সিভিল এভিএসনগী কেন্দ্র মন্ত্রী, শ্রী জ্যোতিরাদিত্য এম. সিন্ধিয়া, সিভিল এভিএসন এম.ও.এস., জেনেরেল দাঃ ভি.কে. সিংহ (রিতাইয়র্দ)না সিভিল এভিএসন মন্ত্রালয়গী সেক্রেতরী, শ্রী রজিব বন্সালগা লোয়ননা ভারত সরকারগী আর.সি.এস.-উরান (উরে দেশ কা আম নাগ্রিক)গী মখাদা শিল্লোং-দিব্রুগর দাউরেক্ত ফ্লাইৎকী অহানবা ফ্লাইৎপু ভর্চুএলগী খুত্থাংদা লমথাখ্রে।

মেঘালয় রাজ্যগী মুখ্য মন্ত্রী, শ্রী কোনরাদ সাংমা, দিপ্যুতী মুখ্য মন্ত্রী, শ্রী প্রেস্তোন তীন্সোং, লোক সভাগী এম.পি. শ্রী ভিন্সেন্ত ঐচ. পালা, দাঃ ৱানৱৈরোয় খার্লুখি, রাজ্য সভাগী এম.পি., শ্রী দসাখিয়াতভা লমারে, পব্লিক ৱর্ক্স দিপার্তমেন্ত (বিলদিং) ত্রান্সপোর্ত বিভাগকী মন্ত্রী, শ্রী সনবোর শুল্লাইনা শিল্লোং-দিব্রুগর ফ্লাইৎকী থৌরমদা শরুক য়াখি।

সিভিল এভিএসন মন্ত্রালয়গী জোইন্ত সেক্রেতরী, শ্রীমতি উধা পাধীগা লোয়ননা এম.ও.সি.এ.গী সেনিয়র ওফিসিএলশিংনা এম.ও.সি.এ.দা পাংথোকপা থৌরমদা শরুক য়াখি।

সিভিল এভিএসনগী কেন্দ্র মন্ত্রী, শ্রী জ্যোতিরাদিত্য এম. সিন্ধিয়ানা হায়খি, “শিল্লোং অসি মালেমগী খ্বাইদগী ৱাংবা অমসুং চোৎপা লৈবাক অমনি। লমদম অসি লৈবাক্কীদা নত্তনা মালেম পুম্বগী ওইনা মরু ওইবনি। শিল্লোংদা থংনবা চিং, শুরুং, খ্বাইদগী ৱাংবা ঈশিং চাইবী, ফজরবা লম্মিৎ-তুম্মিৎকা লোয়ননা ইনাক খুল্লবা নাৎ অমসুং হেরিতেজ লৈবনা মসিবু স্কোৎলেন্দ ওফ দি ইস্ত হায়নসু খঙনৈ। মেঘালয়দা লৈতবা করিগুম্বা পোৎশক অমত্তা লৈতে। মফমসিনা মালেম শিনবা থুংবগী লমকোইবশিংগী পুক্নিং চীংশিল্লি”।

মন্ত্রীনা মখা তানা হায়খিবদা, “ইং ২০১৪দা অৱাং-নোংপোক্তা এয়রপোর্ত ৬তমক থবক তৌরম্বা অদু হৌজিক ইং ২০২১দা ১৫ শুরে। তেল্লবা চহি ৭কী মতমদা, ঐখোয়না মিৎয়েং শানবা পান্দম অসি ফংবা ঙমখি। মসিদি হৌরকপদা ঙাইরিবনি হায়না ঐহাক্না থাজবা পীরি। ঐখোয়না অৱাং-নোংপোক্কী ইন্তর্স্তেত অমসুং ইন্ত্রাস্তেত কন্নেক্তিবিতী ফগৎহন্নবা খোঙফম চেৎলি। ফ্লাইৎ কন্নেক্তিবিতী ফগৎহনবগী মথক্তা, লাস্ত মাইল দেলিভরীগীদমক্তা হেলিকোপ্তর সর্ভিসকা লোয়নবা ইনফ্রাস্ত্রকচর কয়া অমগসু হেন্না ফগৎহন্নবা ঐখোয়না পুক্নিং চঙলি। মসিবু অশেংবা ওইহন্নবগীদমক্তা, ঐখোয়না অৱাং-নোংপোক্কী হেলি সর্ভিসপু হেন্না খুমাং চাউশিলহন্নবগীদমক্তা হেলিকোপ্তর পোলিসী অমসু হন্দক্তা লোঞ্চ তৌখ্রে। ঐখোয়না লৈবাক শিনবা থুংবগী মীয়াম্বু অৱাং-নোংপোক লমদমদা লাকহনবা পাম্মি”।

শিল্লোংগী ফজরবা শহর অসি চিংনা মাইকৈ খুদিংদা কোইশিল্লি। মমিং লৈবা ইন্সতিত্যুসন কয়া লৈবগীদমক্তা মমিং চৎপা শিল্লোংনা অৱাং-নোংপোক ভারতকী এজুকেসন হব অমসু ওইরি। ফজবা অমসুং এজুকেসনগী ময়ায়গী মফম অমা ওইবতা নত্তনা, শিল্লোংনা নোং য়াম্না তাবা, শুরুং, খ্বাইদগী ৱাংবা ঈশিং চাইবী, নীংথিরব লম্মিৎ-তুম্মিৎ অমসুং নাৎ অমসুং চৎনবীদা ইনাক খুল্লবা মেঘালয়গী গেৎৱে অমা ওইনসু থৌদাং য়ারি। শিল্লোং অসি ইলেফেন্ত ফোল, শিল্লোং পীক, উমিয়ম পাৎ, সোহপেৎনেগ পীক, দোন বোস্কো ম্যুজিয়ম, লাইলুম কেনয়নগীদমক্তসু মমিং চৎলি। শিল্লোং অসি আই-লিগতা শরুক য়াবা ক্লব অনি, মিং ওইনা পল্লবদা রোয়াল ৱাহিংদো এফ.সি. অমসুং শিল্লোং লাজোং এফ.সি., পুথোকপা অৱাং-নোংপোক ভারতকী কোনুং ওইবা শহরনি। মসিগী মথক্তা, শিল্লোং গোল্ফ কোর্স অসি লৈবাক্কী খ্বাইদগী লিরবা গোল্ফ কোর্সকী মনুং চল্লিবনি।

হকথেংননা য়ৌবা য়াবা চত্থোক-চৎশিনগী খুদোং লৈতবনা মরম ওইদুনা, মীয়াম্না শিল্লোং অমসুং দিব্রুগরগী মরক্তা চৎনবগীদমক্তা পুং ১২ চঙবা শোরোক্কী লম্বী নত্ত্রগা ত্রেন তোংদুনা চৎপা নত্তনা পাম্বৈ অমত্তা লৈতে। হৌজিক্তি, লমদমসিগী মীওইশিংনা মিনিৎ ৭৫ চঙনা পাইবা ফ্লাইৎ তোংদুনা শহর অনি অসিদা চৎপা য়ারগনি।

উরান ৪গী বিদ্দিংগী থৌরমদা এম/এস ইন্দিগোদা শিল্লোং-দিব্রুগরগী লম্বীদা পায়বগী অয়াবা পীখি। এয়রলাইন অসিদা মীচম মীয়াম্না পুথোকপা ঙমগদবা অমসুং লায়না ফংগদবা ভরা পীনবগীদমক্তা উরান স্কিমগী মখাদা ভাইএবিলিতী গেপ ফন্দিং  (ভি.জি.এফ.)সু পীরে। এয়রলাইন অসিনা মী ৭৮ চনবা এ.তি.আর. ৭২ এয়র্ক্রাফ শিজিন্নগনি।

উরান স্কিমগী মখাদা ঙসি ফাওবদা লম্বী ৩৮৯ অমসুং এয়রপোর্ত ৬২ (হেলিপোর্ত ৫ অমসুং ৱাতর এরোদ্রোম ২) থবক তৌবা হৌরে। স্কিম অসিনা ভারতকী এভিএসন মার্কেত্তা অনৌবা রিজনেল সেগমেন্ত অমগী য়ুম্ফম থোল্লদুনা লৈবাক্কী রাজ্য অমসুং য়ু.তি.গী মমাংদা শম্নরমদবা মফমশিংদা মপাঙ্গল লৈবা নোংথক্কী কন্নেক্তিবিতী অমা লৈহনবদা মিৎয়েং চঙলি।

ফ্লাইৎ পায়বগী পুংফমশিং মখাদা পীরিঃ

*****