نئی دہلی:22اکتوبر،2021۔تجارت و صنعت، صارفین کے امور، خوراک اور سرکاری نظام تقسیم، نیز ٹیکسٹائل کے مرکزی وزیر جناب پیوش گوئل نے آج ایمانداری اور شفافیت کے بنیادی اصولوں پر قواعد و ضوابط پر مبنی کثیر جہتی تجارتی نظام میں آزاد تجارت کا مطالبہ کیا۔ انہوں نے مزید کہا کہ جہاں بھی بھارت کو غیر مناسب یا غیر منصفانہ سلوک کا سامنا کرنا پڑے گا، وہ جوابی کارروائی کرے گا۔ جناب گوئل نے بین الاقوامی تجارت میں نان ٹیرف رکاوٹوں کے ذریعہ درپیش مسائل کے حل کی ضرورت پر بھی زور دیا۔ وہ آج نئی دہلی میں انڈین انسٹی ٹیوٹ آف فارن ٹریڈ کے 54ویں کنووکیشن سے خطاب کر رہے تھے۔

ہندوستان کے 100 کروڑ ٹیکے لگانے کی حالیہ کامیابی کا حوالہ دیتے ہوئے انہوں نے کہا کہ یہ سنگ میل 130 کروڑ ہندوستانیوں کی اجتماعی کوششوں کا نتیجہ ہے اور ہندوستان کے ‘آتم نربھارت’ اور اس کی صلاحیتوں کا بہترین حد تک فائدہ اٹھانے اور پوری دنیا کی ضروریات کو پورا کرنے کے عزم کا ثبوت ہے۔

جناب پیوش گوئل نے کہا کہ کنووکیشن ایک اہم تقریب ہے جو گریجویٹس کے سفر کے اگلے مرحلے کی نشاندہی کرتی ہے جب وہ 'علم کے حصول' سے 'علم کے اطلاق' تک بڑھتے ہیں۔

انہوں نے 1963 میں اپنے قیام کے بعد سے ہندوستان کی بیرونی تجارت میں بے پناہ تعاون کرنے پر آئی آئی ایف ٹی کی تعریف کی۔

انہوں نے کہا کہ آئی آئی ایف ٹی کو اس کے مضبوط علم اور وسائل کی بنیاد کے لیے بڑے پیمانے پر پہچانا گیا ہے اور اسے ایشیا-بحرالکاہل خطے کے معروف بزنس اسکولوں میں مستقل طور پر درجہ دیا گیا ہے۔

ہندوستان میں تعلیم کے شعبے میں ایک پرعزم اور متحرک قیادت کی ضرورت کو اجاگر کرتے ہوئے جناب پیوش گوئل نے ہمارے طلباء کو بہترین ٹیکنالوجی، غیر ملکی قانون، معاشیات اور بین الاقوامی تجارت کی نمائش کو بڑھانے پر زور دیا۔ دنیا بھر کے ممتاز اداروں کے ساتھ انہوں نے ہندوستانی یونیورسٹیوں سے کہا کہ وہ ایسے اداروں کے ساتھ مستقل تعاون کریں۔

تعلیمی اداروں کو صنعت کے ساتھ بڑے پیمانے پر جوڑنے کی ترغیب دیتے ہوئے جناب گوئل نے طلباء سے کہا کہ وہ سرکاری و نجی سیکٹر دونوں ادارے کے ساتھ انٹرن شپ کریں۔ آن لائن تعلیم کے ذریعہ پیش کردہ مواقع کے بارے میں بات کرتے ہوئے جناب گوئل نے آن لائن اور ہائبرڈ تعلیم کے طریقوں میں مزید چیزیں تلاش کرنے پر زور دیا۔

جناب پیوش گوئل نے طلباء کو بتایا کہ وہ ہمارے دور کی اجتماعی یاد میں سب سے زیادہ تباہ کن واقعات کے درمیان گریجویشن کر رہے ہیں۔ انہوں نے اس بات پر زور دیا کہ کووڈ کے بعد کے ‘نئے معمول’ میں ہم اب پرانے اصولوں کے مطابق نہیں چل سکتے۔ انہوں نے ہمارے روایتی سوچ کے عمل کو نئے سرے سے ترتیب دینے کے لیے کووڈ کے ذریعے پیدا ہونے والی خلل انگیز مداخلتوں کو استعمال کرنے پر زور دیا۔ غیر ملکی تجارت میں اپنے وسیع تجربے سے دو سینٹ کی پیشکش کرتے ہوئے جناب گوئل نے طلباء سے ‘سیکھیں، سیکھیں، دوبارہ سیکھیں اور دہرائیں’ پر زور دیا۔

جناب پیوش گوئل نے کہا کہ چیلنجوں کے باوجود وزیر اعظم نریندر مودی کی قیادت میں ہندوستان نے بحران کو تبدیلی کے موقع میں تبدیل کرنے کا مقصد بنایا ہے۔ انہوں نے کہا کہ ہندوستان کو ایک قابل اعتماد شراکت دار کے طور پر دیکھا جا رہا ہے اور ہم ایف ٹی اے ​​کے جلد اختتام کے لیے ہم خیال ملکوں برطانیہ، یوروپی یونین، کینیڈا، آسٹریلیا اور متحدہ عرب امارات کے ساتھ کام کررہے ہیں۔

بنیادی ڈھانچے اور کثیر ماڈل کنیکٹیویٹی کے لیے پی ایم گتی شکتی نیشنل ماسٹر پلان جیسے ہندوستان کے ولولہ انگیز پروگراموں کا حوالہ دیتے ہوئے جناب گوئل نے کہا کہ ملک میں بنیادی ڈھانچے کی تعمیر کے لیے منصوبہ بند اور مرکوز کوششوں کی ضرورت ہے تاکہ سیلوس کو  توڑ کر ہم آہنگی پیدا کی جاسکے۔ انھوں نے مزید کہا کہ ‘‘ہم جو کچھ کرتے ہیں اس میں معیار اور پیداواری صلاحیت لانے کی ضرورت ہے۔ ایک ‘میڈ ان انڈیا’ پروڈکٹ دنیا کے لیے ایک گارنٹی ہونی چاہیے’’۔

وزیر اعظم جناب نریندر مودی کی دور اندیش قیادت کی تعریف کرتے ہوئے  جناب گوئل نے کہا کہ ہندوستان کی فیصلہ کن قیادت، مضبوط صنعت، متحرک میڈیا اور قانون کی حکمرانی کو برقرار رکھنے کے اس کے عزم نے ہندوستان کو عالمی اقوام کے لیے ایک قابل اعتماد شراکت دار بنا دیا ہے۔

اس بات پر افسوس کا اظہار کرتے ہوئے کہ ہندوستان ماضی میں کئی مواقع سے محروم رہا، جناب گوئل نے اس امید کا اظہار کیا کہ اب ہم ترقی کے لیے دستیاب ہر موقع سے فائدہ اٹھائیں گے۔ انہوں نے مزید کہا کہ ‘‘ماضی ایک قدم ہے، سنگ میل نہیں’’۔

یہ دیکھتے ہوئے کہ ہم عصر ہندوستان پراعتماد اور پھر بھی غیر مطمئن تھا، انہوں نے کہا کہ غیر مطمئن، پراعتماد لوگ ہی دنیا کو بدل دیں گے۔ انہوں نے ساتھی ہندوستانیوں پر زور دیا کہ وہ کبھی بھی کم پر نہ رہیں اور ہندوستان کو عالمی رہنما بنانے کے لئے مل کر کام کریں۔

اس موقع پر جناب گوئل نے گریجویشن کرنے والے طلباء کو مہارت کے لیے کئی ایوارڈز پیش کئے۔

-----------------------

ش ح۔م ع۔ ع ن

U NO:12104