نئی دہلی:28اکتوبر،2021۔18 اہم سیکٹروں کے صنعتی ماہرین دین دیال اپادھیائے گرامین کوشل یوجنا (ڈی ڈی یو- جی کے وائی) کے تحت 15 سے 21 اکتوبر 2021 کے درمیان منعقدہ سی ایکس او میٹ کی سیریز میں ایک اسٹیج پر آئے۔ آزادی کے امرت مہوتسو کے تحت ہندوستانی کی آزادی کے 75 سال پورے ہونے کے تناظر میں آسام، جھارکھنڈ، مدھیہ پردیش، تملناڈو اور گجرات ریاستوں کے ریاستی دیہی  روزگار مشن (ایس آر ایل ایم) نے سی ایکس او میٹ میں تعاون فراہم کیا۔

جھارکھنڈ میں ورچوول سی ایکس او میٹ

مختلف سیکٹروں اور سیکٹر اسکل کونسلوں کے صنعتی ماہرین آئندہ نسلوں کیلئے حوصلہ افزالیبر مارکیٹ کو آگے بڑھانے کی کوششوں پر تبادلہ خیال کرنے کیلئے ایک پلیٹ فارم پر آئے۔ جن سیکٹروں میں شراکت داری ہوئی ان میں سیاحت اور ہاسپلٹی، ریٹیل، لاجسٹکس اور ملبوسات، کیمیکلز اور پیٹروکیمیکلز، آئی ٹی- آئی ٹی ای ایس، آٹوموٹیو، قابل تجدیدتوانائی، زراعت، حفظان صحت، تعمیرات، کیپٹل گڈس اور پیداوارشامل ہیں۔ بی ایم ڈبلیو، ہنڈئی، دی پارک ہوٹل، باربے کیو نیشن، لیلا پیلس، اوبرائے اور ٹرائڈینٹ، ممبئی، ویوانتا، وو مومو فوڈس پرائیویٹ لمیٹیڈ جیسی بازار کی سرکردہ کمپنیوں کے اعلیٰ مینجمنٹ نے اس بارے میں اپنے خیالات مشترک کیے کہ سی ایکس او میٹ کس طرح سبھی اسٹیک ہولڈرس کیلئے کچھ سیکھنے کے پلیٹ فارم کے طور پر کام کرتا ہے۔ اس کے علاوہ تربیتی شراکت داروں اور آجروں کے درمیان باقاعدہ بات چیت کی اہمیت پر بھی تبادلہ خیال کیا گیا۔

آسام میں ورچوول سی ایکس او میٹ

شرکت کرنے والی ہر ایک ریاست نے ایک خصوصی کاروبار پر توجہ مرکوز کی ۔ آسام (سیاحت اور ہاسپٹلٹی)؛ جھارکھنڈ (ریٹیل، سیاحت، مالیات، لاجسٹکس اور ملبوسات)؛ مدھیہ پردیش (لاجسٹکس اور ملبوسات)؛ گجرات (بیوٹی اینڈ ویلنیس سیکٹر سکل کونسل ، ہیلتھ کیئر سیکٹر اسکل کونسل، کیمیکلز اور پیٹرو کیمیکلز، لاجسٹکس سیکٹر اسکل کونسل، آئی ٹی-آئی ٹی ای ایس، کیپٹل گڈس وغیرہ)، تملناڈو (آٹوموٹیو)۔

مدھیہ پردیش میں سی ایکس او میٹ

ٹریننگ، پلیس منٹ اور پلیس منٹ کے بعد تعاون، ڈی ڈی یو –جی کے وائی کے تحت تربیت یافتہ امیدواروں کیلئے ری ٹنشن اور کریئر کی ترقی سے متعلق معاملات کے بارے میں گفتگو کی گئی۔ ڈی ڈی یو-جی کے وائی پروگرام کے ذریعے ہنرمند افرادی قوت کی کمی دور کرنے، ہنرمند افرادی قوت کی مانگ ، اجرت، خواتین امیدواروں کو کام پر رکھنے میں کچھ سیکٹروں کی ترجیحات وغیرہ کا جواب دینے میں ایس آر ایل ایم کے کردار پر بھی تفصیلی تبادلہ خیال کیا گیا۔

گجرات میں سی ایکس او میٹ

صنعت کے ماہرین اور ایس آر ایل ایم کے درمیان ہونے والی بات چیت کے دوران یہ دیکھا گیا کہ ای کامرس پلیٹ فارمز میں تیزی کے باعث لاجسٹک سیکٹر ایک پرکشش متبادل کے طور پر ابھر رہا ہے۔ اس لیے اس شعبے میں تربیت یافتہ کارکنوں کی ملازمت کے امکانات میں اضافہ ہوا ہے۔سی ایکس او میٹس نے تربیتی شراکت داروں اور صنعتوں کے درمیان باہمی فائدہ مند شراکت داری قائم کرکے اور اس میں سہولت فراہم کرکے ڈی ڈی یو- جی کے وائی پروگرام کے تحت تربیت یافتہ امیدواروں کو روزگار کے منصفانہ مواقع کو یقینی بنا کر صنعت کے نئے روابط قائم کرنے اور موجودہ روابط کی تعمیر کے لیے ایک پلیٹ فارم کے طور پر کام کیا ہے۔

تمل ناڈو میں سی ایکس او میٹ

دین دیال اپادھیائے گرامین کوشلیہ یوجنا (ڈی ڈی یو-جی کے وائی) کے بارے میں

دین دیال اپادھیائے گرامین کوشلیہ یوجنا (ڈی ڈی یو-جی کے وائی) کو عالمی معیارات کے مطابق اجرت پلیسمینٹ سے متعلق بینچ مارکنگ پروگراموں کے ایک پرجوش ایجنڈے کے ساتھ شروع کی گئی تھی۔ دیہی ترقیات کی وزارت نے 25 ستمبر 2014 کو قومی دیہی روزی روٹی مشن کے تحت تقرری سے منسلک ہنر مندی کے پروگرام کو دین دیال اپادھیائے گرامین کوشلیہ یوجنا (ڈی ڈی یو-جی کے وائی) کے طور پر تبدیل کیا۔ ڈی ڈی یو-جی کے وائی پلیسمنٹ سے منسلک ہنر کا ایک ملک گیر تربیتی پروگرام ہے، جسے دیہی ترقیات کی وزارت، حکومت ہند کی طرف سے فنڈنگ کی جاتی ہے۔ یہ پروگرام فی الحال 27 ریاستوں اور 4 مرکز کے زیر انتظام علاقوں میں نافذ کیا جا رہا ہے اور اس کے 2369 سے زیادہ تربیتی مراکز ہیں جو 57 خطوں میں تربیت فراہم کر رہے ہیں۔ اس کے علاوہ اس میں 616 سے زیادہ ملازمتوں کی فہرستیں ہیں۔ ڈی ڈی یو-جی کے وائی کے تحت کل 11.09 لاکھ امیدواروں کو تربیت دی گئی ہے اور 30 ​​ستمبر 2021 تک 7.13 لاکھ امیدواروں کو ملازمت دی گئی ہے۔

----------------------

ش ح۔م ع۔ ع ن

U NO: 12287