ఫీనిక్స్ పేరెంట్‌కో, ఐఎన్‌సి ద్వారా పారెక్సెల్ ఇంట‌ర్నేష‌న‌ల్ కార్పొరేష‌న్ కొనుగోలును కాంపిటీష‌న్ క‌మిష‌న్ ఆఫ్ ఇండియా (సిసిఐ) ఆమోదించింది. ప్ర‌తిపాదిత క‌ల‌యికలో భాగంగా పారెక్సెల్ ఇంట‌ర్నేష‌న‌ల్ కార్పొరేష‌న్ (టార్గెట్‌)లోని 100%  ఈక్విఈ వాటాల‌ను ఫీనిక్స్ పేరెంట్ కంపెనీ (కొనుగోలుదారు) భ‌విష్య‌త్తులో కొనుగోలు చేయనుంది. కొనుగోలుదారు ఈక్యూటీ ఫండ్ మేనేజ్‌మెంట్ ఎస్‌.ఎ.ఆర్‌.ఎల్ (ఈక్యూటీ), గోల్డ్‌మాన్ సాక్స్ గ్రూప్, ఐఎన్‌సి (గోల్డ్‌మాన్ సాక్స్) సంయుక్తంగా నియంత్రిస్తున్నాయి. 
టార్గెట్ కేంద్ర‌కార్యాల‌యం యుఎస్ఎలోని ద‌ర్హాంలో ఉంది. ఈ సంస్థ బ‌యోఫార్మాస్యూటిక‌ల్ కంపెనీల (జీవ ఔష‌ధ‌) కు బ‌యోఫార్మ‌స్యూటిక‌ల్ ఔట్‌సోర్సింగ్ సేవ‌ల‌ను అందిస్తుంది. టార్గెట్ అంత‌ర్జాతీయ స్థాయిలో చేప‌ట్టే కార్య‌క‌లాపాల‌ను క్లినిక‌ల్ సొల్యూష‌న్స్‌, క‌న్సెల్టింగ్ వంటి విస్త్ర‌త విభాగాలుగా వ‌ర్గీక‌రించవ‌చ్చు. 
దీనికి సంబంధించిన సిసిఐ వివ‌ర‌ణాత్మ‌క ఉత్త‌ర్వులు జారీ కానున్నాయి. 

***
 

(Release ID: 1766421) Visitor Counter : 140