شہری  ہوا بازی کی وزارت نے  آج  انڈین ایوی ایشن اکیڈمی میں نگرانی سے متعلق  بیداری کے موضوع پر ایک سیمینار کا انعقاد کیا۔ یہ سمینار  مرکزی نگرانی کمیشن کی طرف سے  دیئے گئے  موضوع ’آزاد ہندوستان  @ 75: ایمانداری کے ساتھ خود اعتمادی‘ پر منعقد کیا گیا تھا اور یہ  شہری ہوا بازی  کی وزارت کی طرف سے  آزادی کا امرت مہوتسو  منانے کے لئے  منعقد کی جانے والی  بہت سی تقریبات کا  حصہ تھا۔ اس سیمینار کا مقصد کرپشن کے برے اثرات کے بارے میں بیداری پیدا کرنا اور  عوام کی زندگی سے  کرپشن کے خاتمے کے لئے حکمت عملی  طے کرنا تھا۔

 

مہمان خصوصی کی حیثیت سے  شرکاء  کے سامنے تقریر کرتے ہوئے  شہری  ہوا بازی  اور سڑک و ٹرانسپورٹ اور  شاہراہوں کے وزیر مملکت  جنرل (ریٹائرڈ) ڈاکٹر وی کے سنگھ نے  اس بات پر اطمینان کا اظہار کیا کہ اس سیمینار کے نتیجے  میں  ہونے والے تبادلہ خیال سے  کرپشن کو  جڑ سے اکھاڑنے  کے  عزم کو  مزید تقویت  اور  ایک نئے بھارت  کی تعمیر میں مدد ملے گی۔

شہری ہوا بازی کے سکریٹری  جناب راجیو  بنسل نے  شرکاء  کو ، طور طریقوں کو بہتر بنانے اور بدعنوانی پر مبنی  طور طریقوں پر قدغن لگانے کے لئے ایس او پیز  متعارف کرانے  کی سمت میں  جاری  اقدامات کے بارے میں  معلومات دیں۔ انہوں نے بتایا کہ  وزارت نے  ای جی سی اے  اور ای بی سی اے ایس پلیٹ فارمس لانچ کئے ہیں، جہاں انجام دی  جانے والی کارروائیوں کو باالترتیب  شہری ہوا بازی  کی ڈائریکٹوریٹ جنرل  (ڈی جی سی اے) اور  بیورو آف سول ایوی ایشن سکیورٹی (بی سی  اے ایس) میں  کمپیوٹرائزڈ سسٹم کا حصہ بنایا گیا ہے اور ان جگہوں پر  عوام کی  آپسی گفتگو  سب سے زیادہ ہے۔

سی وی سی سے وابستہ مہمان خصوصی، ایڈیشنل سکریٹری جناب سدھیر کمار  نے کرپشن کے خاتمے کے لئے سی وی سی کی طرف سے  کئے گئے مختلف اقدامات کے بارے میں شرکاء کو بتایا۔ انہوں نے  پی آئی ڈی پی آئی  (پبلک انٹرسٹ ڈسکلوزر اینڈ  پروٹیکشن آف انفارمر رزیولیوشن 2004)  کے تحت  الزامات کے بارے میں مزید معلومات دی اور بتایا کہ کرپشن  کی سطح کو نیچے لانے  میں  یہ کس طرح مدد گار  اور زبردست طور پر  مؤثر  ہے۔ سی بی آئی کے جوائنٹ ڈائریکٹر جناب  پنکج سری واستو  نے  عوامی زندگی میں  کرپشن  کی لعنت سے  مقابلہ کرنے سے متعلق  اپنے تجربات  سے شرکاء کو  آگاہ کیا۔

اس تقریب میں  منظم بہتری پر  کتابچہ کے عنوان  سے  ایک  کتاب کا بھی اجراء  کیا گیا۔ اس کتاب میں  وزارت  کی  ویجیلنس ڈویژن اور  اس کی معاون  تنظیموں  کے ذریعے  زبردست  تحقیقات  پر مبنی  مطالعات  جمع کئے گئے ہیں اور  اس میں  منظم  بہتری  کے متعلق  مشورے بھی ہیں۔

شہری ہوا بازی کی وزارت، اس سے منسلک  ذیلی دفاتر ، جن میں سرکاری خدمات  کی صنعتیں بھی  شامل ہیں، ایئر پورٹ اتھارٹی آف انڈیا، ایئر انڈیا اینڈ پون ہنس  لمیٹڈ  کے  سینئر افسران  اور تنظیموں کے سربراہان نے بڑی تعداد میں اس سیمینار میں شرکت کی۔

۔۔۔۔۔۔۔۔۔۔۔۔۔۔۔۔۔۔

 

۰۰۰۰۰۰۰۰

(ش ح- س ب- ق ر)

U-12315

(Release ID: 1767494) Visitor Counter : 330