালনা ঙসি আরুনাচল প্রদেশতা আয়ুশপু পুখৎনবগীদমক মরুওইবা খোঙথাংশিং লাওথোকখ্রে। হায়রিবা অসি অৱাং-নোংপোক লমদম পুম্বদা আয়ুশকী সেক্তরদা চাউখৎ-থৌরাং পুরক্নবা চংশিল্লকপগী মখা তারকপনি।
![](https://static.pib.gov.in/WriteReadData/userfiles/image/image00144EM.jpg)
ঙসি অরুনাচল প্রদেশকী পাসিঘাত্তা লৈবা নোর্থ ইস্তর্ন ইন্সতিত্যুৎ ওফ আয়ুর্বেদা এন্দ ফোল্ক মেদিসিন রিসর্স (এন.ই.আই.এ.এফ.এম.আর.)দা ৱা ঙাংলদুনা মন্ত্রীনা কেম্পস মনুং অসিদা অনৌবা ইনফ্রাস্ত্রকচর অমা শেমগৎনবা লুপা কোতি ৫৩.৭৩ শেন্থং তৌনবা লাওথোকখ্রে। অনৌবা আয়ুর্বেদা কোলেজ অমা সীত ৩০ লোয়ননা অমদি বেদ ৬০ লৈবা আয়ুর্বেদাগী হোস্পিতাল অমা পাসিঘাতকী এন.ই.আই.এ.এফ.এম.আর. কেম্পস মনুংদা লিংখৎতুনা হান্না লেরিবা অসিগী মথক্তা পোস্ত ৮৬ হেন্না হাপচিন্দুনা থবক পীরগনি। মতুংদা একাদেমীক ব্লোক, নুপামচাগী হোস্তেল অমা, নুপীমচাগী হোস্তেল অমা, স্পোর্ত কম্প্লেক্সসু শাননবা থৌরাং তৌরি।
মীতিন অসিদা ৱা ঙাংলদুনা শ্রী সোনোৱালনা হায়খি, “ফোল্ককী হিদাক-লাংথক অসি থায়নগী লায়েং অমসুং থাজবগী অপুনবনি। অৱাং-নোংপোক্তা, ঐখোয়না সাইন্তিফিক ওইবা মওংদা থমদবা ফোল্ক হিদাক-লাংথক্কী য়াম্না কনবা চৎনবী অমা লৈজৈ। ঐখোয়না হৌজিক হায়রিবা অঙকপনা থল্লবা হিদাক-লাংথকশিং ইমা প্রকতীনা পীবিরিবা অসি য়োকখৎনবা কন্না হোৎনরি। ঐহাক্না মফম অসিদা হোস্পিতালগা লোয়ননা আয়ুর্বেদাগী কোলেজ অমা লিংখৎনবা লাওথোচবা অসি য়াম্না নুঙাইজৈ। হায়রিবা অসিনা থায়নগী চৎনবীশিং অসি য়োকখৎপদা এন.ই.আই.এ.এফ.এম.আর.গী খুৎথাংদা ঐখোয়না হোৎনজরিবা অসিদা পাঙ্গল হাপ্লগনি।
অৱাং-নোংপোক লমদা আয়ুশ সেক্তরগীদমক শেমগৎনবা থৌরাং তৌরিবা অসি হন্না হায়রদুনা সোনোৱালনা মখা তানা হায়খ, “মফম অসিদা ঐখোয়গী অয়ুর্বে কোলেজ মপাঙ্গল কনখৎহনবগী মথক্তা, অতোপ্পা মরুওইবা ইন্সতিত্যুৎ খরা হায়বদি রিজনেল রো দ্রগ রেপোসিতরী (আর.আর.দি.আর.) অমসুং ম্যুজিয়ম, সোফিস্তিকেতেৎ এনালাইতিকেল ইন্সত্রুমেন্ত ফেসিলিতী (এস.এ.আই.এফ.), অহানবা ওইনা হৌদোকপা পাঞ্চাকর্মা ত্রিতমেন্ত অমসুং রিসর্স সেন্তর অমসুং পেরামেদিকেল তিচিং সেন্তরসু মফম অসিগী মতমগী মতুং ইন্না লিংখৎলগনি।
নোর্থ ইস্তর্ন ইন্সতিত্যুৎ ওফ ফোল্ক মেদিসিন (এন.ই.আই.এফ.এম.), পাসিঘাত হৌজিক্না নোর্থ ইস্তর্ন ইন্সতিত্যুৎ ওফ আয়ুর্বেদা এন্দ ফোল্ক মেদিসিন রিসর্স হায়না মমিং থোনখ্রবা অসি ভারত সরকারগী আয়ুশ মিনিস্ত্রীগী মখাদা লৈবা ওতোনোমস ওইবা নেস্নেল ইন্সতিত্যুৎনি। একর ৪০ পাক চাউনা লিংখৎলিবা ইন্সতিত্যুৎ অসি ২০০৮গী ফেব্রুৱারীগী ২১দা কেন্দ্রগী মন্ত্রীমন্দলনা অয়াবা পীখিবনি। এন.ই.আই.এ.এফ.এম.আর. অসি মরুওইনা অৱাং-নোংপোক লমদা মিৎয়েং চংদুনা লৈবাক অসিদা কান্নবা পুরক্নবা থায়নগী লায়েংশিং চাউখৎনবা অমসুং মপাঙ্গল কনখৎনবা পান্দমদা লিংখৎখিবনি।
****
(Release ID: 1773583)
Visitor Counter : 142